1 KORINTUS 16:10 - Nanduk Ngget Tul Pidnak Wene

¹⁰ Timotius nde kit kendam wok yosola-ge, an-nen Nagawan Indo eyabu wanusu nggal, at na iri nggal wanoso me, kit kinmin kwiye lak wolmakluk, wa yak ter-o.

1 KORINTUS 16:10 ပူးပေါင်းရင်းမြစ်များ

YIDNAK YIDNAK WENE 16:1

Nde, iri lug-e, Paulus na-ge o Nderebe min Listera min ereya na me-t wok yij-o. Iri me-ge indi angin tubu yidnak nap misik unu-ge Timotius irit woragaij-o. At ija-ge Yawuri kwe, indi angin tubu yidnak kwe-t nde, at eij-e Yunani nab-o.

YIDNAK YIDNAK WENE 19:22

Nde, at yongga tugwi nap mberen, Timotius min Erastus min Makeronia nanduk wirik inpij-o. Alat nde, at ariget nak siyak Asia iri me woragaij-o.

OROMA 16:21

At totno yabu misiget erep wanugwi nap Timotius min an nelem nap Lukius min Yason min Sosipatet min-nen ”Wiwa-o” luk yak kindili-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

1 KORINTUS 16:11

Ap mbi-nen kerengen unggut nggwe nak yik kudtak pug-o. Are, an neram ijok lem lobok yosola, at indi yek tag-et lobok yuwaklug-e, kir-e ndimirik eber-o. At iri na-ge nennggamirak inmin lobok yuwa-o luk an-e yik karok worasu-o.

1 KORINTUS 4:17

Iri kwarobog-o luk-nen an nambara Timotius nindi kundik Nagawan Indo ebem mot mot nak kwaroso iri kendam pil lobok yigi iri-ge an-e Kerisut Yesus ebem woralat-nen kwaroso wene, an-e yi wi ndi wi-nen lambuk tak inpidnak nap pidsa mul indil nusu wene iri-ge yeberak kunpuwakluk pil lobok yigi-o.

2 KORINTUS 1:1

Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

1 TESALONIKA 4:12

Kit nde iri nggal kwarogola-ge, kit kenambik kininggi bem-et woragola-ge, it inndi angin tubu yigit lak nap-nen kit kinmin-e ”Iri-ge mot mot nak kwaroso nab-o” luk kunpurujwa-o.