1 KORINTUS 4:5 - Nanduk Ngget Tul Pidnak Wene

⁵ Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

1 KORINTUS 4:5 ပူးပေါင်းရင်းမြစ်များ

AID WENE YOSO NAP 11:9

Ap sujwe wa-e. Kunsujwe woragolat-net kenalin kenalen yogolat wolmer-o. Kit kinndi-nen ukwe yidnak min kinndi pidnak min-nen yidnak yidnag-et kwarogolat wolmer-o. Alat nde, kwara kenaru wolmomtag-o. Mbal Pem Nagawan aid arem worasu iri-nen-e kit-nen kwarugup oboksa-ge mbenaruwa-o.

YEREMIA 23:25

Ennesiget an nene lomboksa yugwi nap-nen yili ereba-ge an-e naru worasu-o. An nunu bem ennesiget yogolar-e: ’An neresa-nen nabi bem yak nendamu-o’ luk yili-o.

MALEAKI 3:18

Nde, an nilirak-nen-e konak kwarugwi nap min meya kwarugwi nap min an ndegel nubugwi nap min an ndegel nubugwi buk nap min enpem mbuwa mende iri-ge nam-et arik tak mbenak irit kujwa-o” luk yij-o.

MATIUS 10:26

”Iri bem-e, ki nap enaye kudtak pug-o. Lumurak worasu mende oboksa-ge nam tak puwa-o. Nde, kura woraso oboksa na nam tak puwa-o.

MATIUS 24:30

Iri rak puruk, mbal pem-nen Ap Ambara lobok yusu-o. Yenggerak purak mende iri-ge nam ma-o. Iri ala-ge, nggweyak ma woragwi nap enlem pidsa-ge yip togolat-nen yik kujwa nggal-e, Ap Ambara-ge mbal pem woraso nggan nggan pem amawi min abinal kwarat min lobok yosola, yik kujwa-o.

MATIUS 24:46

Nde, ndegel poso nap iri-nen nde at eyabu wok tenak worasoma, eid wok yuwarig-e, ndegel poso nap na-ge alen kwarat kujwa-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:23

Yosoloma-ge, at eid na-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

LUKAS 6:37

Yuruk, at-nen yosolar-e: ”Mbal Pem Nagawan-e kit kenpem wene mbaruwa naru, kit-nen ap enpem wene mbarurak pug-o. Nde, Mbal Pem Nagawan-nen kit meya yidnak onggo kenpem puwa naru, kit-nen na it nin meya yidnak onggo enpem purak pug-o. Mbal Pem Nagawan-nen kit meya yidnak amberam tak puwakluk, kit-nen na nin nap meya yidnak kenmberam tak per-o.

YOANES 21:22

Yesus-nen at yak tosolar-e: ”Nde, an-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o. Alat nde, kar-e an nimbirik ni-o” luk yak tij-o.

YOANES 21:23

Iri yid na-t nde, Yesus owosirak-nen wigarogolar-e: ”Yesus imin noso nap iri-ge wat ma bug-o” luk yiga-o. Alat nde, Yesus-nen yosolar-e: ”At yu wat ma bug-o” luk yigir-e lag-o. Are, ”An-nen perasolar-e, at yu-ge urug-et worasoma, an nde lobok yurak nggal-nen-e iri-ge kat-nen wene yurag-e lag-o” luk yij-et nde, iri yiga-o.

YOANES 5:44

Nde, kit-nen-e: ’Mbal Pem Nagawan misiget nak iri-nen an kek tak nubuwa-o’ perali bug-o. Are, ki nap-nen kek tak kunpurak pem, kit na kit-net kentembel wok kerak mbili me, kir-e nggerak puruk-nen kinndi angin tubu yugub-o?

OROMA 14:4

Kar-e ta nggal-nen nin nap ndegel oboso nap ebem wene mbarugun-o? Mendak worasolat na, mbud yosolat na, at ondomok Eid nak-nen at ebem wene mbaruwa-o. Alat nde, at mendak wolmomtag-e Nagawan Indo amawi bem mendak worala me, ndegel oboso nap iri-ge mendak irit wolma-o.

OROMA 2:1

Nanggamirak wa-e. Kit na meya kwarugwi-t nde, kir-e ta nggal-nen nin nap enpem nde wene mbatli-o? Nde, kir-e nin nap enpem wene mbatli-t nde, it-nen kwarugwi mende iri-ge kit-nen na kwarugwi me, kit na kit-net kenambikpebe kenpem wene mbatli irir-o.

OROMA 2:16

Mbal Pem Nagawan-e Yesus Kerisut ebem-nen-e ap-nen yebet kagwi kura woraso pidsa bem enpem wene mbaruwa tarem-e an-nen aid wene yoso iri nggal ndak ndag-et tak puwa-o.

OROMA 2:29

Are, it inndi-ret Yawuri yidnak nab-e ndemeret Yawuri nap-nen yusu-o. Nde, ndemeret iniye ambasap wabidnak iri-ge Mbal Pem Nagawan Indi-nen it enarem yabu wanosola, inndi ambasap wabidnak iri-net yusu-o. Nde, iri-ge imiri mbarak pidnak wene-nen kwaridnag-e lag-o. Mbal Pem Nagawan Indi-nen kwaridnak-nen yusu-o. Iri kwat ibidnak nap erembel wanogolar-e, ki nap-nen wanuwa-ge lag-o. Mbal Pem Nagawan-net at erembel wanuwa-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 1:7

nit Nenagawan Indo Yesus Kerisut nam tak purak tarem yik karok woragolar-e, Konak Indi-nen we tembet nundusu mende marig-et nggal wanigit lag-o, mondok ndak irit wanigeb-o.

1 KORINTUS 11:16

Alat nde, ta-nen nde wene yu eyak wururak indingen ala-ge, nit na irit, Mbal Pem Nagawan-nen idnak lambuk tak inpidnak nap na irit, nit-nen kwarugwi mende nin mbi worasu-ge lag-o.

1 KORINTUS 11:26

Nde, kir-e mburu yu min yimbe arem kenanggo yu min pempa-n nonggolar-e, Nagawan Indo wat yidnak wene-ge ap yak enderenak worakmu, at lobok yuwa-o.

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

1 KORINTUS 3:13

o enarik tak wiridnak iri-ge Kerisut-nen idnak Tarem-net nam tak posola, kujwa-o. Iri Tarem-e kanduk pem-nen tel korosolar-e, kanduk iri-nen ap-nen enarik tak o wiridnak mende iri-ge nam tak posolat, lombonosolat ma-o.

1 KORINTUS 3:14

Nde, ta-nen nde o paro na bem wiridnag-e kan ninggit lak, tugup lag-et wolma bem-e at iri-ge onggo wanuwa-o.

1 KORINTUS 3:8

Uwi yagoso nap na yi koloso nap na ndak ndak-nen yusu-o. It-nen yabu wanidnak iri ndak ndag-et Mbal Pem Nagawan-nen enarik tag-et onggo wok unduwa-o.

2 KORINTUS 10:18

At ondomok erembel wanusu nap iri-ge ndag-e lag-o. Are, Nagawan Indo-nen erembel wanusu nap iri perak nde mondok ndak-nen yusu-o.

2 KORINTUS 10:9

Alat nde, kit kenlengen pem-e an-nen kit kwiye rak kenpeyekluk-nen engga mbarigi-ge lag-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.

1 TESALONIKA 5:2

Yariya wanoso nap-nen yariya waneyekluk kubu nggwe lobok yoso nggal, iri nggal-et Nagawan Indo lobok yurak Tarem-e wok ma-o luk kit na mondok kenaru nar-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.

YAKOBUS 4:11

Nanggamirak wa-e. Kit na kit-net nobokpe kobokpe yurak pug-o. Ta-nen nde anggam obok posolat, anggam ebem wene mbarosolat yoso ala-ge, at iri-nen-e imiri mbarak pidnak wene na meya rak posolat, imiri mbarak pidnak wene iri na ebem wene mbaroso nap-nen yusu-o. Alat nde, kar-e imiri mbarak pidnak wene iri na ebem wene mbaroso ala-ge, kar-e imiri mbarak pidnak wene-nen yidnak yidnak kwaroso nab-e lag-o. Are, imiri mbarak pidnak wene iri na ebem wene mbaroso nap-nen yusu-o.

YAKOBUS 5:7

Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.

YAKOBUS 5:9

Nanggamirak wa-e. Mbal Pem Nagawan-nen kit kenpem wene mbaruwa naru, kit na kit-net nobokpe kobokpe yurak pug-o. Yebet ker-o. Ap enpem wene mbaroso nab-e lobok eyekluk ijok tumende bem pil wagarik worasu-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

2 PETERUS 3:12

Iri nggal kwarogolar-e, Mbal Pem Nagawan-nen idnak Tarem yik karok woragolat, ndaget nak lobok yuwag-o luk tu mbarogolat wolmer-o. Iri Tarem-e mbal na kan-nen nuruk, lak tak puwa-o. Nde, mbal pem woraso mende na kan embem-nen tamuk kan ninggidnak nggal lak ma-o.

2 PETERUS 3:4

Nggweyel konpogolar-e: ” ’An lobok yimin-o’ luk urul pij-et nde, ebe-ge ngge-o? Nit nonmborak na wat yiga-t nde, nggweyak ndak wirid kuri-nen yawo kuri-ge yi mende ndi mende pidsa-ge emesiyak nak worasu-o!” luk yuwa-o.

YURAS 1:14

Aram-nen wigak yil yil ap tap tuju bem tak posolat-nen ndet yidnak nap Enok iri-nen it kwat unpurak urul posolar-e: ”Yu nde ker-o! Nagawan Indo-nen idnak marak aid nap kere mondok wonarurak puk (beribu ribu) na inmin luk lobok yosolar-e,

NAM PARA WENE 1:7

Yik ker-o. Ar-e nggan nggan arem lobok yusu-o! Ap oboksa-nen at kagolat, tege at arem mon kaidnak nap-nen na kujwar-o. Nggweyak ma nap enlem oboksa-nen-e at ubud-nen yip kwarat yuwa-o. Ndemerer-o! Amen.

NAM PARA WENE 20:12

Nde, an yik kaginggal-e, wat yidnak nap nggulok min marik min nagawan-nen koreyak woraso ondoro iri urugwe nggwe mendak woragola eneyagi-o. Engga kwarat ereba na punggutlug-e, engga misik, unluk nak wolmomtak engga iri na pinggirij-o. Ponggorosola-ge, at wat yidnak nap ereba na-nen it woragolat-nen kwarogolat woraidnak engga kwarat ereba na arem mbarak worasu ereba na ndak ndag-et enpem wene mbarij-o.