1 KORINTUS 4:11 - Nanduk Ngget Tul Pidnak Wene

¹¹ Yawo-ne na nir-e mburu nere kagolat, yi nere kagolat, nunsum na ndelak nak yorogolat, nondogolat, nondoro kwasa woragit lak yogolat,

1 KORINTUS 4:11 ပူးပေါင်းရင်းမြစ်များ

MATIUS 8:20

Iri yosoloma, Yesus-nen yak tosolar-e: ”Ndakngge nene yoso ondoro kerep eyanggo worasu-o. Nde, towe na nene yoso sa uwi na worasu-t nde, Ap Ambara mbinggirik woraso ondoro-ge lag-o” luk yij-o.

YIDNAK YIDNAK WENE 14:19

Alat nde, Yawuri nap ereb-e Antiokia min Ikonium min woragwi nap wok yogolar-e, o iri nap kwarat ereba na enarem worakola, it enambigit yogolar-e, Paulus-e kerep pem wutlug-e, ”Wat yamu-o” perarug-e, lit kuruk o siri leget ombol nggwe pil mbiriga-o.

YIDNAK YIDNAK WENE 16:23

Yogolikma-ge, linggamburok kwarat pem ondogoluk, o kubu me peleksa mbo inpil nggogolar-e, o kubu me yik karok woraso nap iri na yak togolar-e: ”It yu mburugu-o. Kar-e kwil kwalsa yik eneyarok wolmin-o” luk yak tiga-o.

YIDNAK YIDNAK WENE 23:2

Yosoloma-ge, tepan ombo nggulok Ananias-nen Paulus eralu mendak ereba na yak ondosolar-e: ”Emende lel ker-o” luk yak indij-o.

OROMA 8:35

Kerisut-nen nit nenabuwa kaso iri na arem woragola-ge, ta-nen kuri worak nunpuwa-o? Inndi kabak yugwi mende-nen na, angin worak mende-nen na, lel mberel unpugwi mende-nen na, nere-nen na, enarengge lak woragwi bem-nen na, kwiye kagwi mende bem-nen na, wim-nen na, iri-nen-e Yesus nenabuwa kaso iri na arem-nen kuri worak nunpuwa-a?

1 KORINTUS 9:4

Nir-e mburu min yi min norak pug-a?

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 KORINTUS 4:8

Yi mende ndi mende bem mangonokma rak ninpidnag-et nde, ngonok tak ninpigit lag-o. Nit ninndi kabak yidnag-et nde, ninndi lele yugwi bug-o.

PILIPI 4:12

An-e silobulo lak woralat na, silobulo mondok kwarat woralat na, mberensa irit naru-o. Nde, iri naru iri-ge, yi mende ndi mende bem-nen na, yi wene ndi wene bem-nen na, nimbit woralat na, nere woralat na, silobulo worak woralat na, silobulo lak woralat na, an-e ndak nak woraso-o.

2 TIMOTIUS 3:11

lel mberel nibidnak min andi bandi kagi min neyaigen nar-o. Antiokia-nen na, Ikonium-nen na, Listera-nen na lel mberel nobogola, andi bandi kagi iri na kar-e karu nar-o. Ereba nggal kwat nibiga-t de, Nagawan Indo-nen nimiri yij-o.