1 KORINTUS 3:10 - Nanduk Ngget Tul Pidnak Wene

¹⁰ Mbal Pem Nagawan-nen we wok ondoso elem iri wok niridnak pem-e o kona woroso aru nap-nen woroso nggal an-nen-e o paro pigi-o. Nde, o paro pigi na bem-e ap misik-nen o wurusu-o. Alat nde, o enarik tak worogolar-e, indi lid puruk-net o wuruwag-o.

1 KORINTUS 3:10 ပူးပေါင်းရင်းမြစ်များ

NDANIEL 12:3

Nde, enne kulugwi indi nggat nggat worak nap ereba na-ge eneyaya-ge o yaya nggal irit wolma-o. Nde, ap kwarat-nen ndemeret mot mot nak kwarogolat wolmakluk ap kwarat mul ondogolat woraidnak nap ereba na-ge wonaru abinal nggal enabinal-e pem irit kere kere rak wolma-o” luk yij-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

MATIUS 7:24

”Iri ala-ge, an-nen yidnak wene kuluruk, kulidnak iri ndak ndak kwaruwa nab-e, ap indi nggat nggat worak-nen at uwi worosolar-e, kerep pem wirid nap iri na nggal-nen yili-o.

LUKAS 11:35

Iri bem-e, kit kenarem worasu yaya iri ndamuk ma naru, kwara-t wolmer-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

YIDNAK YIDNAK WENE 18:27

Nde, Apolos-nen-e Akaya nggwe ele bem ndil layekluk yosola-ge, Yesus ene wanugwi nap Akaya woragwi-nen Apolos na wok ubuwakluk, Epesus woragwi ennggamirak tak inpidnak nap-nen engga mbara enmanggim pikma, at na iri me wok lug-e, Mbal Pem Nagawan we wok ondoso elem pem-e inndi a gin tubu yidnak nap ereba na kwara yongga indij-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 15:15

Alat nde, Mbal Pem Nagawan-nen yabu yu wanurak nebem pidnak me, yu wene-ge ”Yu nggal-o. Iri nggal-o” luk kwiye lag-et engga yu bem yeberak kunpusu-o.

OROMA 15:20

An-nen peraso-ge yu-o: Kerisut unu kulugwi buk sa nak aid wene yak indil nurak peraso-o. An-e nin nap-nen o ugwi pidnak pem o wirimin naru-nen irit kwaroso-o.

1 KORINTUS 3:11

O paro-ge Yesus Kerisut ariget nak abu pidnak me, o paro nin purag-e mondok lag-o.

1 KORINTUS 9:2

It ap erep-nen-e an-e wirik ibidnak nab-o luk neberali bug-et nde, kit-nen-e wirik ibidnak nab-o luk neberali-o. An-e ndemeret wirik ibidnak nap-nen yusu-o luk yenggerak nuburak mende-ge kit Nagawan Indo ebem worali iri-net yusu-o.

2 KORINTUS 10:15

Nit, neneyabu kuri pidnak sa ombol nggwe nin nap-nen wanili yabu iri bem nit ninndi kek tak pili bug-o. Are, nit-nen peragolar-e, kit kinndi angin tubu yidnak kwarat yosola-ge, kit kenpem ala nir-e kek tak nunpuwa-o luk perali-o. Nde iri-ge neneyabu kuri mbal nindidnak iri na me-t wanul-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

KOLOSE 4:17

Nde, Arakipus na yak togolar-e: ”Nagawan Indo-nen eyabu kebem pidnak na mondok worok tak pugun na-e” luk yak ter-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

1 TIMOTIUS 4:16

Kat-net kondomok kwil kwal korasolat, kat-nen mul ondoso wene kwara yik karok woralat min-o. Yu mende pidsa kwara kwarosolat wolmin-o. Nde, iri yugun pem-e, kat kondomok kimiri yosolat, kat-nen yidnak wene kuluwa nap na inmiri yosolat yugun-o.

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.

1 PETERUS 4:11

Ta-nen nde aid wene yurak ala-ge, mondok Mbal Pem Nagawan-nen yidnak wene nak yurag-o. Nde, ta-nen nde ap erep yongga undurak ala-ge, mondok Mbal Pem Nagawan amawi bem-net ap yongga undurag-o. Iri ala-ge, yi kwatlik ndi kwatlik kwarogolar-e, Yesus Kerisut ebem-nen Mbal Pem Nagawan erembel wanurag-o. Yesus iri-ge amawi worak, at nak kek tak obogolat woralik nalik wolmomtak nap-nen yusu-o! Amen.

2 PETERUS 3:15

Nenagawan Indo-nen mamak puruk worasu iri-ge nit ninmiri yuwakluk-nen kwarusu-o luk yebet ker-o. Nit nanggam abuwa worak Paulus-nen na wene iri nggal-et kit kenmanggim mbarid iri-ge Mbal Pem Nagawan-nen we wok tidnak indi nggat nggat iri na bem-net mbarij-o.

NAM PARA WENE 21:14

Nde, o siri iri na kerep leger-e mabin-e kerep duabelas pem-nen wiridnag-o. Nde, kerep mabin pidnak ereba na bem-e Lomba Wam Marik-nen iddnak wirik inpidnak nap duabelas ereya na unnu mbarag-o.

NAM PARA WENE 21:19

Nde, o siri iri kerep leget mabin pidnak kerep ereba ebem-e yi kerep ndi kerep onggo nggulok pugwi abinal worak pem-nen umuruk pidnag-o. Nde, o mabin misig-e (yang pertama) kerep baiduri pandan-nen konidnak, misig-e (yang kedua) kerep nilam-nen konidnak, misig-e (yang ketiga) kerep yakut-nen konidnak, misig-e (yang keempat) kerep samurut-nen konidnak,