1 KORINTUS 3:4 - Nanduk Ngget Tul Pidnak Wene

⁴ Ap misik-nen yosolar-e: ”An-e Paulus mende-o” yosola, nde, at nin-nen-e: ”An-e Apolos mende-o” yosola, iri yili iri bem-nen kir-e nggweyak ma nap enpage-t worali kali bug-a?

1 KORINTUS 3:4 ပူးပေါင်းရင်းမြစ်များ

1 KORINTUS 1:12

Yu nggal yosolat-nen yigi-o: Kit kenarik tik kenarik tak-nen yogolar-e: ”An-e Paulus mende-o”, ”An-e Apolos mende-o”, ”An-e Peterus mende-o”, ”An-e Kerisut mende-o” luk yil mbitli-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

1 KORINTUS 4:6

Nanggamirak wa-e. Kit kenpem-nen ndowaga wene yu-ge an min Apolos min-nen idnak nggal tak pigi-o. Nit nenpage karuk, engga mbarak pem-nen yidnak yidnak irit kenaru yobokluk yak kindigi-o. Kir-e kinndi kek luk misik nap unu kek tak pogolat, nin nap teberak pogolat momtag-e meya-o.

NGGALATIA 1:11

Nowe nowosi wa-e. Wene yu kwara yak kendeyeg-o: An-nen yak kindidnak aid wene iri-ge ki nap inndi-nen peraidnak wene-ge lag-o.