1 KORINTUS 4:4 - Nanduk Ngget Tul Pidnak Wene

⁴ An-nen meya yidnak mbi nindi-nen yebet kasu bug-o. Alat nde, iri kwarusu iri bem-nen an lud tak nubusu bug-o. An nebem wene mbaruwa nab-e Nagawan Indo-net yusu-o.

1 KORINTUS 4:4 ပူးပေါင်းရင်းမြစ်များ

NDAWI ENGGA 130:3

Nagawan Indo wa-e. Kat-nen nde nit-nen lugud tak kwarugwi nde kindi yeberak worasolar-e, ta nggal nde ebem wene mbarigit lak yugun-o?

NDAWI ENGGA 19:12

Ap-nen-e it-nen meya kwatli ereba na-ge kwara kali-ge bug-o. An-nen meya kwarigi-t nde, yebet kagit lak worasu-ge kat-nen lak tak puruk, marak nibi-o.

YOANES 21:17

Yak turuk, kenan pem tak posolat Yesus-nen at yak tosolar-e: ”Yona ambara Simon wa-e. Kar-e an nabuwa kasu, lak?” luk yak tij-o. Nde, Yesus-nen kenan pem-et: ”Kar-e an nabuwa kasu, lak?” luk yak tosola karuk, at Peterus na indi puru luk-nen Yesus yak tosolar-e: ”Nagawan Indo wa-e. Kar-e pidsa karu me, an-nen kat kabuwa kaso iri-ge kat karu irir-o!” luk yosoloma-ge, Yesus-nen at yak tosolar-e: ”Iri ala-ge, an nolomba wam parugu wolmin-o.

YIDNAK YIDNAK WENE 23:1

Nde, Paulus-e wene mbarugwi nap na enpem erengen kere kererak worasolat-nen yosolar-e: ”Nanggamirak wa-e, Mbal Pem Nagawan imbiri bem an-e nanduk-nen na, yawo-nen na an nindi mbek tak nak irit worasu-o” luk yij-o.

OROMA 2:13

Nde, imiri mbarak pidnak wene na eneyanggo kulidnak pem nak-nen ab-e lud tak nak tak onposo bug-o. Are, imiri mbarak pidnak wene-nen yidnak yidnak kwaruwa nab-et luk tak nak tak onposo-o.

OROMA 4:2

Nde, Abaram na-ge yi kwatlik ndi kwatlik kwaridnak pem-nen at lud tak nak ibidnggal-e, at ondomok kek yeleb-et nde, Mbal Pem Nagawan imbiri bem-e at kek yurag-e meya-o.

1 KORINTUS 4:3

Alat nde, kit-nen ala na, nggweyak ma nap-nen ala na, an nebem wene mbarurak iri-ge an-e mondok numud kasu bug-o. An-nen na an nambik nebem wene mbaroso bug-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

2 KORINTUS 1:12

Wene misik yu bem-e nit ninndi kek tak pili-o: nit nondomok ninndi arem-nen kenggel nondosolar-e, nir-e ap inmin kwarogolat woraidnak na irit, kit kwat kinpidnak na irit, nir-e mot mot nak kwarogolat, Mbal Pem Nagawan-nen lud tak nak yoso nggal yogolat woraige-o. Nde, iri-ge nggweyak ma nap inndi tenggerak pem-nen kwaridnag-e lag-o. Are, Mbal Pem Nagawan-nen we wok ondoso amawi bem-net kwaridnag-o.

2 KORINTUS 5:10

Lag-e lag-o. Nit oboksa-ge Kerisut-nen ap enpem wene mbareyekluk kore yurak sa iri me wok yul-o. Iri me-nen-e ap enariktak-nen unluk woragolat-nen kwarogolat woraidnak na onggo wanogolar-e, konak nak kwaridnak ala na, meya kwaridnak ala na, onggo-ge ndak ndag-et wanuwa-o.