1 KORINTUS 5:11 - Nanduk Ngget Tul Pidnak Wene

¹¹ An yak kindigi na-ge, ap misik-nen-e: ”Kerisut ebem an-e kanggam-nen yusu-o” luk yosolar-et nde, mbabi kwarosolat, indi meya yosolat, kugi erembel wanosolat, ap onpok posolat, anggut engen amburu ndonggosa nasolat, enesiget yosolat, iri nggal kwaroso imin nde yigi-o. Iri nggal kwaroso imin-e nunggwi mende erep mondok norak pug-o.

1 KORINTUS 5:11 ပူးပေါင်းရင်းမြစ်များ

NDAWI ENGGA 101:5

Ap mbik mbok anggam obok pusu nab-e an-nen lak tak inpimin-o. Ap inndi-nen ija bija yugwi indi kek tak iri-ge mondok keya inpimin pug-o.

MATIUS 18:17

Alat nde, at-nen nde it iri na enne na kuligit lak ala-ge, wene iri-ge lambuk tak inpidnak nap inmbiri bem-net yurag-o. Yukmu nde, at-nen-e lambuk tak inpidnak nap na enne na kuligit lag-et ala-ge, at iri na-ge Mbal Pem Nagawan aru buk nap nggal, pemerinta enmanggim tol ndok woroso nap nggal irit yik kagolat wolmomtag-o.

MATIUS 23:25

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Kit-nen-e kinidmbe nde kinpiring nde ombol nggwe mondok kona matli-t nde, arem nggwe-ge yariya ap enarengge mengga wanugwi min kit kondomok ukwe ukwe yugwi min-nen kobong tak worasu-o.

LUKAS 18:11

Nde, Parisi nap iri-ge men luk, indi arem-nen tepan yosolar-e: ’Mbal Pem Nagawan wa-e. An-e ap erep nggal-e lag-o. It ereb-e yariya wanugwi nap min lugud tak kwarugwi nap min uwingga mbarugwi nap min iri-ge an-e iri nggal kwaroso buk me, wa yak kurusu-o. An-e pemerinta enmanggim tol ndok woroso yu nggal-e lak me, wa yak kurusu-o.

LUKAS 21:34

Yuruk, Yesus-nen yosolar-e: ”Kir-e kinndi-ge nunggwi mende nggok sakwi min enanggul nden kaso yi ndonggosa nunggwi min nak ebem pogolat, kit-nen kwarurak mende nak kunmud kagolat woragolar-e, kir-e lid lud tak pigit lak worakmu mimo wok yimin-o luk kir-e mondok kwil kwalsa wolmer-o.

YIDNAK YIDNAK WENE 1:15

Misik tarem-e inndi angin tubu yidnak nab-e seratus dua pulu (120) nggal ndok worak worakmu-ge, Peterus na it ennggendumu men luk-nen yosolar-e:

YIDNAK YIDNAK WENE 9:17

Yak tosoloma-ge, Ananias na mberarig-e, o iri na me nggwij-o. Nggosolar-e, at inggi-nen Saulus na tena buruk-nen yak tosolar-e: ”Nanggam Saulus wa-e. Kat tula lobok yosoma, at ambikpebe mirik kibid nap Nagawan Indo Yesus-nen kat kerengen tuguruk kuwak yosolat, Konak Indi-nen kat yebet tak kobosolat makluk, an wirik nebamu-o” luk yak tij-o.

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

1 KORINTUS 10:14

Nenggamirak kenabuwa worak wa-e. Iri bem-e, kugiwak erembel wanurak pug-o.

1 KORINTUS 11:21

Nunggwi mende nonggolar-e, it ondomok tak-nen unmburu-ge nili-o. Iri nggal kwarogolar-e, ap ereb-e nere woragolat, ereb-e amburu ndonggosa nuruk enanggul nden kasolat kwatli-o.

1 KORINTUS 6:10

yariya wanugwi min inndi meya min anggut engen amburu ndonggosa nunggwi min ap onpok pugwi min ap enmberam lagwi min-e Mbal Pem Nagawan-nen tenagaidnak wi-ge winde yuwa bug-o.

1 KORINTUS 6:6

Are, anggam misik-nen anggam na ebem wene mbaruwakluk, inndi angin tubu yigit lak nap endam mburugwi-a?

1 KORINTUS 6:9

Mot mot yugwi buk nap-nen-e Mbal Pem Nagawan-nen tenagaidnak wi winde yuwa buk na-ge kir-e kenaru bug-a? Kenambikpebe konmbol pem lali meyog-o. Mbabi kwarugwi min kugi erembel wanugwi min ap onkwe yebugwi min ap-net ap ye unpugwi min

1 KORINTUS 7:12

Nde, it ap erep iri-ge Nagawan Indo-nen yak undusu-ge lag-o. An-net yak undusu-o: indi angin tubu yidnak nap misik ogwe-ge indi angin tubu yigit lak kwe-t nde, ap iri imin lambuksa wolmomtag-e indingen ala-ge, un-nen-e ogwe iri keya burak pug-o.

1 KORINTUS 7:15

Alat nde, un ala na, ogwe ala na, at indi angin tubu yigit lak iri-nen-e at indi angin tubu yidnak iri keya burak indi wok yosola-ge, keya-t puwa-o. Iri nggal kwarak ala-ge, indi angin tubu yoso iri-ge un ala na, ogwe ala na, at iri imin kamarak ibidnag-e lag-o. Kir-e yamuksa woraboklug-e Mbal Pem Nagawan-nen yonggo kinpij-o.

1 KORINTUS 8:11

Iri nggal kwarugun pem Kerisut na at na amanggim wat yidnak nap, kanggam indi lubuk nap iri-ge kat karu yidnak pem-net are pugun-o.

NGGALATIA 2:12

Yakobus-nen inpil lobok yidnak nap iri me wok yigit lak ma-ge, Peterus-nen-e nennggamirak enlem nin nap na inmin totno ningga-t nde, it iri na wok yogolikma-ge, iniye ambasap wabugwi nap iri na inndi aye-nen Peterus-e it enlem nin nap keya unpuruk, it inmin ninggit lak woragaij-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

EPESUS 5:5

Kit-nen ”Iri-ge ndemeret wene-o” luk peragolat wolmomtak wene-ge yu-o: Mbabi yugwi nap min kop kap tobok tak woragwi nap min ukwe ukwe yugwi nap min (Nde, ukwe ukwe yugwi iri-ge kugiwak erembel wanugwi nggal-nen yusu-o) iri kwarugwi nab-e Kerisut min Mbal Pem Nagawan min-nen tenagaidnak wi-ge winde ma bug-o.

KOLOSE 3:5

Iri ala-ge, kir-e nggweyak ma nap woragolat-nen ukwe ukwe yugwi mende-ge mbabi yugwi nde, mbilaro ngin mende kwarugwi nde, mbabi kwarurak ukwe ukwe yugwi nde, meya nak kwarurak peragwi nde, worala-t nde ukwe nak yugwi nde, iri-ge oboksa worak pugup na-e. Nde, worala-t nde ukwe nak yugwi iri-ge kugiwak erembel wanugwi-nen yusu-o.

2 TESALONIKA 3:14

Nit-nen mbaridnak engga yu-nen yidnak yidnak nak kwaroso buk nap mbi worala-ge, kit-nen ap iri na lombot uburuk, at inggiri kujwakluk mondok imin are kundurak pug-o.

2 TESALONIKA 3:6

Nennggamirak wa-e. Nennggamirak perari worak nap min nit-nen kit yak kindidnak wene iri na-nen yidnak yidnak kwarugwi buk nap min it endam-nen nuruksa wolmer-o luk, nir-e Nagawan Indo Yesus Kerisut unu bem-et kiri keresa yak kindili-o.

1 TIMOTIUS 3:3

anggut engen amburu ndonggosa naro buk nap, isilepma yoso buk nab-et nde, indi yangonak nap, ap lambuk tak onposo nap, uwang nggok tak poso buk nap,

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

2 YOANES 1:10

Iri bem-e, nin nap-nen lobok yuwarik, nin wene owak yak kondogola-ge, kenma rak unpurak puk, wa na yak undurak puk na-e.

NAM PARA WENE 2:14

Alat nde, kit-nen kwatli erep ereba perak nde nisili-o. Iri-ge: Kit kennggenggerak ap ereb-e Mbileam-nen Isarael nap enare posolar-e, kugiwak amanggim pidnak nunggwi mende nonggolat, mbabi yogolat makluk, Mbalak mirik pid wene na langgal luk mbitli-o.

NAM PARA WENE 2:20

Kwe Isebel iri-nen yosolar-e: ’An-e Mbal Pem Nagawan-nen nibil lobok yidnak-nen yusu-o’ yosolar-e, an ndegel nubugwi nap enmberam lasolar-e, mbabi kwarurak min kugiwak amanggim pidnak nunggwi mende norak min mul ondoso kwe Isebel na kinndi wok tili iri perak an-e nisili-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.