1 KORINTUS 15:34 - Nanduk Ngget Tul Pidnak Wene

³⁴ Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

1 KORINTUS 15:34 ပူးပေါင်းရင်းမြစ်များ

YEREMIA 9:3

Pempa enesiget yurak nak lud tak puruk worali-o. It woragwi o oboksa-nen lud tak nak kwarugwi-ge mondok abu lak yosolat, lugud tak kwarugwi mende nak amawi kundusu-o. Nagawan Indo-nen yosolar-e: ”It an nilirak-nen-e an nimin-e ’At iri-ge nit Nenmbal Pem Nagawan-nen yusu-o’ luk nibirigit lak, kundugu kandugu meya nak kwat tenak worali-o” luk yij-o.

YOEL 1:5

Indi nden kaso yi nak nok tenak woragwi nap wa-e. Men mer-o! Anggut engen amburu ndonggosa nunggwi nap wa-e. Yip ter-o! Yip tugup iri-ge anggut engen amburu ngget mbilik kenemndam-nen mengga wanidnak iri bem yip tugub-o.

YUNUS 1:6

Nde, koma iri na waruk nugwi nap-nen ene kulugwi nap iri na-ge ena iri na me mbidnggal-e, Yunus nde nene yosolat worasoma kagaij-o. Karuk-nen yak tosolar-e: ”Yu nggal kwarosola-t nde, kar-e nene nak yosolat wolmomtag-e ndag-er-a? Ndak men min-o! Men yugundik, kat kugugwiwak yongga niri-o luk tepan yi-o. Ta nde aru-o. Iri nggal kat-nen emengen mbarosola-ge, nenabuwa karuk, yongga nondosola, nir-e yi ma yubuk mul puk nde ma-o” luk yak tij-o.

MATIUS 22:29

Yogolikma-ge, Yesus-nen wene erep nggarosolar-e: ”Kir-e Mbal Pem Nagawan engga mbarak iri kenaru buk, Mbal Pem Nagawan amawi na kenaru buk yili me, kir-e mondok kabak yili-o.

YOANES 5:14

Misik tarem-e Yesus na-ge Mbal Pem Nagawan ama-nen ap iri na karuk, at yak tosolar-e: ”Yawo kar-e ki yigenma-o. Nanduk kebem mbid iri-ge te nggal-et nde, terak mena kebem mbuma naru, meya mbi kwarurak puk na-e” luk yak tij-o.

YOANES 8:11

kwe na-nen yosolar-e: ”Eyo, nab-o. Mondok lag-o” luk yosoloma-ge, Yesus-nen at yak tosolar-e: ”Iri ala, an-nen na kebem wene mbarimin pug-o. Mbiri-o. Alat nde, kar-e abok meya mbi kwarurak pug-o” luk yak tij-o.]

YIDNAK YIDNAK WENE 26:8

Nde, Mbal Pem Nagawan-nen wat yidnak nap unluk yaga wok ondoso iri-ge kir-e noluk-nen kinndi te rak pili-o?

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

OROMA 13:11

Yawo worali-ge kir-e kali me, wene yu-ge kwara kwarogolat wolmer-o. Nde, iri-ge kit nene yugwi na kunluk momtag-e abu panggo yij-o. Nde, nandug-et ninndi angin tubu yige tarem-e ninmiri yurak panggorag-e lag-et nde, yawo-nen perak nde, ninmiri yurak tarem-e panggo yij-o.

1 KORINTUS 4:14

An-e wene yu kenmanggim mbarusu yu-ge kinnggiri rak peyekluk-nen mbarusu-ge lag-o. Are, an nilirak nindi kundik nggomo kondosolat-nen mbal kundusu-o.

1 KORINTUS 6:5

Kinnggiri-o! Kit kennggendumu-ge indi tenggerak nap, at anggamirak enpem wene konurak nap misiger-o luk tet lag-a?

1 KORINTUS 8:7

Alat nde, wene yu-ge ap pidsa-nen-e enaru-ge lag-o. Ap ereb-e kugiwak pempa tena woragolar-e, yawo na nunggwi mende na nonggolar-e: ”Yu-ge ndemeret kugiwak amanggim pidnag-o” luk peragolar-e, it inndi-nen yebet kagwi-ge ndeyak me, kopkap tobok tak pili-o.

EPESUS 5:14

Iri bem-nen Mbal Pem Nagawan engga-nen yosolar-e: ”Nene yusu nap wa-e. Men min-o. Wat yidnak nap ennggendumu-nen men min-o. Iri ala-ge, Kerisut-nen yaya rak kubuwa-o” luk yij-o.

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.