1 KORINTUS 3:19 - Nanduk Ngget Tul Pidnak Wene

¹⁹ Nggweyak ma nap inndi tenggerak elem yili na-ge Mbal Pem Nagawan erengen pem-e wid-nen yugwi nggal-nen yusu-o. Mbal Pem Nagawan engga mbarak pem-nen yosolar-e: ”Nagawan Indo-nen-e ap indi nggat nggat worak na ngonok tak obosolar-e, at ondomok indi nggat nggat iri na-net ngonok tak ubusu-o” luk,

1 KORINTUS 3:19 ပူးပေါင်းရင်းမြစ်များ

2 SEMUEL 15:31

Nde, ap-nen yak togolar-e: ”Agitopel min-et Apsalom ambigit mbirij-o” yogola karuk, Ndaut-nen tepan yosolar-e: ”Nagawan Indo wa-e. Agitopel-nen nggomo yak tuwa ereba-ge ebe lak yaga keya bi-o” luk yij-o.

2 SEMUEL 16:23

Nde, ereya tarem-e Agitopel-nen yidnak wene oboksa-ge Ndaut-nen na irit Apsalom-nen na irit Mbal Pem Nagawan-nen yosola nggal kologoluk kwarogolat woraiga-o.

2 SEMUEL 17:14

Wene iri na kulurug-e, Apsalom min Isarael nap oboksa min nen yogolar-e: ”Yawo Usai-nen yid wene iri perak konag-o. Nde, Agitopel-nen yij-e meya nggal-o” luk yiga-o. Nde iri yiga iri-ge Nagawan Indo-nen Agitopel-nen wene konak nak ngarusu iri na ebe lak tak puruk, lak tak unpurak mende Apsalom ebem mbuwakluk-nen kwarij-o.

2 SEMUEL 17:23

Nde, Agitopel na-nen yik kagaidnggal-e, at-nen yidnak wene-ge mondok nggarugwi buk ala karug-e, kelerai wam ombolwak pem kore yogolat-nen puruk kore yugwi ondoro iri na kelerai wam ombol pem puruk ebem kore luk, at ambik ama mberarig-e, at-nen kwarurak mururak ereba na ndegera kwatlug-e, ambikpebe urusuwak ngonoksa tiong yamu, at owe owot yapma unpugwi sa iri na me yapma ibiga-o.

ESET 7:10

Iri kwasa Aman iri na-ge at-nen Morendekai wururak e sindik pid iri na bem-e at nde urusu kerebara tiong tak uburug-e, nagawan-nen isilepma yid iri na-ge isilepma teyok yij-o. 8:1–10:3 Pasal 8 kuri-nen Pasal 10 kuri iri arem-e Nagawan Agasuweros-nen-e Aman arengge oboksa Eset wok tosola, Eset-nen Morendekai wok tidnak wene mbarak worasu-o. Iri-nen Yawuri nab-e it ondomok inmiri yuwakluk, Morendekai-nen nagawan unu bem engga mbara tomborosola, it-nen-e it inmin sirid nap mondok kwarat indiga wene mbarak worasu-o. Iri-nen Yawuri nap enalen kagolar-e, it inmiri yidnak yebet kagolar-e, Purim nggok sakwi tel kwiriga wene na pasal yeba arem mbarak worasu-o.

MBIRIGA WENE 1:10

Nit-nen nde ap inmin wim mbarogola-ge, ir-e wim nap inmin yogolar-e, nit nunduruk, o yu keya buruk nde mburuwa-o. Iri ala-ge, it yu-ge ap kwarat ma naru, nir-e tu nggesa kore yuwog-o?” luk wene wirik pij-o.

MBIRIGA WENE 18:11

Ap-nen kek tak pugwi unkugwi erep ereba-ge tebek tag-et nde, Nagawan Indo iri perak terak minik kek tag-er-o luk naru yusu-o. Nde, ereba kwarid ereba-ge Mesira nap-nen Isarael nap lel onpogolar-e indi kek tak pem kwat onpogola-nen kwarij-o” luk yij-o.

YESAYA 44:25

’Iri kwat ma-o’ luk, urul pugwi nap-nen urul pugwi iri-ge an-nen ebe lak mende rak poso-o. Nde, ’Iri nggal kwat ma-o’ luk, kugwi tu mbarugwi nap ereba na-ge an-nen nerengenma nggal tak onposo-o. It-nen indi worak elem pem wene yugwi na an-nen eyak worosolat, it inndi nggat nggat elem na an-nen wid inndi rak onposo-o.

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

1 KORINTUS 4:6

Nanggamirak wa-e. Kit kenpem-nen ndowaga wene yu-ge an min Apolos min-nen idnak nggal tak pigi-o. Nit nenpage karuk, engga mbarak pem-nen yidnak yidnak irit kenaru yobokluk yak kindigi-o. Kir-e kinndi kek luk misik nap unu kek tak pogolat, nin nap teberak pogolat momtag-e meya-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

YAKOBUS 3:15

Inndi nggat nggat elem iri nggal iri-ge aid arem-nen mbuwaidnag-e lag-o. Are, nggweyak ma mende-nen yusu-o. Konak Indi-nen idnag-e lag-o. Sere-nen idnak-nen yusu-o.