1 KORINTUS 3:9 - Nanduk Ngget Tul Pidnak Wene

⁹ Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

1 KORINTUS 3:9 ပူးပေါင်းရင်းမြစ်များ

NDAWI ENGGA 118:22

O wurugwi nap-nen o worogolat lena keya bidnak kerep iri na nde tugup lak o mabin kwat yij-o.

NDAWI ENGGA 72:16

At-nen tenagidnak wi iri me-ge nggandum mbato kwarat yosolat, ndobo ndobo oboksa yagidnak mende-nen yebet yosolar-e, o ndobo worak Libanon nggweyak nggal alim mag-o. Nde, at uwi siri arem woragwi nab-e tusuangge nggal kwarat mag-o.

YESAYA 61:11

Uwi pil kaidnak tup luk nggok yusu iri na nggal-et Nagawan Indo-nen-e inmiri yoso elem wirik posola, ap enlem oboksa-nen-e at nak erembel wanuwa-o” luk yij-o. 62:1-12 Pasal yu arem-e Mbal Pem Nagawan ilirak abok-nen inmiri yuwa wene mbarak worasu-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

YESAYA 61:5

Nelem nap wa-e. Enlem nin nap-nen ndegel konpogolat, it-nen konowam-e parugu woragolat, kit keneyabu min kit-nen idnak anggut yabu min ereba na-ge it-nen wok kondogolat wolma-o.

YEREMIA 2:21

Kar-e anggut konak uwi nggal-et lena wok kuburuk, yak kibigi-t nde, yawo kar-e erambet mbepme tenggal yoso ebe lak mende nde kwat yigen-o.

MATIUS 15:13

Yogolikma, Yesus-nen wene erep nggarosolar-e: ”An Neid aid arem woraso-nen uwi yakit lak mende iri-ge emengen min-et kunuwa-o.

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

MATIUS 9:37

Karuk, at owosirak iri na at-nen yak ondosolar-e: ”Ogore yidnak kwarat worasu-t nde, ndagurak nab-e marig-et nag-o.

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

YIDNAK YIDNAK WENE 4:11

Yesus iri-ge kit o wurugwi nap-nen mbo bigep kereb-et nde, at iri-ge o unggut nggwe paro pidnak kerep nde kwat yij-o.

1 KORINTUS 3:16

Kir-e Mbal Pem Nagawan uwi worak me, Mbal Pem Nagawan Indi-ge kenarem worasu na-ge kir-e kenaru buk, lak?

1 KORINTUS 3:6

An-nen uwi yaki-o. Apolos-nen yi kilij-o. Alat nde, wirik poso-ge Mbal Pem Nagawan-nen nag-o.

1 KORINTUS 6:19

Kit kenpe-ge Mbal Pem Nagawan-nen wok kindidnak Konak Indi kenarem worasu iri uwi na-ge kenaru bug-a? Kit kenpe iri-ge kenambik kenarengge-nen yusu-ge lag-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

2 KORINTUS 6:16

Mbal Pem Nagawan uwi min kugiwak min erep kundik wolma, lak? Nde, nir-e uruk nak woraso Mbal Pem Nagawan uwi-nen yili-o. Mbal Pem Nagawan-nen yosolar: ”An-e it inmin woralat, it ennggenggerak woralar-e, An-e it Enmbal Pem Nagawan kwat yosolat, Nde, ir-e an nelem nab-et kwat yogolat ma-o” luk yij-o.

EPESUS 2:10

Nir-e Mbal Pem Nagawan-nen ndak wat ninpidnak-nen yili-o. Nir-e konak nak kwarogolat wolmakluk Kerisut Yesus ebem ndak worak ninpij-o. Nde, nit-nen konak nak kwarogolat wolmomtak iri-ge abuwok ma-net Mbal Pem Nagawan-nen lid lud tak pij-o.

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

1 TIMOTIUS 3:15

Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

1 PETERUS 2:5

Kir-e kunlug-et woragwi kerep-nen yili me, kit wok kunpuruk Mbal Pem nagawan uwi indi amanggim o iri wat momtak kerep iri kinndi mer-o. Iri nggal kwarogolar-e, kir-e tepan ombo marak kwat luk, Yesus Kerisut ebem kir-e Mbal Pem Nagawan amanggim wam wosa kan pogola-ge, Mbal Pem Nagawan-nen-e kit-nen pidnak mende bem-e alen kujwa-o.

3 YOANES 1:8

Iri bem-e, nit Kerisut nap-nen-e nennggamirak Kerisut nap iri-ge ndemeret yabu wanili iri-ge totno wanidnak nggal-e mondok yongga undurag-o.