1 KORINTUS 6:9 - Nanduk Ngget Tul Pidnak Wene

⁹ Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

1 KORINTUS 6:9 ပူးပေါင်းရင်းမြစ်များ

NDAK WIRIDNAK WENE 19:5

Ap ereba na-nen enne nggoksa Lot yak togolar-e: ”Ap kat kama nene yurak lobok yiga ya na-ge ngge me worali-o? Mondok nendam pi-o. Inmin nene yul-o!” yiga-o.

MBIRIGA WENE 23:1

Nagawan Indo-nen yosolar-e: ”Kir-e we ebe lak ennesiget wene iri na wigarurak pug-o. Nde, meya kwarugwi nap enambigit yogolat, kennesiget wene yurak pug-o.

NGGOMO WENE 22:8

Lugud tak kwarugwi uwi pil kaidnag-e anggun worak mende enpem mbuwa-o. Abok nggwe-ge at-nen kasa ereba indi-n pidnak kwat enperenak woraso ereba na-ge lak ma-o.

NGGOMO WENE 7:27

At ama mborogolar-e, mondok wat momtak tula poro irit kore yogolar-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

YESKIEL 18:11

at eid-nen kwaroso buk mende ereba na min-et kwarosolar-e, kugwiwak erembel wanugwi sa ereba na me-nen kugwiwak amanggim pidnak nasolat, ap onkwe inmin mbabi yosolat,

TEPAN OMBO-NEN KWARURAK WENE 19:15

Kit-nen ap enpem wene mbarogolar-e, ap enarengge lak nap enambigit na yurak puk. Ap kek tak na enaye yurak puk. Are, mot mor-et ap enpem wene mbarurag-o.

MATIUS 19:29

Nde, an nebem ala at uwi worak nde owe owot nde iridtak nde eid ija nde ilirak nde eyabu nde keya buruk nuwa nab-e, iri mende ondolmasa seratus pem wanosolat, pem-et uruk wolmomtak elem winde yosolat ma-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

YIDNAK YIDNAK WENE 20:32

Nde, yawo-ge an-e Mbal Pem Nagawan min at-nen we wok ondoso wene min inggem kegera kunpusu-o. At-nen-e tugup lak tak konposolat, marak inpidnak nap pidsa enmanggim lud tak pidnak imining angge iri-ge it inmin lambuksa wok kondosolat kwarurag-e ndak-nen yusu-o.

YIDNAK YIDNAK WENE 24:25

Alat nde, Paulus-nen-e lud tak kwarugwi wene yosolat, inndi-nen tebe yoso wene yosolat, abok-nen nit nenpem wene mbarurak tarem obok yosolat yosola karug-e, Pelik iri na kwiye kwarat luk-nen yosolar-e: ”Yu bem-et ndag-o. Mbiri-o. Abok-nen kat kene kulurak tarem ndak yosola-ge, yonggo kibimin-o” luk yij-o.

OROMA 1:18

Ap-nen meya yidnak iri-nen ndowaga Mbal Pem Nagawan enaru yurak iri kabak tak pusu bem-e Mbal Pem Nagawan isilepma-ge aid arem-nen ap-nen wene kuruk tugwi min meya kwarugwi min oboksa ebem nam tak pusu-o.

1 KORINTUS 15:33

Kenambik konmbol pem lali-ge meyog-o. ”Meya kwarugwi nap inmin totno are kondogolar-e, enpage konak kwarugwi na-ge lak tak poso-o.”

1 KORINTUS 15:50

Nanggamirak wa-e. Yu nggal yosolat-nen yigi-o: Nenaboro min nenmep min worali yu bem-e Mbal Pem Nagawan-nen tenagaidnak wi winde yurag-e meya-o. Nde, piri yoso mende-nen piri yoso buk mende winde yurag-e meya-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 5:1

Kit kennggendumu-ge ap mbi eid ogwe wanidnak wene kuligi-o. Nde, meya iri nggal iri-ge it inndi angin tubu yigit lak nap-nen na kwarugwi bug-et nde, kwaridnak obok kuligi-o.

1 KORINTUS 5:10

it nggweyak ma nap, mbabi kwarugwi min inndi meya min enesiget yugwi min kugi erembel wanugwi min, it inmin yigir-e lag-o. It inmin nde yosolat nggal-e, kir-e nggweyak ma yu me-nen konoksa nin me mbetleb-o.

1 KORINTUS 5:11

An yak kindigi na-ge, ap misik-nen-e: ”Kerisut ebem an-e kanggam-nen yusu-o” luk yosolar-et nde, mbabi kwarosolat, indi meya yosolat, kugi erembel wanosolat, ap onpok posolat, anggut engen amburu ndonggosa nasolat, enesiget yosolat, iri nggal kwaroso imin nde yigi-o. Iri nggal kwaroso imin-e nunggwi mende erep mondok norak pug-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

1 KORINTUS 6:18

Ap onkwe yebugwi iri mondok keya ber-o. Yi meya ndi meya mende kwarogolar-e, ap enpe meya rak onposo bug-et nde, at mbabi yusu nab-e at ondomok ebe meya rak ubusu-o.

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

1 KORINTUS 9:24

Pong kagolar-e, it pong kagwi nap pidsa ndak ndak puburak mbiridnag-et nde, nggareksa mbiridnak nap misiget nak-nen onggo wanoso kir-e kenaru bug-a? Iri nggal-et kir-e onggo wanurak pem-e pong nak kagolat wolmer-o.

2 KORINTUS 12:21

An tuguruk wok yimin nggal, kit kinmbiri bem Mbal Pem Nagawan-nen an ninggiri wuruwa iri-ge nanduk kwarogolat woraidnak nap-nen-e it meya kwarogolat woragwi-ge kop kap tobok tak kwarugwi min kwami terak ye unpugwi min kwarugwi buk mende kwarugwi min iri kwarugwi keya buruk kondok yigit lak ala karuk, an-e yip kwarat timin-o luk numud kasu-o.

NGGALATIA 6:7

Kit na kit kondomok konmbol pem lali-ge meyog-o. Ap-nen Mbal Pem Nagawan nggweyel uburag-e meya-o. Ap-nen uwi yagaidnak iri na-ge ebe yosoma, mbarugwi-net yusu-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

IBERANI 12:16

Nde, kit kennggendumu-nen ap misik-nen mbabi kwarosolat, Esau-nen kwarid nggal konak mende na ebe lak mende nggal tak posolat ma naru, kwil kwalsa wolmer-o. Esau na-ge manggu nderak nak-nen wanugwi imbiringgat mende na-ge misiget pem norak piring iri na min onggo onggo rak pamu-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

YAKOBUS 1:16

Nanggamirak kenabuwa worak wa-e. Kit na kit-net konmbol pem lali-ge meyog-o.

1 YOANES 3:7

Nilirak wa-e. Ap-nen konmbol pem lujwakluk nggeyok nak yurak pug-o. Kerisut-e lud tak nak kwaroso me, ta-nen nde lud tak kwaroso-lar-e, Kerisut nggal mot mot-net yusu-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.