1 KORINTUS 16:11 - Nanduk Ngget Tul Pidnak Wene

¹¹ Ap mbi-nen kerengen unggut nggwe nak yik kudtak pug-o. Are, an neram ijok lem lobok yosola, at indi yek tag-et lobok yuwaklug-e, kir-e ndimirik eber-o. At iri na-ge nennggamirak inmin lobok yuwa-o luk an-e yik karok worasu-o.

1 KORINTUS 16:11 ပူးပေါင်းရင်းမြစ်များ

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

YIDNAK YIDNAK WENE 15:3

Yikma, it na mborogola-ge, lambuk tak inpidnak nap-nen ndimirik inpikma-ge, Peniki wok Samaria wok mborogolar-e, enlem nin nap-nen kondok yidnak wene na ya yak indilik mborogola-ge, ennggamira tak inpidnak nap pidsa enalen kwarat yiga-o.

YIDNAK YIDNAK WENE 15:33

Iri lug-e, iri me worarug-e, ennggamirak tak inpidnak nap-nen it inpil lobok yiga nap endam wirik onpogolar-e, ”Kinndi yek tag-et mberer-o” luk wirik inpiga-o.

1 KORINTUS 16:10

Timotius nde kit kendam wok yosola-ge, an-nen Nagawan Indo eyabu wanusu nggal, at na iri nggal wanoso me, kit kinmin kwiye lak wolmakluk, wa yak ter-o.

1 KORINTUS 16:6

Lobok yimindig-e, kit kinmin siyag-et nggal woramin, lak, are, o toro wok yosola tarem na kinmin woramin, lak, lombot nak pimin-o. Iri lug-e, an mborosola-ge, kit-nen ndimirik nubugub-o.

2 KORINTUS 1:16

Perasolar-e, kit kendam wok luk, iri me-nen-e Makeronia wok luk, nde iri me-nen-e kit kendam tuguruk wok luk, kit-nen-e Yurea nggwe ndimirik nubugub-o luk peragi-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 TIMOTIUS 4:12

Kar-e ap sugwe me, ap misiger-o luk-nen te rak kuburag-e meya-o. Are, kat-nen inndi angin tubu yidnak nap kat kebage mirik onposolar-e, wene yoso bem-nen na, kat-nen kwaroso bem-nen na, enabuwa kaso bem-nen na, mot mot nak kwaroso bem-nen na, mbek tak woraso bem-nen na kat kebage irit it-nen kwaruwakluk mirik onposolat wolmin-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

3 YOANES 1:6

Nde, kat-nen it enabuwa kaidnak wene-ge it-nen-e yu me woragwi Yesus ebem lambuk tak inpidnak nap na yak indiga-o. It-nen tu mbitli iri-ge konag-et mburuwakluk, kat-nen yongga ondosolar-e, Mbal Pem Nagawan alen tak pugwi mende bem yongga indi-o.