1 KORINTUS 7:26 - Nanduk Ngget Tul Pidnak Wene

²⁶ An-nen perasolar-e, yawo ya tarem-e anggun panggun worasu me, yu nggal wolmomtag-e ob-o. Ab-e worasu iri nggal-et wolmomtag-e konag-o luk perasu-o.

1 KORINTUS 7:26 ပူးပေါင်းရင်းမြစ်များ

MATIUS 24:19

Iri tarem-e kwami enabila wolma min li kamo mak undugwi min-e enabuwa-o!

LUKAS 21:23

Iri kwaruwa tarem-e o yu ebem-e angin worak mende nggulok mbosolat, Mbal Pem Nagawan isilepma ap yu enpem mondok posolat ma me, kweyap enabila min li kamo mak undugwi kweyap min enpem mbuwa mende bem enabuwa-o!

1 KORINTUS 7:1

Kit-nen engga mbarak pem kin wok nibigep wene iri na yawo-nen onggo yak kendeyeg-o. Ap-nen kwe wanigit lak wolmomtag-e ob-o.

1 KORINTUS 7:27

Kat kogwe wanigendik worasu-a? Iri ala, kwe na keya burak pug-o. Kar-e kwe wanigit lak worasu-a? Iri ala, kwe-ge kore yurak pug-o.

1 KORINTUS 7:28

Alat nde, kat-nen kwe wanosolar-e, meya kwarusu-ge lag-o. Nde, kwe ndugum-nen ap wanosolar-e, meya kwarusu-ge lag-o. Alat nde, wok kerak mbidnak kwe min ap min-e nggweyak ma mende bem anggun panggun kali iri nggal kagup naru-nen yigi-o.

1 KORINTUS 7:8

Nde, it terak suwe min togwe min an-nen yak endeyeg-o: Kir-e an worasu nggal wolmomtak na ob-er-o.

2 TESALONIKA 2:2

Ap-nen yogolar-e: ”Lag-o. Nagawan Indo lobok yurak Tarem irit kwat agaij-o” luk yogola na, kirimbi yogola na, ”Irit yamu-o” luk nit-nen mbaridnak engga nggal yak kondogola na, kulurug-e, kir-e ndag-et nak wendet luk, kinndi pok yurak pug-o.

1 PETERUS 4:17

Ap enpem wene mbarurak tarem-e pi wok yij-o. Nde, nanduk nandug-er-e Mbal Pem Nagawan ilirak nit nenpem nandug-et wene mbaruwa-o. Nde, nandug-er-e nit nenpem wene mbarosolug-e, abog-e Mbal Pem Nagawan-nen idnak aid wene keya bugwi nap enpem wene mbarosola, ngge nggal kwat ma-o?