1 KORINTUS 15:47 - Nanduk Ngget Tul Pidnak Wene

⁴⁷ Nanduk woraso Aram iri-ge nggweyak pem-nen ndak worak me, nggweyak ma nab-er-o. Alat nde, imbirik lobok yid Aram iri-ge aid arem-nen mbuwagaij-o.

1 KORINTUS 15:47 ပူးပေါင်းရင်းမြစ်များ

NDAK WIRIDNAK WENE 2:7

Nde, mbi tarem-e Nagawan Indo Mbal Pem Nagawan-nen nggweyak marig-et waga yarik, kona keya buruk, ap mbi ndak worak pij-o. Ndak worak purug-e, uruk makluk indisep ap na abiru nggwe pu yaga pil nggosoloma-ge, ap na-ge uruk yij-o.

NDAK WIRIDNAK WENE 3:19

Kar-e nggweyak yu bem-nen yabu wanosolar-e, mondok pabik paboksa wanosolat, kirigak mburuk-net yi mende ndi mende ebe-ge kwat mag-o. Iri kwat tenak irit worasoma, kar-e tuguruk nggweyak kwat min-o. Kar-e nggweyak-net ngen mbara keya kuburuk ndak wat kibidnak me, tuguruk kerem eram mburugun-o” luk yak tij-o.

YESAYA 9:6

Nit nenmanggim liap misik ndesa mbij-o. Ambara misik wok nindij-o. Ar-e nit tena nunpuruk woraso nap kwat ma-o. Nde, at unu yogolar-e: ”Nggomo Ondoso Nap Indi Nggat Nggat Worak”, ”Amawi Worak Mbal Pem Nagawan”, ”Nineid Pem Woraso”, ”Lambuk tak Onposo Nagawan” luk yuwa-o.

YEREMIA 23:6

Nde, at-nen o tena worala-ge, Yewura nab-e inmiri yosolat, nde, Isarael nab-e kona yamuksa wolma-o. Nagawan iri na imin yogolar-e: ’Nagawan Indo iri-ge nit Ninmiri Yoso Nap-nen yusu-o’ luk yuwa-o” luk yij-o.

MATIUS 1:23

”Ap-nen aboro mbarugwi buk kwe ndugum-nen abila luk, la li ap mbi ndaguwa-o. Nde, la iri unu yarogolar-e, Imanuwel-o luk yaruwa-o.” (Nde, Iberani wene bem Imanuwel yiga iri-ge ”Mbal Pem Nagawan nit ninmin worasu-o” yarogolar-o.)

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

YOANES 3:31

Teram-nen mbuwagaid nab-e kek tak terak minig-er-o. Nde, nggweyak ma-nen lobok yidnak nab-e nggweyak ma nap me, nggweyak ma wene nak yoso-o. Nde, teram-nen mbuwagaid nab-e kek tak terak minig-er-o.

YOANES 6:33

Nde, Mbal Pem Nagawan-nen wok ondoso mburu iri-ge aid arem-nen mbuwarik, ki nap pidsa unluk yaga wok undusu nap iri-ge Mbal Pem Nagawan umburu-nen yusu-o” luk yak indij-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

1 KORINTUS 15:45

Mbal Pem Nagawan engga mbarak pem-nen yosolar-e: ”Nanduk woraso nap Aram iri-ge uruk mende worak irit kwat yij-o.” Alat nde, woroksiyem Aram iri-ge ap unluk yaga wok ondoso Indi irit kwat yij-o.

1 KORINTUS 15:46

Piri yoso buk mende iri-ge nandug-et lobok yij-e lag-o. Are, nggweyak ma mende na nanduk lobok yarik, imbirik-nen perak piri yoso buk mende lobok yij-o.

2 KORINTUS 5:1

Wene yu-ge nenaru-o. Nit nggweyak ma yu me luru woragwi nunuwi na mijarak pogola-ge, Mbal Pem Nagawan-nen nit nenmanggim wiridnak uwi mbi aid arem worasu-o. Nde, o iri-ge ininggi-nen wiridnak wi-ge lag-o. Are, woralik nalik wolmomtak wi irit worasu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”