1 KORINTUS 14:6 - Nanduk Ngget Tul Pidnak Wene

⁶ Nde, nanggamirak wa-e. An-e kit kendam lobok yimindik nde an-e Mbal Pem Nagawan-nen yidnak nam tak paga yak kondoso mende min enaru yugwi elem min aid wene yugwi min nggomo undugwi min yak kindigit lak, nin wene nan wene bem yak kindimin iri bem-nen konak tak kinpimin-e lag-o.

1 KORINTUS 14:6 ပူးပေါင်းရင်းမြစ်များ

YEREMIA 23:32

Ennesiget an nene lomboksa yugwi nap nggal kwatluk, ennesiget wene kobong tak nabi kaidnak ereba na ap yak indili nab-e Nagawan Indo an-nen inmin wim mbarimin-o. Ir-e ennesiget amburu lebarogolar-e, an nilirag-e kabak tak inpili-o. It iri-ge an-nen-e wirik inpigit lag-o. It iri-ge an nilirak kwat yurag-e mondok ebe lak mende-nen yusu-o. Nagawan Indo an-net yusu-o” luk yij-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

MATIUS 16:26

Nde, ap mbi-nen-e o nggweyak yu oboksa winde yuwa-t nde, at ondomok indi pul marig-e, no nde lesa wanuwa-o? Mondok lag-o. At uruk wolmomtak iri na-ge yi mende ndi mende min onggo onggo rak purag-e ndag-a?

YIDNAK YIDNAK WENE 2:42

Iri lug-e, ir-e pempa wirik inpidnak nap-nen mirik inpidnak wene puksa wanogolat, it inmin kundik woragolat, mburu ndeksa nonggolat, tepan yogolat irit kwarogolat woraiga-o.

OROMA 15:14

Nowe nowosi wa-e. Kir-e konak kwarurak nak peragolat, enaru yugwi mende pidsa kenaru yogolat, kit na kit-net nggomo wat kerak mburag-e ndak worali-o luk an-e mondok kenperasu-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 14:1

Iri bem-e, ap enabuwa kagwi iri-ge muk ker-o. Konak Indi-nen tembet ondoso mende irit wanurak pem kit na kit-net kenmawi kondogolar-et nde, nggok lombog-e Mbal Pem Nagawan-nen yidnak wene lomboksa yurak iri wanurak kenmawi konder-o.

1 KORINTUS 14:7

Uruk woraso buk tengge seruling poba min kecapi poba min-e ene kwara yigit lak ala-ge, ndawi yidnag-e nggesa-nen yenggerak puwa-o?

2 KORINTUS 11:6

An-e wene yoso bem-e nil kil tag-et nde, enaru yugwi mende bem-e mondok kwarat naru me, nir-e pempa yi mende ndi mende oboksa bem-nen an naru yidnak iri-ge nam-et mirik konpogolat woraige-o.

2 KORINTUS 12:1

Wene yu-ge ebe lak mende-t nde, an-e mondok nindi kek tak posolat woramin-o. Alat nde, yawo-ge Nagawan Indo-nen wok norosola nabi nggwe nggal kaidnak min nam tak posola kaidnak min iri-ge yak kindimin-o.

2 KORINTUS 12:7

Nde, nam tak pidnak mende kwiye worak mende kagi iri bem an nindi kek ma naru, isile misik an norosolat wolmakluk an narem nggegetsa pij-o. Isile iri-ge Sere-nen ibil lobok yidnak an nindi teberak wolmakluk an nindi nggambu woroso-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

EPESUS 3:4

Nde, iri bem kit-nen engga na wonarogolar-e, Kerisut ebem yidnak kura wene an-nen yebet kagi-ge kenaru ma-o.

PILIPI 3:15

Ninndi worak nap nit-nen-e an yigi iri nggal-et yebet kagolat wolmog-o. Nde, kit erep-nen iri nggal yebet kagit lak yogola-ge, Mbal Pem Nagawan-nen-e nam-et yak kunduwa-o.

2 TIMOTIUS 2:14

Wene yu-ge kweyap yeberak inpi-o. Mbal Pem Nagawan imbiri bem-et kene amawi min-et yak ondosolar-e: ”Yi wene ndi wene bem-e ngguno purak pug-o” luk yak indi-o. Iri kwarugwi iri-ge ebe lak wene kulili nap iri na inndi kabak tak unpurak wene-nen yusu-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

2 TIMOTIUS 3:16

Mbal Pem Nagawan engga bem mbarak worasu wene pidsa-ge Mbal Pem Nagawan-nen enmendam tak pidnak wene-nen yusu-o. Nde, engga iri bem-nen-e ndemeret wene mul nondosolat, meya yidnak nam tak posolat, ap enpage mot tak posolat, konak nak kwaruwakluk nggomo nondosolat momtag-e ndak-nen yusu-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

TITUS 3:8

An-nen yak kurusu yu-ge ndemeret wene-o. Mbal Pem Nagawan ebem inndi angin tubu yugwi nap-nen-e ndemeret konak nak kwarogolat wolmakluk, kat-nen wene yu-ge amawi rak purak iri-ge an-e nindingen-o. Iri kwarurak iri-ge ap pidsa enmanggim mondok konak lombok-nen yusu-o.

IBERANI 13:9

Nde, nin wene owak, kwiye worak nggal kwarat yak kondogola-ge, iri wene-nen-e kabak tak kunpuwa naru, kulurak pug-o. Mbal Pem Nagawan-nen we wok ondoso elem-nen-e nit ninndi eyak worak purak perak nde ob-o. Nde, nunggwi mende nunggwi wene-nen yidnak yidnak nak kwariga nab-e ebe mbi kwarigit lak me, iri wene-nen nit ninndi eyak worak purag-e meya-o.

2 PETERUS 1:5

Iri bem-e, kir-e kwara kenmawi kondogolar-e, kit kinndi angin tubu yidnak min lombok tak pogolar-e, konak nak kwarugwi mende lambuksa waner-o. Nde, konak nak kwarugwi mende min lombok tak pogolar-e, enaru yugwi mende na lambuksa waner-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

2 YOANES 1:9

Kerisut-nen mul indidnak wene iri na puksa tena woragit lak, are, Kerisut-nen mul indidnak keya buruk mburuwa nab-e Mbal Pem Nagawan imin kundik worasu bug-o. Alat nde, Kerisut-nen mul indidnak wene iri na puksa tena worasu nab-e Eid min Ambara min inmin kundik worasu-o.

1 SEMUEL 12:21

Kugwiwak mondok ebe lak, urugup na lak me, yongga kondosolat, kinmiri yosolat na kwaroso buk ereba langgal luk mondok mbururak pug-o.