1 KORINTUS 2:8 - Nanduk Ngget Tul Pidnak Wene

⁸ Nde, iri-ge, indi tenggerak elem iri-ge nggweyak ma nagawan nagawan misiger-o luk tet enaru buk woraikma-o. Enaru woralep nggal-nen-e Unu Kek tak Woraso Nagawan Indo na e lang pang tak pem wirigit lak yeleb-o.

1 KORINTUS 2:8 ပူးပေါင်းရင်းမြစ်များ

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 13:22

Nde, linggat ndumu mbidnak uwi iri nggal ab-e aid wene kulurug-et nde, unmud nggweyak ma mende bem pogolat, uwang nak nggok tak pili iri-nen-e wene iri na perena lak tak posola, engen-e pili bug-o.

LUKAS 23:34

Panggarak pikma, Yesus-nen tepan yosolar-e: ”Neid wa-e. Ir-e enaru buk-nen kwatli me, it-nen meya yili yu-ge kat-nen kembaram tak pi-o” luk yij-o. Nde, it-nen at usum tembesa wanuwoklug-e, engga mbara ligik puruk, enpem mbidnak nap-nen waniga-o.

YOANES 16:3

It-nen iri kwat kunpuwa iri-ge an Neid nenmberek enaru buk-nen kwat kunpuwa-o.

YOANES 7:48

Nenne kulugwi nap nit nennggendumu-nen na irit, Parisi nap ennggendumu-nen na irit ap misik mbi-nen at ebem inndi angin tubu yogola, eneyali-a?

YOANES 8:19

Yosoloma-ge, it-nen at kin wok obogolar-e: ”Kat keij-e ngge me-o?” luk yogolikma-ge, Yesus-nen yosolar-e: ”Kit-nen-e an min an Neid min kenaru bug-o. Nde, kit-nen nde an kenaru nggal-nen-e an Neid na kenaru yeleb-o” luk yij-o.

YIDNAK YIDNAK WENE 13:27

It Yerusalem woragwi nap min it ese mendak inpidnak nap min-e Yesus-er-o luk yenggerak pigit lak yiga-o. At wururak wene ebem mbariga iri-ge Mbal Pem Nagawan ene lomboksa yugwi nap-nen urul pidnak wene-ge we woragwi tarem-nen wonat tenak woragwi na ndak ndak tak pogolat-nen ebem mbariga-o.

YIDNAK YIDNAK WENE 7:2

Kin wanosoloma-ge, Sepanus-nen onggo yosolar-e: ”Nowe nowosi min neidtak min wa-e. Wene yu koler-o. Abinal worak Mbal Pem Nagawan-nen nit nenlawingga Abaram-e o Aran woragit lak ma, o Mesopotamia worala-nen imbiri bem nam yaga mirik obosolat-nen

1 KORINTUS 1:20

Inndi tenggerak nab-e ngge me-o? Engga enaru nab-e ngge me-o? Nggweyak ma yu me-nen eyak wat wat kwarugwi nab-e ngge me-o? Nggweyak ma yu me-nen inndi lid tak elem iri-ge Mbal Pem Nagawan-nen wid tak pid na kali bug-a?

1 KORINTUS 2:6

Irit nde, nir-e indi tenggerak wene iri inndi amburu mbarak nap yak indili-t nde, nggweyak ma nap inndi tenggerak elem pem na yak indigit lag-et, o tena worali nagawan nagawan iri-ge lak tak unpuwa nap iri na inndi tenggerak elem pem na yak indili bug-o.

2 KORINTUS 3:14

Ndemeret, it inndi anggat lak nggal woraiga-o. Nde, iri kuri-nen yawo na ir-e nanduk urul pidnak wene engga na kagola-ge, entare lumurak pidnak sum iri-ge worasu-o. Kerisut at nak-nen sum na waburag-e ndag-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

1 TIMOTIUS 1:13

Nanduk woralar-e, an-e at obok posolat, lel mberel obosolat, nisilepma-nen meya rak obosolat yigi-t nde, iri tarem-e an at ebem nindi angin tubu yigit lak, naru buk worasolat-nen kwarigirik me, Mbal Pem Nagawan-nen an nubud kagaij-o.

YAKOBUS 2:1

Nanggamirak wa-e. Nit-nen idnak Nagawan Indo Yesus Kerisut, Unu kek tak Pidnak Nagawan iri ebem kit kinndi angin tubu yidnak iri na bem-nen ap enpage-ge lumbunurak pug-o.