1 KORINTUS 15:43 - Nanduk Ngget Tul Pidnak Wene

⁴³ Mbilaro ngin irit yapma inpili-t nde, men yogolar-e, abinal worak irit mendak unpuwa-o. Nde, ndeyak irit yapma inpili-t nde, men yogolar-e, amawi worak irit mendak unpuwa-o.

1 KORINTUS 15:43 ပူးပေါင်းရင်းမြစ်များ

AYUP 14:10

Alat nde, ap wat yogolar-e, abu ondoro min lak yugwi-o. It wat lug-e, ngge me nde mburugwi-o?

NDAWI ENGGA 102:23

Nagawan Indo-nen-e an-e nusujwe ma-t nde, namawi lak tak puruk, an nuruk wolmomtag-e poro rak pusu-o.

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

MATIUS 13:43

Iri na tarem-e it lud tak nak kwarugwi nab-e it Ineid-nen tenagaidnak wi iri me woragolar-e, molengen nggal enabinal worak wolma-o. Iri bem-e, ta-nen nde eyanggo worak ala-ge, wene yu kwara kuluwag-o.”

YOANES 8:49

Yogolikma-ge, Yesus-nen yosolar-e: ”An-e kugi narem nggwidnag-e lag-o. An-e Neid kek tak pusu-t nde, kit-nen-e an kek tak nibili bug-o.

1 KORINTUS 6:14

Mbal Pem Nagawan-nen Nagawan Indo na mendak pid iri na-net at amawi bem nit na irit mendak nunpuwa-o.

2 KORINTUS 13:4

At ndeyak yidnak pem e lang pang tak pem wiriga-t nde, Mbal Pem Nagawan amawi bem-nen at uruk worasu-o. Nde, nir-e at imin ndeyag-et worali-t nde, Mbal Pem Nagawan amawi bem-nen kit kenmanggim ala, at totno nunluk wulmul-o.

PILIPI 3:10

An nindingen kaso mende-ge yu-o: Kerisut na naru yosolat, at uruk yidnak amawi iri na naru yosolat, at andi bandi kagaid nggal an na andi bandi kasolat, at wat yid nggal an na iri nggal wat yosolat yurag-e nindingen-o.

KOLOSE 3:4

Nit nunluk worali yu-ge Kerisut-nen yusu-o. Nde, at nam yosolar-e, kit na at imin totno nam yogolar-e, at unu kek tak pidnak pem-et nam yugub-o.