1 KORINTUS 14:3 - Nanduk Ngget Tul Pidnak Wene

³ Alat nde, ap mbi-nen Mbal Pem Nagawan-nen yidnak wene lomboksa yosolar-e, ab-et yak undusu me, mendak onposolat, nggomo ondosolat, inndi yangonosolat yusu-o.

1 KORINTUS 14:3 ပူးပေါင်းရင်းမြစ်များ

LUKAS 3:18

Nde, Yoanes-nen aid wene na ap kwarat iri yak ondosolar-e, nggomo wene kwarat yak ondosolat woragaij-o.

YIDNAK YIDNAK WENE 13:15

Kore yigarik worakmu-ge, imiri mbarak pidnak wene min Mbal Pem Nagawan ene lomboksa yugwi nap-nen mbaridnak wene min wonarak pogola karuk, tepan yugwi ma nagawan mendak inpidnak nap-nen wirik inpidnak nap na endam wene wosa pil mborogolar-e: ”Nenggamirak wa-e. Kit-nen nde kweyap yu yak undurak nggomo wene mbi worala-ge, yak undurag-o” luk yak indiga-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 15:32

Nde, Mbal Pem Nagawan ene lomboksa yugwi nap Yuras min Silas min-nen-e ennggamirak tak inpidnak nap na nggomo ondogolat, indi wi ya bogolar-e, kwarat woraiga-o.

YIDNAK YIDNAK WENE 4:36

Iri nggal kwarogolar-e, ap misik unu-ge Yusup iri-ge, it wirik inpidnak nap-nen unu mbi yarogolar-e, Mbaranabas yariga-o. At unu yogolar-e, Inndi Yangonoso La-o yogolat. At elem-e Lewi nap, nde, at uwi-ge Siperus-nen lobok yidnak nap na-nen-e

YIDNAK YIDNAK WENE 9:31

Yurea-nen na irit, Nggalilea-nen na irit, Samaria-nen na irit, lambuk tak inpidnak nap inndi yamuksa woragolat, inndi ogore yogolat woraiga-o. Nagawan Indo aye worak woragolar-e, Konak Indi-nen it inndi yangonosolar-e, misik nambek, misik nambek tak puruk, ap kwarat yiga-o.

OROMA 12:8

Ap inndi eyak wururak wok tidnak nde ala-ge, ap inndi eyak worosolat wolmag-o. Nde, at arengge ap tembesa wok undurak wok tidnak nde ala-ge, indi mbek tak pem-et wok ondosolat wolmag-o. Nde, ap lit eneyaruk nurak wok tidnak nde ala-ge, eberari lag-et ap lit eneyaruk nosolat wolmag-o. Nde, ap enabuwa kudtak wok tidnak nde ala-ge, alen min-et ap enabuwa kasolat wolmag-o.

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

OROMA 15:2

Are, nenggamirak na kwara inndi angin tubu maklug-e, nit nondomok tak-nen it enalen tak purak mende-t kwaruwog-o.

1 KORINTUS 10:23

”Yi mende ndi mende pidsa nalma-nen yusu-o” yili-t nde, iri kwarurak mende ereb-e terak lesa wok nunduwa-ge lag-o. ”Yi mende ndi mende pidsa nalma-nen yusu-o” luk yili-t nde, yi mende ndi mende iri-nen yongga nunduwa bug-o.

1 KORINTUS 14:12

Kit-nen na Konak Indi-nen we wok ondoso mende iri wanuwokluk kenmawi kondogolar-e, ija lombog-e lambuk tak inpidnak nap mendak unpurak mende iri nak nggok tak purag-o.

1 KORINTUS 14:17

Nde, kat-nen Mbal Pem Nagawan erembel mondok konag-et wanugun-et nde, kat-nen erembel wanugun iri-nen nin nap iri na yongga wuruwa bug-o.

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

1 KORINTUS 14:31

Kit pidsa kenaru yogolat, kenmawi wanogolat yobok-nen Mbal Pem Nagawan-nen yidnak wene lomboksa yogolar-e, kit pidsa-ge ap misik-nen yosola, ap misik-nen yuruk yogolar-e ob-o.

1 KORINTUS 8:1

Nde, yawo-ge kugiwak amanggim pidnak nunggwi mende wene yimin-o. ”Nit pidsa ninndi worag-o” yugwi iri-ge nir-e nenaru-o. Iri nggal yogolar-e, ap enambik-nen kek yili-o. Alat nde, ap enabuwa kagwi elem iri-nen-e inndi tugup lak tak onposo-o.

2 KORINTUS 1:4

Inndi yangonoso mende Mbal Pem Nagawan-nen nondomok tak wok nindidnak iri na bem-nen nit-nen na it anggun panggun nin tak nan tak enpem mbidnak nap na inndi yangunuwakluk, nit anggun panggun kagwi mende oboksa Mbal Pem Nagawan-nen-e nit ninndi yangonoso-o.

2 KORINTUS 2:7

Yawo-nen perak nde, kit-nen-e at iri na kunlugom tak puruk, at indi abi-nen wat kurujwa naru, at indi yungunugup na-e.

EPESUS 4:29

Kit kenmende nggwe-nen meya wene wirik purak pug-o. Are, it-nen kuluruk, inndi yek tak purak wene nak yogola-ge, kit-nen yidnak wene kuluwa nap iri-ge inmbiringgat tak pugub-o.

EPESUS 6:22

An-e kit kendam ap yu ibil lobok yusu yu-ge nit-nen kwatli wene kenggerak yak kondosolat, kit kinndi yongonosolat makluk ibil lobok yusu irir-o.

KOLOSE 4:8

Nit-nen kwatli wene yak kondosola, kit kinndi uwi yak makluk-nen an-e kit kendam ibil lobok yusu-o.

1 TESALONIKA 2:11

Nde, nir-e kit kenariktak kwat konpogolar-e, ineidtak-nen it ondomok inlirak kwat unpugwi nggal-et kwat kinpige na-ge kenaru nar-o.

1 TESALONIKA 2:3

Nde, nit-nen nggomo kindili wene yu-ge kabak tak unpugwi wene na lak, ninndi mberen pem yak kindili na lak, kenmberam lokluk-nen yili na lag-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TESALONIKA 4:18

Iri bem-e, wene yu bem kit na kit-nen kinndi yanggwen kerak mbogolat wolmer-o.

2 TESALONIKA 3:12

Nit-nen iri kwatli nap enmanggim Nagawan Indo Yesus Kerisut unu bem-nen wene wosa pogolat, nggomo ondogolar-e, ir-e kondoksa woragolat-nen ondomok ininggi-nen yabu wanuruk, nunggwi mende nonggolat wolmag-o.

1 TIMOTIUS 1:4

”Tisiya wene min ineid onmbo nderak lolo pok tak pugwi buk wene iri-ge keya ber-o” luk yak indi-o. Iri wene yogolar-e, suwal suwal ndi wurugwi elem-nen yusu me, ninndi angin tubu yidnak pem Mbal Pem Nagawan-nen ninmiri yoso elem iri na kabak tak pusu-o.

1 TIMOTIUS 4:13

An lobok yigit lak worala, nememet worasolar-e, kar-e Mbal Pem Nagawan Engga-ge ap inmbiri bem wonat ondosolat, ap nggomo ondosolat, mul ondosolat wolmin-o.

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

TITUS 1:9

At iri na-ge at mul tidnak ndemeret wene na puksa tena worasolar-e, ndemeret wene na bem-et ap kwara nggomo ondosolat, at imin eyak wurugwi nap-nen lugud tak yugwi wene na nam tak posolat ma-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

TITUS 2:6

Iri nggal-et sugwe na kiri keresa nggomo ondosolar-e: ”Kit kondomok kinndi towarak wolmer-o” luk nggomo indi-o.

TITUS 2:9

Ndegel unpugwi nap-nen-e it-nen ndegel unpugwi nap enne kologolat, it-nen yidnak yidnak irit kwarogolat wolmag-o. It-nen ndegel unpugwi nap-nen yidnak wene eyak worogolat,

IBERANI 10:25

Ap erep-nen kwatli nggal, nit-nen-e lambuksa ndok wurugwi tarem ndok wururak pem perari perari rak purak pug-o. Are, Nagawan Indo lobok yurak tarem-e panggo yidnak me, nit na nit-net mondok kwara ninndi eyak wat kerak mbogolat wolmog-o.

IBERANI 13:22

Nanggamirak wa-e. An-e kit kinndi eyak worosolat mbarigi wene yu-ge kenalen min-et wanobokluk-nen yak kundusu-o. Nde, engga mbarigi yu-ge mor-e lak, we poro-t mbal kindigi-o.

IBERANI 3:13

Are, kit kennggendumu ap misiger-o luk tet meya yugwi elem-nen konmbol pem lasola, keneyanggo lak yugup naru kit na kit-nen pempa kinndi eyak wat kerak mbogolat woragolar-e, ”Yanem-er-o” luk unu yaridnak tarem worala ya-t iri nggal kwat tenak wolmer-o.

1 PETERUS 5:12

An engga poro-t kenmanggim mbarigi yu-ge an-nen eberasolat mot mor-et yoso nonowot Silas-nen yongga norosola, mbarigi-o. ”Wene yu-ge ndemeret Mbal Pem Nagawan-e we wok ondoso elem-nen yusu-o” luk kinndi embem tak posolat-nen engga yu mbarusu-o. Mbal Pem Nagawan we wok ondoso pem-et tugup lak mendak wolmer-o.

YURAS 1:20

Alat nde, nanggamirak kenabuwa worak wa-e. Kit perak nde, kit na kit-net kinndi angin tubu yigep mondok marak wene iri na bem-et mendak woragolar-e, Konak Indi amawi bem-et tepan yogolat wolmer-o.