1 KORINTUS 7:34 - Nanduk Ngget Tul Pidnak Wene

³⁴ at indi-ge mberen yusu-o. Kwe ndugum un lak-nen-e at ebe min indi min marak worayeklug-e, Nagawan Indo eyabu nak nggok tak pusu-t nde, un worak kwe-ge un-nen at ebem indi yek maklug-e, nggweyak ma mende nak nggok tak pusu-o.

1 KORINTUS 7:34 ပူးပေါင်းရင်းမြစ်များ

YOANES 10:13

Onggo wanurak pem nak parugu woraso nap iri-ge lomba wam na umud kagit lak, kwiye mboroso-o.

OROMA 6:13

Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.

1 KORINTUS 6:20

Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.

1 KORINTUS 7:33

Alat nde, at ogwe-nen at ebem indi yek maklug-e, ogwe worak nab-e nggweyak ma mende nak nggok tak posola me,

1 KORINTUS 7:35

Kit yongga kondosolat-nen yak kundusu-o. Kenare posolat-nen yusu-ge lag-o. Are, kir-e konak mot mot nak kwarogolar-e, kinndi tugup lak luk Nagawan Indo eyabu wanobokluk-nen yak kundusu-o.

2 KORINTUS 11:28

Nde, nebem mbidnak mende ereb-e kwarat worasola-t nde, yak kindigit lak yusu-o. An-nen pempa numud kaso iri-ge lambuk tak inpidnak nap oboksa numud eneyaso-o.

2 KORINTUS 8:16

Nir-e kit yongga kundurak pem ninndi embem yili nggal, Mbal Pem Nagawan-nen kit yongga kundurak pem Titus na indi embem wok tid iri bem nit Mbal Pem Nagawan wa yak tili-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

1 TIMOTIUS 3:5

Nde, at-nen-e at ama woragwi nap na kwara yik eneyarok woraso buk ala-ge, nggesa-nen Mbal Pem Nagawan-nen idnak lambuk tak inpidnak nab-e yik eneyarok wolma-o?

1 TIMOTIUS 5:5

Togwe terak ndumu ndemeret togwe iri-nen-e indi-ge Mbal Pem Nagawan ebem mbung mbung tak woralar-e, kubu-nen lengge-nen at eram tepan yosolat, at yongga wuruwakluk emengen mbarosolat yoso-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.