1 KORINTUS 3:5 - Nanduk Ngget Tul Pidnak Wene

⁵ Nde, Apolos-e no nab-o? Paulus-e no nab-o? Nit mberen iri-ge Mbal Pem Nagawan ndegel ubugwi nap-nen yili-o. Nde, Nagawan Indo-nen at eyabu nenarik tak nenpem pidnak ala, nit-nen ndowaga kinndi angin tubu yigeb-o.

1 KORINTUS 3:5 ပူးပေါင်းရင်းမြစ်များ

MATIUS 25:15

It-nen kwarugwi bem enmawi ndak ndag-et ondomok tak tembesa wok ondosolar-e, misik tol-e lima wok tosolat, misik tol-e mberen wok tosolat, misik tol-e misiget nak wok tosolat yij-o. Iri rak puruk nagawan na mbirij-o.

LUKAS 1:2

It-nen mbarogolar-e, nanduk-nen kwarogola, enlengen-nen karuk wugariga wene yak nindidnak iri na ndak ndag-et mbariga-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YIDNAK YIDNAK WENE 18:24

Iri na tarem-e o Aleksandaria woraso Yawuri nap misik unu Apolos iri-ge o Epesus lobok yij-o. At iri-ge wene owak ngara yoso nab-o. Mbal Pem Nagawan Engga na kwara aru nab-o.

YIDNAK YIDNAK WENE 19:1

Apolos-e Korintus worala-ge, Paulus-e o siri anggul nggwe ereba waring kil kil-e Epesus wok yij-o. Iri me-ge Yesus ene wanugwi nap erep inmin lambuk lug-e,

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

1 KORINTUS 16:12

Nde, nenap Apolos iri perak nde, nenap tak erep inmin luk kit kendam wok makluk pempa emengen mbarosolat woragi-t nde, at indi pigit lak me, yawo-net kendam lobok yurag-e meya agaij-o. Alat nde, at-nen lobok yurak tarem wok yosola perak lobok yuwa-o.

1 KORINTUS 3:10

Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

1 KORINTUS 3:22

Paulus na irit, Apolos na irit, Peterus na irit, nggweyak ma yu me na irit, unluk momtak na irit, wat momtak na irit, yawo-n worasu na irit, abok-nen kwarurak na irit pik paksa kit kenarengge-nen yusu-o.

1 KORINTUS 3:7

Yagoso nap min yi koloso nap min iri-ge nggulog-e lag-o. Ija lombog-o wirik poso Mbal Pem Nagawan iri nag-o.

1 KORINTUS 9:17

An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

2 KORINTUS 11:23

Ir-e Kerisut ndegel ubugwi nap-nen yili-a? Ap indi wawa-nen yugwi nggal yimin-et nde, it na ndegel ubugwi-t nde, an-e terak menna ndegel oboso-o. It yabu-ge mariget waniga-t nde, an perak nde yabu kwarat wanigi-o. Ir-e siyag-et linggamburok undugwi-t nde, an perak kwarat pem linggamburok nurugwi-o. Ir-e misik tarem nggal-et o kubu me inpil nggugwi-t nde, an-e kwarat pem o kubu me nibil nggugwi-o. An-e kwarat pem wat yugwi tu nggambut mu wok yukmu-o.

2 KORINTUS 3:3

Nde, Kerisut-nen mbaridnak engga nit-nen pil mburuwakluk ninggem pid engga iri-ge kit-net yili-o. Engga na-ge amburu bem-e mbarigit lag-o. Are, uruk nak woraso Mbal Pem Nagawan Indi bem-nen mbaridnag-o. Nde, kerepnen konidnak engga mbarugwi bem mbarigir-e lag-o. Are, ap inndi bem mbaridnak-nen yusu-o.

2 KORINTUS 3:6

At nak-nen nenpem tak pidnak pem-nen nir-e ngget urul pidnak wene iri na ndugurugwi nap-nen yili-o. Urul pidnak wene iri-ge engga bem mbaridnak imiri mbarak pidnak wene-nen yusu-ge lag-o. Are, Konak Indi-nen idnak-nen yusu-o. Engga bem mbaridnak imiri mbarak pidnak wene iri-ge ap worak onposo-t nde, Konak Indi-ge ap unluk tak poso-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

2 KORINTUS 4:7

Alat nde, onggo nggok mende iri na-ge ndangen nggweyak-nen konidnak yimbe nit nenarem worasu-o. Iri worasu iri-ge amawi kwarat lombok iri na-ge nit-nen idnak amawi-ge lag-o. Are, Mbal Pem Nagawan-nen idnak amawi-o luk nam makluk-nen yusu-o.

2 KORINTUS 5:18

Iri mende oboksa-ge Mbal Pem Nagawan-net kwarusu-o. Kerisut ebem-nen Mbal Pem Nagawan-nen-e at imin sirid nap nir-e at ondomok imin lambuk tak ninpij-o. Iri rak puruk, nin nap na at imin lambuk tak unpurak yabu na-ge nit nenpem pamu-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

2 KORINTUS 6:4

Are, yi mende ndi mende bem nir-e ndemeret Mbal Pem Nagawan ndegel ubugwi nap nenpage-t neneyujwaklug-e, andi bandi kagolat na, angin worak mende nenpem mbosola na, ninndi kabak ala na, nir-e ninndi kwara luruk puruk woragwi-o.

EPESUS 3:7

Mbal Pem Nagawan-nen we wok ondoso elem wok norosolar-e, at amawi bem-nen aid wene ndegel oboso nap kwat nibij-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 1:25

Kit konak tak kunpurak pem Mbal Pem Nagawan-nen an nebem eyabu posolar-e, lambuk tak inpidnak nap ndegel onposo nap tak nibij-o. Nde, an neyabu-ge at-nen yidnak wene ndegera ap yak undurak iri-net yusu-o.

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

1 PETERUS 4:10

Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.