1 KORINTUS 6:11 - Nanduk Ngget Tul Pidnak Wene

¹¹ Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

1 KORINTUS 6:11 ပူးပေါင်းရင်းမြစ်များ

NDAWI ENGGA 51:2

An-nen meya kwaroso oboksa masa lak tak nibi-o. An-nen meya yoso elem arem-nen masa mbereksa keya nibi-o.

NDAWI ENGGA 51:7

Masa labuk yek-nen marak nibi-o. Mondok loro mbek yaga labuk yek-nen masa keya nibi-o.

NGGOMO WENE 30:12

Ap erep-nen-e ir-e yi meya ndi meya kobong tak-net nde, it ondomog-e mondok marak nap nggal kwatli-o.

YESAYA 1:16

Kit meya yidnag-e mondok masa mbek tak puruk wolmer-o. Kit-nen yi meya ndi meya kwatli ereba-ge keya buruk, ndong yer-o. Tugurug-e mondok meya kwarurak puk na-e. Kuligeb-a?

YESAYA 45:25

Alat nde, Yakup-nen wigarag-e inmiri yosola, it-nen-e Nagawan Indo an nerembel wanuwa-o.

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

YESKIEL 36:25

Iri rak kunpurug-e, yi kopkap lak pem nggweyel yaga kenpem pimin iri-ge kit-nen erembel wanugwi kugwiwak oboksa min kik tak onposo mende-nen kit kopkap tobok tak kinpidnak ereba min oboksa masa labuk yobokluk-nen kwarimin-o.

MATIUS 20:4

at-nen it yak ondosolar-e: ”Kit min-et an neyapmu iri me yabu wil mberer-o. Nde, yabu wanogola-ge, onggo ndak ndak wok kindimin-o” luk yak indij-o.

LUKAS 18:14

Iri luk, Yesus-nen it yak ondosolar-e: ”An yak kendeyeg-o. It na mborogolar-e, at Parisi nap iri-ge lag-o. Are, pemerinta enmanggim tol ndok woroso nap iri na nde Mbal Pem Nagawan-nen lud tak obosola, ama mbirij-o. Iri kwarid iri-ge ap-nen nde inndi kek yuwa nab-e teberak unpuwa-o. Nde, ap-nen nde inndi tebe yuwa nab-e, kek tak unpuwa-o” luk yij-o.

YOANES 13:10

Yosoloma-ge, Yesus-nen at yak tosolar-e: ”Yi maridnak nab-e ebe pidsa mondok marak worasu me, at tuguruk marurag-e lag-o. Are, at ijok nak marurag-o. Kit pidsa marak nak worali-t nde, ap misiget perak nde marak pigit lak worasu-o” luk yij-o.

YOANES 13:8

Iri yosoloma-ge, Peterus-nen at yak tosolar-e: ”Kat-nen an nuwok marurag-e mondok lik laksa-o!” luk yosoloma-ge, Yesus-nen at yak tosolar-e: ”An-nen kat mat kibigit lak ala-ge, kar-e an nimin kundig-e lag-o” luk yak tij-o.

YOANES 5:4

Nde, misik tarem misik tarem-e Nagawan Indo-nen idnak aid nap mbuwasolar-e, ereya na-net yi ugup lerak iri na wuruk kemek tak poso-o. Nde, yi wuruk kemek mbosola, nandug-et nggwidnak nap iri na nak at kugi worak woraidnak na-ge ki yoso-o.]

YIDNAK YIDNAK WENE 13:39

Musa-nen imiri mbarak pidnak wene-nen wisirik kunpurag-e meya-t nde-o, inndi-ge Yesus ebem angin tubu yuwa nab-e at-nen wisirik unpurak perak ndag-o.

YIDNAK YIDNAK WENE 22:16

Nde, yawo-ge kar-e noluk kindi tusuruk yusu-o? Men yi-o. Yi ma kobosola, Nagawan Indo unu luk wene mbo bosola-net kat meya yidnak masa lak tak puwa-o’ luk yak nirij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

OROMA 3:24

Alat nde, onggo lag-et we wok ondoso elem pem-nen Kerisut Yesus-nen nit nonnggo pidnak me, Mbal Pem Nagawan-nen-e lud tak nak ninpij-o.

OROMA 4:5

Nde, yabu-ge wanigit lag-et nde, we inndi-ge meya yugwi nap lud tak nak onposo Mbal Pem Nagawan na ebem inndi angin tubu yogola-ge, Mbal Pem Nagawan-nen-e it inndi angin tubu yidnak pem-net lud tak nak onposo-o.

OROMA 5:1

Iri bem-e, nit ninndi angin tubu yidnak pem lud tak nak ninpidnak me, Nenagawan Indo Yesus Kerisut ebem nir-e Mbal Pem Nagawan imin lambuk tak ninpidnak worali-o.

OROMA 5:9

Yawo-ge Yesus eyabi bem-nen lud tak nak ninpidnak worali iri-ge ija-t nde, Mbal Pem Nagawan isilepma-ge nit nenpem mbuma naru, Yesus-nen ninmiri yuwa iri perak nde ija lombog-o.

OROMA 8:30

Nde, nanduk-net len inpidnak nap iri na-t Mbal Pem Nagawan-nen yonggo inpij-o. Nde, yonggo inpidnak nap iri na-t lud tak nak inpij-o. Lud tak nak inpidnak nap iri na-t kek tak inpij-o.

OROMA 8:33

Mbal Pem Nagawan-nen len ninpidnak nap nir-e ta-nen nonpok puwa-o? Mbal Pem Nagawan-nen lud tak nak ninpidnak me,

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 1:30

Alat nde, Mbal Pem Nagawan ebem-e Kerisut Yesus imin kundik kinpidnak worali-o. Kerisut iri-ge Mbal Pem Nagawan-nen-e nit ninndi tenggerak elem tak obosolat, at ebem-et mot mot tak nonposolat, mbek tak nonposolat, nonnggo paga weserak nonposolat yij-o.

1 KORINTUS 12:2

Kit nanduk Mbal Pem Nagawan kenaru buk woragolar-e, kir-e kinndi kwara yebet kagit lak urugup lak kugiwak ambigit nggwe lit kunpuruk mboroso iri-ge kir-e kenaru nar-o.

NGGALATIA 2:16

Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

NGGALATIA 3:11

Nde, imiri mbarak pidnak wene bem-e Mbal Pem Nagawan-nen-e ap lud tak nak onposo bug-o luk nam-et kali-o. Mbal Pem Nagawan engga mbarak pem-nen yosolar-e: ”At indi angin tubu yidnak pem-nen Mbal Pem Nagawan imin lud tak nak ibidnak nab-e urug-et wolma-o” luk mbarij-o.

NGGALATIA 3:24

Iri ala-ge, Kerisut lobok yigit lak ma-ge, imiri mbarak pidnak wene iri-ge nit mul nondoso nap nggal woragaij-o. Nde, Kerisut na lobok yamu-nen-e ninndi angin tubu yidnak pem-nen lud tak nak ninpij-o.

NGGALATIA 3:8

Enlem nin nab-e inndi angin tubu yidnak pem-net Mbal Pem Nagawan-nen lud tak nak unpurak wene na awo ma-net aru luk, Mbal Pem Nagawan-nen at engga bem mbarosolar-e, aid wene-ge Abaram yak tosolar-e: ”Kat kebem-net yi nap ndi nap enlem pidsa-ge imbiringgat tak unpuwa-o” luk yak tij-o.

EPESUS 5:26

Ar-e ondomok indi wisirik pid iri-ge, marak wolmakluk, at-nen korak onposolar-e, yi bem min at ene bem min-nen yi mat inpij-o.

EPESUS 5:8

Nde, nanduk kir-e ndamuk woraigeb-et nde, yawo-ge Nagawan Indo ebem yaya worali-o. Iri bem-e, yaya ilirak-nen kwarugwi nggal-et kwarogolat wolmer-o.

2 TESALONIKA 2:13

Nennggamirak Nagawan Indo-nen kenabuwa kaso wa-e. Kit kenpem ala, nir-e mondok pempa Mbal Pem Nagawan wa-o yak togolat wulmul-o. Tel kwiridnak kuri-net Mbal Pem Nagawan-nen kinmiri yekluk len konposolar-e, Konak Indi-nen mbek tak kinpidnak pem na, ndemeret wene bem kinndi angin tubu yigep pem na len kinpij-o.

IBERANI 10:22

Iri bem-e, nit-nen Mbal Pem Nagawan eram panggosa mborogolar-e, ninndi mot mot tak puruk, ninndi ndemeret kwara angin tubu luk, meya yebet kagwi na mbek tak ninpidnak pem-net, kop kap lak yi bem nenpe mat ninpidnak pem-net panggosa mburuwog-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

IBERANI 2:11

Nde, it-nen meya kwarugwi na inggem-nen weserak onposo nap Yesus min weserak inpidnak nap it min-e ineij-e misiget-nen yusu-o. Iri kwarak ala karuk, at-nen-e inggiri lag-et it inmin-e ”An nowosirak-nen yili-o” luk yoso-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 1:22

Kir-e Mbal Pem Nagawan-nen yidnak yidnak nak kwarogolar-e, kit na kit-net mat koragolar-e, Kerisut ebem inndi angin tubu yidnak nap ndemeret enabuwa kali-o. Nde, kinndi min-net nabuwa kabuwa yogolat wolmer-o.

1 PETERUS 3:21

Nde, yi lagaid iri-ge yawo yi ma konpogola kinmiri yusu iri ut mimirik-nen yusu-o. Yi ma kinpili yu-ge kenaboro kusimin mat makluk-nen yi ma kinpili-ge lag-o. Are, kinndi konak mbek tak pem Mbal Pem Nagawan imin kondogolat urul yak tigep iri bem-nen kinmiri yusu iri-ge Yesus Kerisut uruk agaid na bem-net kinmiri yusu-o.

1 YOANES 2:12

Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.