1 KORINTUS 3:12 - Nanduk Ngget Tul Pidnak Wene

¹² Ap erep-nen o paro na bem worogolar-e, emas posid pem ala na, perak posid pem ala na, onggo nggok pugwi kerep konak pem ala na; erep-nen-e e bem ala na, tusuwang-ge bem ala na, engga kerengga umbuk pem ala na wuruwama-ge,

1 KORINTUS 3:12 ပူးပေါင်းရင်းမြစ်များ

NDAWI ENGGA 19:10

Ndemeret emas iminep mbarak iri-ge nggok tak pugwi-t nde Nagawan Indo-nen idnak imiri mbarak pidnak wene iri-ge mondok terak minik ija lombok-nen yusu-o. Tamuk amburu mondok konak iri na undu konag-et nde, Nagawan Indo-nen idnak imiri mbarak pidnak wene undu-ge mondok terak minik konak-nen yusu-o.

MBIRIGA WENE 5:12

Yak ondogolikma-ge, it Isarael nab-e mbato ariwak ndok wuruwokluk kore-ge o Mesira nggweyak kambuk tak pogolat woraiga-o.

NGGOMO WENE 30:6

Kat-nen nde at-nen yidnak wene ereba na eralu siyak nambena pugunmu ala-ge, at-nen-e met kuburuk, ’Kat na-ge ndemeret enesiget yoso nap-net yusu-o’ luk yuwa-o” yij-o.

NGGOMO WENE 8:10

Perak ndemeret iminep mbarag-et nde, marik tak puruk, an-nen nggomo kindidnak wene-t nggok tak purag-o. Emas kopkap lag-et nde, marik tak puruk, inndi worak tak poso elem enaru yugwi irit nggok tak purag-o.

YESAYA 60:17

An-nen-e posid tembaga ondolma-ge emas waruk lobok yimin-o. Nde, mbesi ondolma-ge perak waruk lobok yimin-o. Nde, e ondolma-ge, tembaga pimin-o. Nde, kerep ondolma-ge mbesi pimin-o. Nde, kat kuwi siri iri-ge mondok kona yamuksa woragwi rak pimin-o. O siri iri me tena woragolar-e, mondok lud tak nak kwarogolat wolma-o.

YEREMIA 23:28

Nde, an nene lomboksa yoso nap-nen nabi kasolug-e, ’We nabi kagi-o’ luk yurag-o. Nde, an-nen wene enpem pidnak nap-nen-e enpem pidnak ereba na-t ndemeret yak undurag-o. Nggandum mbato-ge ariwak min ndak ndak tak purag-e meya-o.

YIDNAK YIDNAK WENE 20:30

Kit kenambik kennggendumu-net ap erep men yogolar-e, Yesus ene wanugwi nab-e it langgal unpurak makluk, enesiget wene nde yuwa-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

1 KORINTUS 3:11

O paro-ge Yesus Kerisut ariget nak abu pidnak me, o paro nin purag-e mondok lag-o.

1 KORINTUS 3:13

o enarik tak wiridnak iri-ge Kerisut-nen idnak Tarem-net nam tak posola, kujwa-o. Iri Tarem-e kanduk pem-nen tel korosolar-e, kanduk iri-nen ap-nen enarik tak o wiridnak mende iri-ge nam tak posolat, lombonosolat ma-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

KOLOSE 2:8

Iri ala-ge, ap-nen kinndi wanogolar-e, ki nap enaru yidnak wene bem-nen na, ebe lak mende onmbol pem lagwi wene, ki nap-nen mul undugwi wene lom nde nggweyak ma yu tena woraso indi-nen yidnak wene bem-nen na ming kunpuwa naru, kwara-t wolmer-o. Wene iri-ge Kerisut-nen yidnag-e lag-o.

1 TIMOTIUS 6:3

Nin wene owak mul ondosolat, nit Nenagawan Indo Yesus Kerisut-nen ndemeret yidnak wene min Mbal Pem Nagawan-nen kwaroso nggal nit-nen mul undugwi wene min ”Ndemerer-o” luk perasu buk nab-e

2 TIMOTIUS 2:20

O nggulok arem-e piring min togolwak min kwarat worasu-o. Ereb-e emas min perak min pem-nen konidnak nak worasu-ge lag-o. Are, e min nggweyak min pem-nen konidnak na worasur-o. Nde, ereb-e nggulok sakwi tarem-nen wanogolat, nde, ereb-e we tarem-nen wanugwi-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

2 TIMOTIUS 3:7

Kwami iri-nen-e ”Mul nender-o” luk kundugu nggi renak worali-t nde, ir-e ndemeret wene iri-ge kwara enaru yili bug-o.

2 TIMOTIUS 4:3

Ap-nen-e ndemeret wene kulurak keya buruk, it-nen ukwe ukwe mende na langgal luk mborogolar-e, it kulurak indingen wene yak unduwakluk, nggomo undugwi nap kwarat lesa endam tak purak tarem-e mondok lobog-et yuwa-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

1 PETERUS 1:7

Nde, kinndi ngaruwa iri-ge kit-nen ndemeret Nagawan Indo ebem kinndi angin tubu yigep, lak? luk kinndi kasolat-nen kinndi-t ngaruwa-o. Lak momtak mende emas posid iri perak nde abut mbaruwokluk kan ma pugwi-o. Nde, emas posid iri-ge onggo nggulok pugwi mende-t nde, marik-nen yusu-o. Nde, kit kinndi angin tubu yidnak iri perak nggulok-nen yusu me, tugup lak wolmakluk mondok kinndi ngaruwa-o. Iri lug-e, Yesus Kerisut lobok yuwa tarem-nen-e kentembel wanogolat, kunnu kek tak pogolat, nggok tak konpogolat ma-o.

NAM PARA WENE 2:14

Alat nde, kit-nen kwatli erep ereba perak nde nisili-o. Iri-ge: Kit kennggenggerak ap ereb-e Mbileam-nen Isarael nap enare posolar-e, kugiwak amanggim pidnak nunggwi mende nonggolat, mbabi yogolat makluk, Mbalak mirik pid wene na langgal luk mbitli-o.

NAM PARA WENE 21:18

Kerep leget iri-ge abinal worak kerep-nen wiridnag-o. Nde, o siri iri-ge emas kopkap lak papalo erare nggal pem-nen wiridnag-o.

NAM PARA WENE 3:18

Iri bem-e, an-nen nggomo kendeyeg-o. Kir-e ndemeret kinsilobulo worak nap yobok-nen kopkap mondok lak emas posid iri-ge an nebem onggo pogolat, kunsum we koro nderak woragolat, kinnggiri kagwi mende iri lomorobokluk, sum loro an nebem onggo pogolat, kenlengen pasa nomosa yik kabok-nen kenlengen pem yugururak amburu an nebem onggo per-o.