1 KORINTUS 4:10 - Nanduk Ngget Tul Pidnak Wene

¹⁰ Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

1 KORINTUS 4:10 ပူးပေါင်းရင်းမြစ်များ

YESAYA 53:3

Nit-nen-e at nggweyel obogolat, pelek pelek tak ibige-o. Ar-e andi bandi kasolat, yane woroso-o. Ap misiger-o luk mbi-nen na yik kujwa bug-o. Nit-nen na no mende yik kaidnak nggal tak ibige-o.

MATIUS 24:9

Iri tarem-e andi bandi rak kunpuwakluk ap ininggem wesera konpogolat, mondok kondogolat ma-o. An nunu bem ala, ap enlem oboksa-nen insili rak kunpuwa-o.

MATIUS 5:11

An nebem ala ap-nen insili rak konpogolat, lel mberel konpogolat, enesiget wene bem konpok pogola-ge, kir-e kenalen ker-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

LUKAS 18:9

Nden karuk wene yu-ge it ondomog-e lud tak nak kwarugwi nap nggal kwarogolat, nde, ap oboksa-ge teberak nggal yik eneyagwi nap iri na Yesus-nen yak endamu-o.

LUKAS 6:22

Ap Ambara an nebem ala, ap-nen insili rak konpogolat, ap-nen keya konpogolat, pesel konpogolat, ’Kir-e meya kwaroso nab-o’ luk kunnu mbilaro ngin tak pogolat, iri rak konpogola-ge, kenalen ker-o!

YIDNAK YIDNAK WENE 17:18

Nde, ap nggomo undugwi nap ereb-e Epikuros nap min Stoa nap min-e Paulus imin wene onggo onggo yogolat-nen it erep-nen imin yogolar-e: ”Indi-ge mbirigit lag-et wene yoso yu-ge no wene yusu-o?” luk yiga-o. Nde, at-nen Yesus owene min at uruk yidnak wene min yak ondosola, it erep-nen yogolar-e: ”Ap yu-ge ap sal unkugi owene yoso-o” luk yiga-o.

YIDNAK YIDNAK WENE 17:32

Nde, it-nen-e wat yidnak nap uruk tak pidnak wene na kulurug-e, ap ereb-e nggweyel ibiga-t nde, it erep-nen yogolar-e: ”Wene yu-ge tuguruk kuluwok-nen misik tarem na yurag-o” luk yiga-o.

YIDNAK YIDNAK WENE 26:24

Nde, Paulus-nen at ondomok elat mbarosolat wene yosoma, Pestus-nen ene paleksa yak tosolar-e: ”Paulus wa-e. Kar-e kindi wawa yusu-o. Kar-e kwarat karu yigen na-nen ndowaga kindi wawa yusu-o” luk yak tidj-o.

YIDNAK YIDNAK WENE 9:16

Nde, an nunu bem ala, at ebem andi bandi mbumomtag-e an-net mirik ibimin-o” luk yak tij-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 1:23

nit-nen-e Kerisut e lang pang tak pem wiridnak wene nak yili-o. Nde, nit-nen yili wene iri-ge Yawuri nap enambigir-e unuwok abis pijaksa mberak onposo kerep nggal yosolat, enlem nin nap enambigir-e wid-nen yugwi nggal yosolat yusu-t nde,

1 KORINTUS 1:25

Nggweyak ma nap inndi lid tak elem iri-ge teberag-o. Alat nde, Mbal Pem Nagawan wid nggal tak pili iri-ge at indi lid tak elem-e terak minik kek tak-nen yusu-o. Nggweyak ma nap enmawi-ge teberag-o. Alat nde, Mbal Pem Nagawan ndeyak woraso mende iri-ge terak minik amawi-nen yusu-o.

1 KORINTUS 10:12

”An-e nggwelsa mendak worasu-o” perasu nab-e wosa mbimin naru, indi mbera-t wolmag-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 2:3

Nde, an-e kit kennggendumu woralar-e, ndeyak luk, kwiye-nen nowak lele lele min-et woragi-o.

1 KORINTUS 3:18

Ap-nen-e at ambik ombol pem ludtag-e meya-o. Kit kenggendumu-nen ap mbi-nen perasolar-e: ”Nggweyak ma nap inndi tenggerak iri na bem-nen an-e nindi tenggerak yusu-o” luk perasu nab-e, ndemeret indi tenggerak maklug-e, wid nggal irit yurag-o.

1 KORINTUS 3:2

Kit-nen norag-e awo me, an-nen-e tara nunggwi mende-ge mak kindigit lag-o. Are, kamo amburu nak nde mak kundukmu-o.

1 KORINTUS 4:8

Kir-e kinmbitsa ninggidnak nggal woragolat, silobulo ombo yigeb-o. Nir-e nagawan yigit lag-et nde, kit nak perak nde nagawan yigeb-o! Nde, kir-e ndemeret nagawan yigep nggal-e, nit na kit totno lambuksa nagawan wolmomtak iri perak konak lombog-o.

2 KORINTUS 10:10

Ap misik-nen yosolar-e: ”Paulus-nen engga mbaridnag-e kwiye worak, andi le worak mbaroso-t nde, nit nendam-nen-e abage-ge ndeyak, ene na ebe lak wene yoso-o” luk yusu-o.

2 KORINTUS 11:19

Kit perak nde kinndi nggat nggat worak me, ap wid inmin-e kinndingen min-et kinndi luruk puruk woragwi-o.

2 KORINTUS 11:29

Ap misik-nen nde ndeyak ala-ge, an na ndeyag-et yoso-o. Ap misik-nen nde oro-nen mbud luk, meya yosola-ge, an na nindi puru kwarat yoso-o.

2 KORINTUS 13:9

Nir-e ndeyag-et nde, kit kenmawi ala karuk, nit nenalin nenalen kali-o. Nde, kir-e iminep mbal yobok-nen nir-e kenmanggim tepan yili-o.

2 KORINTUS 4:12

Iri nggal kwarosolar-e, wat yugwi elem-e nit nenarem yabu wanusu-t nde, unluk woragwi elem iri-ge kit kenarem yabu wanusu-o.

2 KORINTUS 6:8

Ap-nen-e nunnu kek tak pogola-nen na, nunnu mbilaro ngin tak pogola-nen na, ninnggiri worogola-nen na, nentembel wanogola-nen na, nenesiget yugwi nap nggal tak nonpogola-t nde, nir-e ndemeret wene nak yugwi-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 PETERUS 4:14

Kir-e Kerisut wanigep pem nggweyel konpogola-ge, kir-e imbiringgat worak yili-o. Iri kwat kunpuwa iri-ge abinal worak Indi, Mbal Pem Nagawan Indi iri-ge kit kinmin woraso ala-nen kwat kunpuwa-o.