1 KORINTUS 5:5 - Nanduk Ngget Tul Pidnak Wene

⁵ Nagawan Indo-nen idnak Tarem-nen at indi imiri yuwakluk, iri kwaridnak nap iri-ge Sere eram kegera per-o, at ebe lak tak puwakluk.

1 KORINTUS 5:5 ပူးပေါင်းရင်းမြစ်များ

AYUP 2:6

Yosoloma, Nagawan Indo-nen Sere iri na yak tosolar-e: ”Iri ala-ge, ob-o. Kat-nen kwat uburak perasu-ge kwat nak ibi-o. Alat nde mbigija-ge ebe iri perak wururak pug-o” luk yak tij-o.

NGGOMO WENE 23:14

Alat nde, inmiri nde yugun-o.

MATIUS 4:10

Yosoloma-ge, Yesus-nen at yak tosolar-e: ”Kat Sere yu-ge mbiri-o! Mbal Pem Nagawan Engga mbarak pem-nen yosolar-e: ’Kat-nen-e Nagawan Indo Kembal Pem Nagawan nak kek tak uburuk, at arig-et nak ndegel obosolat wolmin-o’ luk yij-o” luk Yesus-nen yak tij-o. [

LUKAS 22:31

Yuruk, Yesus-nen yosolar-e: ”Simon wa-e. Simon wa-e. Kuli-o! Ap-nen yi mende ndi mende engen arik lena bogolat, owak min aboro min keya bili na nggal, iri nggal-et Sere-nen kit pidsa kinndi ngareyekluk Mbal Pem Nagawan emengen mbarij-o.

YIDNAK YIDNAK WENE 26:18

It enlengen kuwarak pugunmu-ge, it-nen ndamuk arem-nen nden karuk, yaya ambigit nggwe lobok yogolat, Sere inggiyapma-nen Mbal Pem Nagawan ambigit nggwe lobok yogola-ge, it meya yidnak iri-ge an-nen namberam tak posola, an nebem inndi angin tubu yidnak pem korak inpidnak nap inmin lambuk makluk, endam wirik kibimin irir-o’ luk yak nirij-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

1 KORINTUS 11:32

Alat nde, nggweyak ma nap enpem wene mbarosolar-e, it inmin lambuksa nenpem wene mbaruwa naru, Nagawan Indo-nen-e angin worak mende nenpem pusu iri-ge mul nondosolat-nen yusu-o.

2 KORINTUS 10:6

Kir-e nit-nen yidnak nak kwarugwi nde iminep mbal yosola-ge, lugud tak kwarugwi nap na anggun worak mende enpem purag-e lid lud tak puruk worali-o.

2 KORINTUS 12:7

Nde, nam tak pidnak mende kwiye worak mende kagi iri bem an nindi kek ma naru, isile misik an norosolat wolmakluk an narem nggegetsa pij-o. Isile iri-ge Sere-nen ibil lobok yidnak an nindi teberak wolmakluk an nindi nggambu woroso-o.

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

PILIPI 1:6

Kit kenarem konak eyabu tel kwirid Mbal Pem Nagawan-nen-e eyabu iri na wok tenag-et worasoma, Kerisut Yesus lobok yuwa tarem-nen worok tak puwar-o luk an-e mondok naru worasu-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

2 TIMOTIUS 1:18

Onesiporus-nen-e o Epesus-nen an kwarat yongga nirid wene-ge kar-e karu nar-o. Iri kwarid pem-e, woroksiyem ap enpem wene mbaruwa Tarem-nen-e Nagawan Indo-nen at ubud kujwag-o.

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.

1 YOANES 5:16

Ap mbi-nen at anggam aid wene wanidnak nap an-nen at lak tak uburak puk mende meya misik kwarosola-ge, Mbal Pem Nagawan-nen-e ap na urug-et wolmomtak elem wok tuwakluk anggam na amanggim tepan yuwag-o. Yu nggal kwarurak iri-ge it lak tak unpurak puk mende meya mbi kwarogola nak-nen kwarurag-o. Alat nde, it lak tak unpurak mende meya mbi kwarosoma-nen enmanggim tepan yurak yak kundusu-ge lag-o.