1 KORINTUS 6:20 - Nanduk Ngget Tul Pidnak Wene

²⁰ Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.

1 KORINTUS 6:20 ပူးပေါင်းရင်းမြစ်များ

YESAYA 44:22

Kat-nen lugudtak kwaroso-ge an-nen nggan nggan nggal ko sa wirik pigi-o. Kat meya yidnag-e an-nen o age nggal pu yaga wirik pigi-o. Kar-e an-net wisirik kubukmu me, tuguruk an neram lobok yi-o!” luk yij-o.

MATIUS 5:16

Nde, iri nggal-et kit-nen konak nak kwaridnak na karuk yuwarig-e, it-nen-e Kineid aid arem woraso iri erembel wanuwakluk, kit keneyaya-ge ap ennggendumu yaya yuwag-o.”

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 6:19

Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

1 KORINTUS 7:23

Kir-e abu konnggo mbarak pidnak me, kir-e ap ndegel unpugwi nap kwat yurak pug-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

PILIPI 1:20

Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

IBERANI 9:12

Nde, Kerisut na-ge sum-nen wiridnak wi O Mondok Marak Sa iri me nggosolar-e, pem-et woralik nalik momtak pem misik pem na nggwij-o. Iri me nggosolar-e, kambing wam eyabi nde sapi wam kusi marik eyabi nde Mbal Pem Nagawan amanggim peyekluk waruk nggwigit lag-o. Are, at ondomok eyabi waruk nggosolar-e, nit nunlug-et pem-et woralik nalik wolmakluk, weserak ninpij-o.

1 PETERUS 1:18

Kir-e ebe lak mende kwarugwi iri-ge, kit konmborak-nen kenpem pidnak mende na kwarogola, iri kwarugwi na weserak kenpeyekluk nonnggo pid iri-ge lak momtak mende perak posid min emas posid min pem-e pigit lag-o luk kenaru mer-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.