1 KORINTUS 8:10 - Nanduk Ngget Tul Pidnak Wene

¹⁰ Kat karu yidnak nap na-net nde, kugiwak uwi worak ma-nen nunggwi mende nasola keyaruk, at indi lubuk nap mbi-nen yik kiyujwanggal-e, ”An-nen na kugiwak amanggim pidnak nunggwi mende namin-o” luk arem puwa iri kali bug-a?

1 KORINTUS 8:10 ပူးပေါင်းရင်းမြစ်များ

AMOS 2:8

Nagawan Indo erembel wanugwi sa oboksa ereba na me nene yogolar-e, ap insilobulo lak nap-nen it enarengge luru wok unduruk, tuguruk uwi yakola-nen wok undurak puruk insilobulo lak nap unsum wanidnak ereba na min-et yirik nene yili-o. It-nen-e it enarengge wanidnak pem it ereba na enarengge anggut amburu iri-ge Mbal Pem Nagawan ama-nen nonggolat kwatli-o.

YIDNAK YIDNAK WENE 15:20

Alat nde, nunggwi mende kugi amanggim pidnak min mbabi yugwi min pip ndonggoksa wat yidnak ino min eyabi min mondok keya ber-o luk it enmanggim engga mbaruwog-o.

OROMA 14:14

An-e Nagawan Indo Yesus imin kundik woraso me, wene yu-ge an-e ”Irir-o” perasu-o. Yi mende ndi mende pidsa ondomok-net wosama yoso bug-o. Alat nde, ap inndi-nen peraidnak pem-et ”Yu-ge wosama-o” luk perasola-ge, iri mende-ge at amanggim-e wosama yusu-o.

OROMA 14:23

Alat nde, indi angin min nasu nap at indi angin tubu yigit lak-net nde ninggidnak me, at ebem-e Mbal Pem Nagawan-nen wene mbarak pidnak worasu-o. Nde, yi mende ndi mende oboksa inndi angin tubu yigit lak pem-nen kwatli iri-ge meya irit kwatli-o.

1 KORINTUS 10:32

Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

1 KORINTUS 8:7

Alat nde, wene yu-ge ap pidsa-nen-e enaru-ge lag-o. Ap ereb-e kugiwak pempa tena woragolar-e, yawo na nunggwi mende na nonggolar-e: ”Yu-ge ndemeret kugiwak amanggim pidnag-o” luk peragolar-e, it inndi-nen yebet kagwi-ge ndeyak me, kopkap tobok tak pili-o.

1 KORINTUS 8:9

Alat nde, kit weserak kinpidnak pem kwarugup iri-nen-e ndeyak yidnak nap iri enare pugup naru, kinndi kwara wolmer-o.