1 KORINTUS 4:12 - Nanduk Ngget Tul Pidnak Wene

¹² nit nininggi bem-net yabu kwarat wanogolat yili-o. Ap-nen nde wene meya yak nondogola, nit-nen-e konak wene nak onggo yak indili-o. Ap-nen nde lel mberel nonpogola-ge, nit-nen-e mamak puruk worali-o.

1 KORINTUS 4:12 ပူးပေါင်းရင်းမြစ်များ

MATIUS 5:11

An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

MATIUS 5:44

Alat nde, an-nen yak kendeyeg-o: Kit kinmin sirid nap iri-ge enabuwa ker-o. Nde, kit lel mberel kunpugwi nap iri enmanggim na tepan yer-o.

LUKAS 23:34

Panggarak pikma, Yesus-nen tepan yosolar-e: ”Neid wa-e. Ir-e enaru buk-nen kwatli me, it-nen meya yili yu-ge kat-nen kembaram tak pi-o” luk yij-o. Nde, it-nen at usum tembesa wanuwoklug-e, engga mbara ligik puruk, enpem mbidnak nap-nen waniga-o.

LUKAS 6:28

Imbiri lamut tak kunpugwi nab-e imbiringgat tak onpogolat, meya rak kunpugwi nap na enmanggim tepan yogolat mer-o.

YOANES 15:20

’Ndegel unpugwi nab-e at eid na teberak puruk, nggok yusu bug-o’ luk yak kindigi wene na yeberak wolmer-o. Nde, it-nen nde an lel mberel nibidnak ala-ge, kit na lel mberel-et kunpuwa-o. Nde, it-nen nde an-nen yidnak yidnak nak kwaridnak ala-ge, kit-nen yidnak yidnak na kwaruwar-o.

YIDNAK YIDNAK WENE 18:3

Nde, it iri-ge at-nen wanoso nggal yabu misiget erep wanugwi nap ala, inmin woralar-e, lambuksa-nen o lije wururak sum panggarogolat woraiga-o.

YIDNAK YIDNAK WENE 20:34

Nde, an min an nanggamirak totno nugwi nap min ukwe peragwi mende ndak wolmokluk an nondomok ninggi-net yabu wanoso iri-ge kir-e kenaru nar-o.

YIDNAK YIDNAK WENE 7:60

Yurug-e, ar-e endaru yunggusa kore yosolat-nen at ene ngguloksa-t yosolar-e: ”Nagawan Indo wa-e. It meya yidnag-e it enpem keya burak pug-o” yurug-e, wat yig-o. 8:1a Nde, Saulus-nen perasolar-e: ”Sepanus iri-ge ob-et witli-o” luk peragaij-o.

OROMA 12:14

Kit lel mberel kunpugwi nab-e Mbal Pem Nagawan-nen imbiringgat tak unpuwakluk at emengen mbarer-o. Imbiri lamut tak unpurak pug-o. Are, imbiringgat tak unpurag-o.

OROMA 12:20

Irit nde, engga wene misik-nen yosolar-e: ”Kat kimin sirid nap nere ala-ge, mburu mak turag-o. Nde, yi nere ala-ge, yi mak turag-o. Iri nggal kwat obosolar-e, at anggul pem kan mil mil ndok worak pugun-o” luk yij-o.

OROMA 8:35

Kerisut-nen nit nenabuwa kaso iri na arem woragola-ge, ta-nen kuri worak nunpuwa-o? Inndi kabak yugwi mende-nen na, angin worak mende-nen na, lel mberel unpugwi mende-nen na, nere-nen na, enarengge lak woragwi bem-nen na, kwiye kagwi mende bem-nen na, wim-nen na, iri-nen-e Yesus nenabuwa kaso iri na arem-nen kuri worak nunpuwa-a?

1 KORINTUS 9:6

Are, nit Mbaranabas nenmberek nak nininggi-nen yabu wanugwi na keya burag-e meya-a?

2 KORINTUS 11:8

Kit yongga kendeyeklug-e, lambuk tak inpidnak nap erep-nen wok niridnak tol-e ininggem-nen mengga wanigi-o.

EPESUS 4:28

Nde, yariya wanoso nab-e tuguruk yariya wanurak pug-o. Are, at ondomok inggi-nen yabu amawisa wanuruk, konak nak kwarosolar-e, insilobulo lak nap tembesa wok endeyekluk yabu wanosolat wolmag-o.

1 TESALONIKA 2:9

Nennggamirak wa-e. Nir-e nondomok neneyabu wanogolat siri mbige iri-ge kir-e yebet yebet tak worali-o. Nir-e Mbal Pem Nagawan-nen idnak aid wene yak kondogolat woragolar-e, angin tak kunpul naru, lengge-nen kubu-nen neneyabu wanogolat woraige nar-o.

2 TESALONIKA 3:8

Nir-e ap unmburu ndek tak siyag-et ter-o luk we ninggit lag-o. Are, kit kennggendumu ap misiger-o luk tet anggun panggun tak kunpul naru, nit nondomok-net kubu-nen lengge-nen yabu wanogolar-e, siri mbara wanogolat ninligak mboroso-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

1 PETERUS 2:23

Meya wene yak togola na at-nen na meya wene onggo yak indigit lag-o. Nde, at worogola na at-nen na it onggo kwat unpurak na yak indigit lag-o. Are, at kwat ibili wene iri-ge mot mor-et ap enpem wene mbaroso Mbal Pem Nagawan na ebem keya bij-o.

1 PETERUS 3:14

Alat nde, kir-e konak nak kwaridnak pem andi bandi kagub-et nde, kir-e imbiringgat-nen yili-o! Nde, kit-nen-e ap enaye kagolat, kinndi kabak yogolat yurak pug-o.

1 PETERUS 3:9

Mbal Pem Nagawan-nen wene mbo kinpid iri-ge, at-nen idnak imbiringgat mende wok kendeyekluk wene mbo kinpidnak me, ap-nen meya rak konpogola, onggo it meya rak unpurak pug-o. Ap-nen meya wene yak kondogola, onggo meya wene yak undurak pug-o. Are, inmbiringgat tak enper-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.

YURAS 1:9

Iri kwatli iri-ge, aid nap nagawan Mikael na-nen iri nggal kwarigit lag-o. Mikael na-ge Musa orogak wene lit lit Sere imin ngguno pogolar-e, Mikael-nen Sere na mbilaro ngin wene yak turag-e kwiye ala, yu nggal yak tij-o: ”Nagawan Indo-nen met kubuwa-o” luk yij-o.