1 KORINTUS 4:17 - Nanduk Ngget Tul Pidnak Wene

¹⁷ Iri kwarobog-o luk-nen an nambara Timotius nindi kundik Nagawan Indo ebem mot mot nak kwaroso iri kendam pil lobok yigi iri-ge an-e Kerisut Yesus ebem woralat-nen kwaroso wene, an-e yi wi ndi wi-nen lambuk tak inpidnak nap pidsa mul indil nusu wene iri-ge yeberak kunpuwakluk pil lobok yigi-o.

1 KORINTUS 4:17 ပူးပေါင်းရင်းမြစ်များ

NGGOMO WENE 13:17

Wirik ibil lobok yidnak nap nari wari rak iri na-nen-e enare purak sa mberak onposo-o. Alat nde, wirik ibil lobok yidnak nap enmberam laso buk iri na-nen-e kona lambuksa woragwi rak poso-o.

WONARIDNAK WENE 12:7

Alat nde, ndegel noboso nap Musa iri imin-e iri nggal kwarusu bug-o. At iri-ge an nelem nap yu ennggendumu-nen-e mondok ludtak mot mot kwaroso nap-nen yusu-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

MATIUS 25:23

Yosoloma-ge, at eid na-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

YIDNAK YIDNAK WENE 16:1

Nde, iri lug-e, Paulus na-ge o Nderebe min Listera min ereya na me-t wok yij-o. Iri me-ge indi angin tubu yidnak nap misik unu-ge Timotius irit woragaij-o. At ija-ge Yawuri kwe, indi angin tubu yidnak kwe-t nde, at eij-e Yunani nab-o.

1 KORINTUS 11:16

Alat nde, ta-nen nde wene yu eyak wururak indingen ala-ge, nit na irit, Mbal Pem Nagawan-nen idnak lambuk tak inpidnak nap na irit, nit-nen kwarugwi mende nin mbi worasu-ge lag-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

1 KORINTUS 11:34

Kit ndok witli iri-ge meya rak kunpurak pem ndok wurugup naru, ta-nen nde nere ala-ge, ama-nen nujwag-o. Nde, wene ereb-e an lobok yimindik-nen konimin-o.

1 KORINTUS 14:33

Mbal Pem Nagawan-e nari wari yurak iri perasu bug-o. Are, kona yamuksa wolmomtak nak peraso-o. Nde, lambuk tak inpidnak marak nap pidsa ennggendumu-nen kwatli nggal,

1 KORINTUS 16:1

Yawo-ge korak inpidnak nap enmanggim tol ndok wururak wene yak kendeyeg-o. Lambuk tak inpidnak nap Nggalatia woragwi nap yak indigi nggal, kit na iri nggal-et kwaru-o.

1 KORINTUS 16:10

Timotius nde kit kendam wok yosola-ge, an-nen Nagawan Indo eyabu wanusu nggal, at na iri nggal wanoso me, kit kinmin kwiye lak wolmakluk, wa yak ter-o.

1 KORINTUS 4:14

An-e wene yu kenmanggim mbarusu yu-ge kinnggiri rak peyekluk-nen mbarusu-ge lag-o. Are, an nilirak nindi kundik nggomo kondosolat-nen mbal kundusu-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

1 KORINTUS 4:2

Nde, ap insilobulo inggem pidnak nab-e mot mot nak kwaroso irit mag-o.

1 KORINTUS 7:17

Ap pidsa-ge Nagawan Indo-nen it wolmomtak wok indidnak iri na bem-et woragolat, Mbal Pem Nagawan-nen wene mbo inpidnak iri na bem-et woragolat mag-o. ”Irit kwasa wolmer-o” luk an-nen-e lambuk tak inpidnak nap oboksa yak undusu-o.

1 KORINTUS 7:25

Nde, ap sujwe min ndugum min enmanggim wene-ge Nagawan Indo-nen ”Irit kwaru-o” luk yak nirigit lag-et nde, Nagawan Indo-ge an nubud kaso bem, at iri mot mot kwaroso nab-o luk neberagwi nap an nindi-nen peraidnak irit yimin-o.

2 KORINTUS 8:18

At imin ibil lobok yogolar-e, nennggam misik, aid wene yak indidnak pem lambuk tak inpidnak nap oboksa-nen at unu kek tak pugwi nap irit nit-nen ibil lobok yili-o.

EPESUS 6:21

An-nen kwarusu wene min an worasu wene pidsa kenaru maklug-e, nit nennggam abuwa worak, Nagawan Indo eyabu wanosolat mot mot nak ndegel oboso nap Tikikus-nen yak kuduwa-o.

PILIPI 2:19

Nagawan Indo Yesus ebem an-e Timotius na-ge kit kendam ndag-et nak ibil lobok yurak perasu-o. Kit-nen kwatli wene kuluruk yimindig-e, an nindi yek yurak pem-nen yigi-o.

PILIPI 2:22

Timotius-nen mot mot nak kwaroso na lombot pukmu-ge, aid wene bem an yongga norosolar-e, ambara-nen eid yongga woroso nggal yongga nirid iri kenaru nar-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

KOLOSE 4:9

At imin-e kit kenma nap Onesimus, mot mot nak kwaroso abuwa worak na at imin lobok yusu-o. Nde, yu me-nen kwatli wene oboksa it-nen yak kunduwa-o.

1 TIMOTIUS 1:18

Nambara Timotius wa-e. Mbal Pem Nagawan ene lomboksa yugwi nap-nen kat-nen kwarurak urul pidnak iri na yebet karug-e, ndag-et kwarugun kagi luk, an-nen yabu yu kebem pusu-o. Kat kurul pidnak wene iri bem-nen kamawi kondosolar-e, konag-et wim mbarosolar-e,

1 TIMOTIUS 1:2

kat kindi angin tubu yidnak pem ndemeret an nambara kwat yidnak Timotius kamanggim engga yu mbarusu-o. Nde, Nineid Mbal Pem Nagawan min Nenagawan Indo Kerisut Yesus min-nen we wok ondoso elem min ap unpud kagwi elem min yamuksa woragwi elem min-e kimi wolmag-o.

2 TIMOTIUS 1:2

kabuwa worak nambara Timotius kamanggim mbarusu-o. Nineid Mbal Pem Nagawan min nit Nenagawan Indo Kerisut Yesus min-nen-e we wok ondoso elem min ap unpud kagwi elem min yamuksa woragwi elem min wok kuruwag-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

TITUS 1:5

Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

NAM PARA WENE 2:10

Kit andi bandi rak kunpurak yanem-et kenpem mbuma mende iri-ge kir-e kwiye kudtak pug-o. Kenaru wolmer-o. Kinndi ngaruwakluk, kit kennggendumu ap ereb-e Sere-nen o kubu me kinpil ngguwa-o. Kinpil ngguwama, andi bandi kagolat sepulu tarem woragub-o. Nde, kinndi angin tubu yigep na-ge keya bigit lak, tena iri-net wat yurag-o. Iri yugup pem-e kit-nen ombol nggwe yugup onggo-ge kunlug-et wolmomtak wirik wok kindimin-o.

NAM PARA WENE 2:13

Kit worali sa iri-ge an-e naru-o. Sere-nen tena woraso sa iri me-t worali-t nde, kir-e an puksa tena nuburuk worali-o. An-nen yidnak wene mot mot nak konggoroso nap Antipas na-ge kit kennggendumu-nen Sere woraso sa iri me-nen wiriga-t nde, kir-e kinndi an nebem angin tubu yidnag-e keya bigit lag-o.