1 KORINTUS 3:8 - Nanduk Ngget Tul Pidnak Wene

⁸ Uwi yagoso nap na yi koloso nap na ndak ndak-nen yusu-o. It-nen yabu wanidnak iri ndak ndag-et Mbal Pem Nagawan-nen enarik tag-et onggo wok unduwa-o.

1 KORINTUS 3:8 ပူးပေါင်းရင်းမြစ်များ

NGGOMO WENE 27:18

Ta-nen nde engen yoso e ereba na umut mbal tenak woralar-e, engen-e mbaruwar-o. Ta-nen nde at onggo ibidnak nap iri na kwara ndegel obosolat wolma nab-e ombo iri na-nen-e at nak kek tak ubuwa-o.

NDANIEL 12:3

Nde, enne kulugwi indi nggat nggat worak nap ereba na-ge eneyaya-ge o yaya nggal irit wolma-o. Nde, ap kwarat-nen ndemeret mot mot nak kwarogolat wolmakluk ap kwarat mul ondogolat woraidnak nap ereba na-ge wonaru abinal nggal enabinal-e pem irit kere kere rak wolma-o” luk yij-o.

MATIUS 16:27

Ap Amara na-ge at Eid abinal pem at-nen idnak aid nap inmin lobok yuwarig-e, ap onggo wok ondosolar-e, it-nen kwaridnak ndak ndag-et ondomok tak onggo wok unduwa-o.

LUKAS 19:19

Yosoloma-ge, eid na-nen at yak tosolar-e: ’Kar-e o siri lima tena woranok-nen kinggem pimin-o’ luk yij-o.

OROMA 2:6

Nde, Mbal Pem Nagawan-nen onggo posolar-e, ap oboksa-nen kwarogolat woraidnag-e ndak ndag-et puwa-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

1 KORINTUS 3:14

Nde, ta-nen nde o paro na bem wiridnag-e kan ninggit lak, tugup lag-et wolma bem-e at iri-ge onggo wanuwa-o.

1 KORINTUS 3:7

Yagoso nap min yi koloso nap min iri-ge nggulog-e lag-o. Ija lombog-o wirik poso Mbal Pem Nagawan iri nag-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

1 KORINTUS 4:15

Kir-e Kerisut ebem-e mul kundugwi nab-e sepuluribu (10,000) nggal kwarat woragola-t nde, kineij-e misiget nag-o. An-nen aid wene yak kindigi na bem-nen-e Kerisut Yesus ebem kineij-e an-et kwat yigi-o.

1 KORINTUS 9:7

San winde-nen wim timbiril mborosolar-e, at ambikpebe-nen onggo buruk mboroso-a? Nde, anggut yabu wanurug-e, engen yidnak naso bug-e ta-o? Are, sapi wam ndogoroso nap-nen-e agamo amburu naso bug-e ta-o?

NGGALATIA 6:4

Ap ondomok tak-nen at-nen kwaroso iri na eyami mbaruwag-o. Nde, at-nen kwaroso iri-ge konak nak ala-ge, at ondomok-nen kek yurak ob-o. Nde, nin nap-nen kwarogola kaidnak pem at ondomok kek yurag-e meya-o.

NGGALATIA 6:5

Ap pidsa-ge it enpem angin worak mende mbidnag-e enambik tak-nen kud tuwa-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 PETERUS 5:4

Iri kwat yugup pem-e, Lomba Wam Winde Kek tak na lobok yosolar-e, abinal lak momtak puk wirik irit wanugub-o.

2 YOANES 1:8

Iri bem-e kit-nen yabu wanugup na onggo lak we irit wabugup naru, onggo ndak ndak wanobokluk, kwara wolmer-o.

NAM PARA WENE 2:23

Kwe iri ene wanugwi nap na indimin-o. Indimin iri-ge, lambuk tak inpidnak nap oboksa-nen enaru yogolar-e, ap-nen yebet kagwi min ap inndi min mbenaroso-ge Mbal Pem Nagawan-net yusu-o luk enaru makluk, indimin-o. An-nen onggo posolar-e, kit-nen kwaridnak ndak ndag-et onggo wok kindimin-o.

NAM PARA WENE 22:12

Yesus-nen yosolar-e: ”Kwara yebet ker-o. An-e ap oboksa-nen kwarogolat woraidnak iri na ndak ndag-et wok undurak onggo waruk ndag-et nak lobok yimin-o.