1 KORINTUS 15:32 - Nanduk Ngget Tul Pidnak Wene

³² Ki nap inndi-nen peraidnak pem-net Epesus-nen ndakngge isilepma worak iri na imin yig pigi na bem-e no mende nde terak lesa wanimin-o? Nde, wat yidnak nab-e unluk tak onposo buk nde ala-ge, yu nggal yuwog-o: ”Tono-ge wat mul me, amare nog-o.”

1 KORINTUS 15:32 ပူးပေါင်းရင်းမြစ်များ

NDAWI ENGGA 73:13

Wewesa an-e nindi kik lumu ma naru yik karok worasu kagi-a! No manggim-nen meya nebem ma naru inggi mbal tenak worasu-o?

AID WENE YOSO NAP 11:9

Ap sujwe wa-e. Kunsujwe woragolat-net kenalin kenalen yogolat wolmer-o. Kit kinndi-nen ukwe yidnak min kinndi pidnak min-nen yidnak yidnag-et kwarogolat wolmer-o. Alat nde, kwara kenaru wolmomtag-o. Mbal Pem Nagawan aid arem worasu iri-nen-e kit-nen kwarugup oboksa-ge mbenaruwa-o.

LUKAS 12:19

Iri wirimindik, an nondomok nimin yosolar-e: Kar-e yi mende ndi mende konak nak pidsa winde yigendik me, yi olengen ndi olengen woralar-e, lag-e ma bug-o. Kombol kwarosolar-e, nunggwi mende min yi min nasolat, kalen pem-et wolmin-o! luk yimin-o’ luk peragaij-o.

LUKAS 9:25

Ap-nen-e nggweyak ma yu me pidsa winde ma-t nde, at ambik indi pul tak posola-ge, no nde lesa wanuwa-o?

YIDNAK YIDNAK WENE 18:19

Iri rak purug-e, it na-ge Epesus wok lug-e, it mberen na iri me keya unpuruk, at Paulus ariget nak Yawuri nap-nen tepan yugwi ma nggwarik, Yawuri nap inmin wene yosolat woragaij-o.

YIDNAK YIDNAK WENE 18:21

Are, it na keya unpuruk mbereyekluk-nen yosolar-e: ”Mbal Pem Nagawan indi-nen nde, ’Tuguruk mbiri-o’ yak norosola-ge, tuguruk kendam lobok yimin-o” luk, Epesus-nen e koma arem mbirij-o.

YIDNAK YIDNAK WENE 19:1

Apolos-e Korintus worala-ge, Paulus-e o siri anggul nggwe ereba waring kil kil-e Epesus wok yij-o. Iri me-ge Yesus ene wanugwi nap erep inmin lambuk lug-e,

OROMA 3:5

Nde, nit-nen meya yidnak pem-nen-e Mbal Pem Nagawan-nen lud tak nak kwaroso iri na nam tak posola-ge, nir-e no wene nde yul-o? Nit meya yidnak pem Mbal Pem Nagawan isilepma nenpem posola-ge, ”Kar-e mot mot kwat nunpusu bug-o” luk yak tul-a? (An-e ki nap inmin yidnak nggal yigi-o.)

OROMA 6:19

Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.

1 KORINTUS 16:8

Alat nde, Pentakosta tarem wok maklug-e, an-e Epesus yu me woramin-o.

NGGALATIA 3:15

Nowe nowosi wa-e. Ki nap-nen kwarugwi mende bem mbi ndak wereyeg-o: Mberen nap-nen-e inndi misiget luk, ”Iri nggal kwarurag-o” luk, urul pidnak engga bem unnu mbara mondok wat tak pidnak me, nin nap-nen uruk pidnak wene na lak tak pogolat, nin wene nambek tak pogolat yurag-e meya-o.

2 PETERUS 2:12

Alat nde, it iri na-ge indi lak wam nggal-et kwatli-o. It ap iri-ge tenaguruk, wururak pem nak ndesa mbidnak anggam naso ndakngge nggal-nen yili-o. Ir-e kwara inndi yebet kagit lag-et nggweyel inpili-o. Nde, anggam naso ndakngge wurugwi nggal, it ondomok-nen kwarugwi iri-net it lak tak unpuwa-o.

YURAS 1:10

Alat nde, ap iri-nen-e it enaru buk mende nde mbilaro ngin tak pili-o. Nde, indi lak mende ndak wiridnak-nen yebet kaso nggal, it-nen yebet kagwi mende iri-nen-e it lak tak unpusu-o.