1 KORINTUS 15:52 - Nanduk Ngget Tul Pidnak Wene

⁵² Enlengen sambok yili nggal, worok tak posolat posid poba ene yosola-ge, ereya na-net nin nggal tak nunpuwa-o. Posid poba iri ene yosola-ge, wat yidnak nab-e piri yoso buk irit kwarak mendak onposolat, nit pidsa na nin tak nonposolat ma-o.

1 KORINTUS 15:52 ပူးပေါင်းရင်းမြစ်များ

NDAWI ENGGA 73:19

Iri rak onposoma, we enlengen sambok yidnak nggal nak lak yili-o. Iri yogolat abu abu lak yili-ge mondok meya lombog-o.

MBIRIGA WENE 19:16

Mberen nene luk, kenan tak posolat, kuplilasa-ge ndobo iri na bem-e mondok nggan nggan-e kiso puruso yosolar-e, obinel, o nggu yij-o. Iri yosolar-e, mondok mbapu ene kwiye worak iri kulurug-e, it o lije ma worali nap yeba na-ge kwiye kwarat yogolat, ye le mbiga-o.

MBIRIGA WENE 20:18

Nde, it-nen-e o nggu min mbapu ene pu min kologolat, obinel yosolat ndobo iri na kule lasolat, yosola karug-e, ir-e kwiye-nen yot kot mbogolar-e, erepma mboksa ereba-t mendak wiriga-o.

YESKIEL 33:3

Nde, tu yik karok woraso iri na-nen wim nap lobok yogolat eneyarug-e, at-nen-e wim lobok yogola-nen ene lo rak pugwi mende ap oboksa-nen kwil kwalsa wolmakluk ene lo rak poso-o.

YESKIEL 33:6

Alat nde, tu yik karok woraso nap iri na-nen nde wim nap lobok yogola eneyarug-et nde, wim lobok yogola, ene lo rak pugwi mende ene lo rak pigit lak yosoma, meya yugwi nap ereba unduwama-ge, meya yugwi nap ereba na indidnak pem erem-e tu yik karok woraso iri na bem-et an-nen-e pimin-o.

SAKARIA 9:14

Nde, Nagawan Indo-ge at ilirak inmbiri bem nam yaga mirik unpuwa-o. At-nen amare mbising kasolar-e, mondok obinel nggal nak mbisingsa pil mburuwa-o. Nagawan Indo Mondok Kek tak iri na-nen-e wim nggogolat-nen pugwi terompet ene nak posoluk, abare ena (selatan) nggwe-nen o wija lobok yoso iri na bem wim pil mburuwa-o.

MATIUS 24:31

Nde, posid poba nggulok na ene yosola-ge, at-nen-e at-nen idnak aid nap ereba wirik unpuwama-ge, at-nen len inpidnak nab-e nggweyak unggut empat nggwe-nen na, o nggweyak erep worok siyem min mbal erep woroksiyem min-nen na ndok worak unpuwa-o.”

YOANES 5:25

An-e ndemeret yak kundusu-o. Wat yidnak nap-nen Mbal Pem Nagawan Ambara ene kuluruk, kulidnak nab-e unlug-et wolmomtak tarem-e wok yuwa-t nde, mondok wok yij-o.

YOANES 5:28

Wene yak kindimin yu kulurug-e wi yurak pug-o. Wat yidnak nap pidsa-ge an nene kuluruk,

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

1 KORINTUS 15:42

Nde, wat yidnak nap unluk yogolat na iri nggal-et ma-o. Yapma inpili-ge piri yoso mende irit yapma inpili-o. Nde, men yogolar-e, piri yoso buk mende irit men ma-o.

1 KORINTUS 15:50

Nanggamirak wa-e. Yu nggal yosolat-nen yigi-o: Nenaboro min nenmep min worali yu bem-e Mbal Pem Nagawan-nen tenagaidnak wi winde yurag-e meya-o. Nde, piri yoso mende-nen piri yoso buk mende winde yurag-e meya-o.

1 TESALONIKA 4:15

Wene yu yak kindili-ge, Nagawan Indo-nen yidnak wene bem-net yak kindili-o. Nagawan Indo lobok yuwa tarem nunluk wulmul nap nit nanduk mborogolat, it nanduk wat yidnak nap abok tak unpul pug-o.

2 PETERUS 3:10

Alat nde, Nagawan Indo lobok yurak tarem iri-ge yariya wanuwokluk lobok yugwi nggal-et lobok yuwa-o. Lobok yosolar-e, mbal iri-ge o nggu kwiye worak yuruk, lag-et ma-o. Mbal pem woraso mende-ge kan-nen nuruk, lak tak puwa-o. Nggweyak min ebem pem woraso mende pidsa-ge lak tak puwa-o.

NAM PARA WENE 8:13

Iri luk, yik kaginggal-e, towe ud mbi mondok teram abu yebaluk waring kasolat-nen ene ngguloksa yosolar-e: ”Enabuwa-o! Enabuwa-o! Nggweyak ma yu wolma nap oboksa-ge aid nap erep kenan iri-nen onpoba ene pu yogola kuluwa nab-e mondok enabuwa-o!” luk yosola, kuligi-o.

NAM PARA WENE 8:2

Iri rak puruk, yik kaginggal-e, Mbal Pem Nagawan eram mendak woragwi aid nap tuju iri eneyagi-o. Nde, it iri-ge posid poba tuju wok indij-o.