1 KORINTUS 2:13 - Nanduk Ngget Tul Pidnak Wene

¹³ Iri ala-ge, nit-nen mul indili wene-ge ap inndi tenggerak pem mul indili-ge lag-o. Alat nde, Konak Indi nak-nen mul ondoso wene bem-et Konak Indi-nen yoso wene-ge Konak Indi wanidnak nap irit mul indili-o.

1 KORINTUS 2:13 ပူးပေါင်းရင်းမြစ်များ

LUKAS 12:12

Iri kwat kunpuwa tarem ereya na-net kit-nen yurak wene-ge Konak Indi-nen kenmendam tak puwa-o” luk yij-o.

YIDNAK YIDNAK WENE 2:4

Pak yosola-ge, Konak Indi-nen it pidsa kobong tak onposola, Konak Indi-nen wene yaga wok ondosola-ge, ir-e nin wene nan wene bem yogolat woraiga-o.

1 KORINTUS 1:17

Ap yi ma unpuwakluk Kerisut-nen wirik nibigit lag-o. Are, aid wene tumburuwakluk wirik nibij-o. Nde, iri-ge Kerisut e lang pang tak pem wiridnak iri na ebe lak mende ma naru, aid wene-ge ap inndi tenggerak-nen yugwi wene bem perak yak indigit lag-o.

1 KORINTUS 14:2

Ap mbi-nen nin wene nan wene bem yusu iri-ge ap yak undusu-ge lag-o. At-nen yidnak wene iri-ge ap-nen yebet kali buk me, Mbal Pem Nagawan-et yak tusu-o. Konak Indi bem-nen kura wene-t yusu-o.

1 KORINTUS 2:1

Nanggamirak wa-e. An-e kendam lobok yigi-ge, nene amburu mbarak pem-nen na, nindi tenggerak pem-nen na Mbal Pem Nagawan-nen kinggiridnak wene na yak kendeyekluk lobok yigit lag-o.

1 KORINTUS 2:14

Alat nde, Konak Indi wanigit lak nap-nen-e Mbal Pem Nagawan Indi-nen we wok ondoso mende wanurag-e meya-o. We wok ondoso mende-ge Konak Indi bem nak-nen enaru yugwi me, at-nen-e wid-nen yugwi nggal kwarak pidnak pem-e at ondomok indi bem-nen aru momtag-e meya-o.

1 KORINTUS 2:4

An-nen yoso wene min an-nen tomboroso aid wene min-e ap inndi tenggerak pem inndi lunugwi wene bem-nen yigi-ge lag-o. Alat nde, Konak Indi amawi-nen mirik onposo bem-nen yak kindigi-o.

1 KORINTUS 9:11

Nit-nen aid wene uwi-ge kit kennggendumu pil kaigerik me, kit-nen-e nggweyak ma mende nit wok nundurag-e nggog-a?

EPESUS 5:19

Kit-nen wene yak kerak mbogolar-e, Ndawi Engga bem mbaridnak wene yogolat, Mbal Pem Nagawan erembel wanogolat, aid wene ndawi yogolat mer-o. Kit kenarem-nen Nagawan Indo yak togolar-e, at erembel wanogolat, Nagawan Indo ebem ndawi yogolat wolmer-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

1 PETERUS 1:12

Nde, Mbal Pem Nagawan-nen at ene lomboksa yugwi nap yak indid iri-ge, it ondomok enmanggim yak indigit lag-o, Are, kit kenmanggim-et yak indij-o. Kit yawo kwara kulili Aid Wene iri-ge aid wene yugwi nap-nen-e aid arem-nen mbuwaidnak Konak Indi na amawi bem-nen mul kindiga-o Nde, wene iri-ge aid nap-nen na enaru momtag-e ukwe worag-et worali-o.

2 PETERUS 1:16

Nde, Nenagawan Indo Yesus Kerisut na amawi min lobok yurak wene min yak kindige iri-ge, tisiya ap inndi-nen mbela enesiget yugwi nggal yak kindili-ge lag-o. Are, Yesus Kerisut-nen kek tak woraso iri-ge nit nenlengen towelengen-nen kaige-o.