1 KORINTUS 15:4 - Nanduk Ngget Tul Pidnak Wene

⁴ Wat yosola-ge, yapma pikma mberen naruk, kenan tak purak pem-e Mbal Pem Nagawan engga bem-nen mbarak iri na ndak ndag-et at uruk tak pij-o.

1 KORINTUS 15:4 ပူးပေါင်းရင်းမြစ်များ

NDAWI ENGGA 16:8

An-e pempa Nagawan Indo ebem nindi mbung mbung tak worasu-o. Ar-e an neram worala karuk, an-e tugup lak woramin-o.

NDAWI ENGGA 2:7

Nagawan-nen yosolar-e: ”Nagawan Indo-nen ’Irit kwaruwa-o’ luk yidnak wene-ge an-nen yimin-o. At-nen an yak norosolar-e: ’Kar-e an Nambara-o. Yawo-net kat keid kwat yusu-o.

OSEA 6:2

Nde, o mberen pem, lak, kenan pem, lak ya woragolar-e, at-nen ki rak nunpuwama, at indipma wulmul-o.

YUNUS 1:17

Nde, Nagawan Indo-nen keyane nggok misik pil lobok yamu, Yunus iri na-ge keyane iri na-nen lungguk mberak pij-o. Iri yamu, Yunus iri na keyane urum arem woralar-e, kubu kenan, lengge kenan irit woragij-o.

MATIUS 12:40

Nde, Yunus na-ge keyane nggulok iri arem woralar-e, kubu-nen lengge-nen kenan tarem woragaij-o. Nde, iri nggal-et Ap Ambara na-ge nggweyak arem woralar-e, kubu-nen lengge-nen kenan tarem wolma-o.

MATIUS 16:21

Iri tarem-nen Yesus na tel korosolat, at owosirak yak ondosolar-e: ”An-e mondok Yerusalem mbirimin-o. Mburumu-ge, ogore yidnak nap nde tepan omborak nagawan nde imiri mbarak pidnak wene enaru nap nde it-nen mondok lel mberel nubuwa-o. Iri luk, nuruwa-t nde, mberen nene luk, kenan tak purak pem-e nuruk tak puwa-o” luk nam-et yak indij-o.

MATIUS 20:19

enlem nin nap ininggem nubuwama, it-nen-e nggweyel nobogolat, linggamburok norogolat, e lang pang tak pem panggarak nobogolat yuwa-t nde, kenan tak posolat tarem-nen nuruk tak puwa-o” luk yak indij-o.

MARAKUS 9:31

Yesus-nen at owosirak na mul ondosolar-e: ”Ap Ambara-ge ap ininggem puwama, it-nen wuruwa-o. Wuruwama-ge, mberen naruk, kenan tak purak pem-e uruk ma-o” luk yak indij-o.

LUKAS 24:26

Abok lobok yuwa Kerisut-nen iri nggal nandug-e andi bandi karuk-net kek tak ubuwa bug-a?” luk yij-o.

LUKAS 24:46

yak ondosolar-e: ”Mbal Pem Nagawan engga bem-nen mbaridnak wene-ge yur-o: ’Kerisut na andi bandi karuk, mberen nene luk, kenan tak purak pem wat yidnak nap ennggenggerak-nen uruk ma-o.’

LUKAS 9:22

”Ap Ambara-ge andi bandi kwarat kasolat, ogore yidnak nap min tepan omborak nagawan min imiri mbarak pidnak wene enaru nap min-nen pelek pelek tak uburuk, wuruwa-t nde, mberen naruk, kenan tak purak tarem-e tuguruk uruk tak puwa-o” luk yij-o.

YOANES 19:38

Iri rak purug-e, o Arimatea nap Yusup-nen Yesus orogwak waneyekluk, Pilatus nggi yak tij-o. (At Yusup iri-ge Yesus ene wanoso woragaij-et nde, Yawuri nap enaye-nen mbik mbok wanij-o.) Nde, Pilatus-nen-e: ”Ob-o” yosoloma-ge, Yusup na mberarik, at orogwak na waruk mbirij-o.

YIDNAK YIDNAK WENE 1:3

At yane wutlug-e, ar-e ndemeret uruk worasu-o luk yenggerak puwaklug-e, it inmbiri bem at na at ondomok nuk eneyasolar-e, empat pulu tarem woralar-e, Mbal Pem Nagawan-nen tenagaidnak wi wene mirik onposolat woragaij-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

OROMA 6:4

Nde, nit yi ma ninpiga iri-ge at imin totno wat luk, at imin totno yapma nonpogolat-nen yi ma ninpiga-o. Nde, Nineid kek tak woraso amawi-nen-e wat yidnak nap ennggendumu-nen Kerisut uruk tak pid nggal, iri nggal-et nit-nen na ngget mende bem-et waring kujwakluk nunluk tak pij-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.