1 KORINTUS 4:6 - Nanduk Ngget Tul Pidnak Wene

⁶ Nanggamirak wa-e. Kit kenpem-nen ndowaga wene yu-ge an min Apolos min-nen idnak nggal tak pigi-o. Nit nenpage karuk, engga mbarak pem-nen yidnak yidnak irit kenaru yobokluk yak kindigi-o. Kir-e kinndi kek luk misik nap unu kek tak pogolat, nin nap teberak pogolat momtag-e meya-o.

1 KORINTUS 4:6 ပူးပေါင်းရင်းမြစ်များ

NDAWI ENGGA 146:3

Nggweyakma nap nagawan-nen-e kinmiri yurak meya me, nagawan ereba na enpem kinndi wat tak puruk wolmomtak pug-o.

NDAWI ENGGA 8:4

nggweyakma nap iri-ge no nggal ala-nen kar-e kindi enpem woralat, no nggal ala-nen kwara ndegel unpusu-o?

YIDNAK YIDNAK WENE 18:24

Iri na tarem-e o Aleksandaria woraso Yawuri nap misik unu Apolos iri-ge o Epesus lobok yij-o. At iri-ge wene owak ngara yoso nab-o. Mbal Pem Nagawan Engga na kwara aru nab-o.

YIDNAK YIDNAK WENE 19:1

Apolos-e Korintus worala-ge, Paulus-e o siri anggul nggwe ereba waring kil kil-e Epesus wok yij-o. Iri me-ge Yesus ene wanugwi nap erep inmin lambuk lug-e,

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

1 KORINTUS 1:12

Yu nggal yosolat-nen yigi-o: Kit kenarik tik kenarik tak-nen yogolar-e: ”An-e Paulus mende-o”, ”An-e Apolos mende-o”, ”An-e Peterus mende-o”, ”An-e Kerisut mende-o” luk yil mbitli-o.

1 KORINTUS 1:19

Mbal Pem Nagawan engga mbarak pem-nen yosolar-e: ”Inndi tenggerak nap-nen idnak inndi lid tak elem iri-ge an-nen lak tak pimin-o. Elem kwarat enaru nap-nen enaru yidnag-e mbereksa lak tak pimin-o” yij-o.

1 KORINTUS 1:31

Iri ala-ge, Mbal Pem Nagawan engga mbarak pem-nen yosolar-e: ”Ta-nen nde indi kek tak posolat ala-ge, Nagawan Indo ebem-net indi kek tak puwag-o” luk yij-o.

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

1 KORINTUS 3:19

Nggweyak ma nap inndi tenggerak elem yili na-ge Mbal Pem Nagawan erengen pem-e wid-nen yugwi nggal-nen yusu-o. Mbal Pem Nagawan engga mbarak pem-nen yosolar-e: ”Nagawan Indo-nen-e ap indi nggat nggat worak na ngonok tak obosolar-e, at ondomok indi nggat nggat iri na-net ngonok tak ubusu-o” luk,

1 KORINTUS 3:21

Iri ala-ge, at-nen enpe-nen kwarugwi mende bem at indi kek tak purak pug-o. Yi mende ndi mende pidsa-ge kit winde-nen yili-o.

1 KORINTUS 5:2

Iri nggal worasola-t nde, kir-e kinndi kek tak pili-o. Kit kinndi puru luk, iri nggal kwaridnak nab-e kit kennggendumu-nen lena mbepme rak peleb-o.

1 KORINTUS 5:6

Kit-nen kek yili iri-ge meya-o. Oroti lomboroso mende marik komosa-t nde, oroti enggendumu posoma, oroti pidsa lumburusu iri-ge kir-e kenaru bug-a?

1 KORINTUS 8:1

Nde, yawo-ge kugiwak amanggim pidnak nunggwi mende wene yimin-o. ”Nit pidsa ninndi worag-o” yugwi iri-ge nir-e nenaru-o. Iri nggal yogolar-e, ap enambik-nen kek yili-o. Alat nde, ap enabuwa kagwi elem iri-nen-e inndi tugup lak tak onposo-o.

1 KORINTUS 9:23

An-nen iri kwarusu iri-ge aid wene bem ala-nen imbiringgat waneyekluk-nen kwarusu-o.

2 KORINTUS 10:12

Nir-e enambik entembel wanugwi nap inmin misiget luk nde it inmin ndak ndak yurag-e kwiye-o. It na it-nen enambik inmin ndak wat koragolat, it na it-net enambikpebe-net irit irit tak pogolat yili-o. It iri-ge wid inndi worak ijar-o!

2 KORINTUS 10:15

Nit, neneyabu kuri pidnak sa ombol nggwe nin nap-nen wanili yabu iri bem nit ninndi kek tak pili bug-o. Are, nit-nen peragolar-e, kit kinndi angin tubu yidnak kwarat yosola-ge, kit kenpem ala nir-e kek tak nunpuwa-o luk perali-o. Nde iri-ge neneyabu kuri mbal nindidnak iri na me-t wanul-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 KORINTUS 11:4

Nde, ap-nen kit kendam lobok luk, nit-nen yak kindidnak Yesus-e lak, nin Yesus mbi owene yak kondogola na, nit-nen wok kindidnak Indi-ge lak, nin indi mbi wok kondogola na, nit-nen yak kindidnak aid wene-ge lak, nin aid wene yak kondogola na, iri-ge kit kenalen min-et wanili nag-o.

2 KORINTUS 12:19

Kit-nen nenperagolar-e: ”It iri-ge nit ninmbiri bem-e it enambikpebe lud tak nak kwarugwi nab-o luk yuwakluk engga iri mbatli-o” luk nenperali-t nde, iri-ge lag-o. Nir-e Mbal Pem Nagawan imbiri bem-et Kerisut ebem ala wene yu yili-o. Nennggamirak kenabuwa worak wa-e. Nit-nen kwatli mende oboksa-ge kit kinndi angin tubu yidnak iri mendak pogolat-nen kwatli-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

2 KORINTUS 12:6

An-net an nondomok nindi kek tak pelep nggal-e, an nindi kek pelep iri-ge ndemeret me, ”Wid-nen yugwi nggal yusu-o” luk yak nururak pug-o. Alat nde, ap-nen an neberagolar-e, an-nen kwarosola kaidnak pem-nen na, an-nen yosola kulidnak pem-nen na, niyujwag-o luk, an-e nondomok nindi kek tak pimin pug-o.

2 KORINTUS 4:15

Iri mende oboksa-ge kit kenmanggim kwat yusu-o. Nde, Mbal Pem Nagawan-nen we wok ondoso elem kwarat iri-ge ap nin endam wok lik, nin endam wok lik yosolar-e, it-nen-e Mbal Pem Nagawan wa kwarat yak togola-ge, Mbal Pem Nagawan unu kek tak pogolat wolma-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

1 TESALONIKA 1:5

Nde, nit-nen-e aid wene kit kendam waruk lobok yige iri-ge, we nenne nak-nen yak kindigit lag-o. Are, Konak Indi amawi bem-nen na ”Yu-ge ndemeret wene-net yusu-o” luk, mondok nenaru yidnak pem-nen na yak kindige nar-o. Nde, kit kenmanggim ala, nir-e kit kennggendumu woragolat-nen yabu wanige na-ge kenaru nar-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.