1 KORINTUS 14:2 - Nanduk Ngget Tul Pidnak Wene

² Ap mbi-nen nin wene nan wene bem yusu iri-ge ap yak undusu-ge lag-o. At-nen yidnak wene iri-ge ap-nen yebet kali buk me, Mbal Pem Nagawan-et yak tusu-o. Konak Indi bem-nen kura wene-t yusu-o.

1 KORINTUS 14:2 ပူးပေါင်းရင်းမြစ်များ

NDAK WIRIDNAK WENE 11:7

Anggam-nen anggam ene kulurak meya makluk, nir-e mbulndik, enne nari wari rak puwog-o” luk yiga-o.

NDAK WIRIDNAK WENE 42:23

Yusup na-ge it enne-ge kolosolar-et nde, it-nen Yusup imin wene yogola, ap-nen nden yaga Yusup yak togola me, it-nen-e ar-e kulusu bug-o luk peraiga-o.

2 NAGAWAN NAGAWAN-NEN KWARIDNAK WENE 18:26

Yosoloma, Elyakim min Sepna min Yoa min-nen san ombo onowe iri na yak togolar-e: ”Nab-o. Wene-ge Aram wene bem yak nindi-o. Nir-e kulul-er-o. Ap kerep leget pem worali yeba kuluwa-o luk, Iberani wene bem yusu-ge meyog-o” luk yak tiga-o.

MATIUS 13:11

Yogolikma-ge, at-nen wene erep nggarosolar-e: ”Kit perak nde Mbal Pem Nagawan-nen tenagaidnak wi kura wene iri kenaru momtak we wok ondoso mende wok kindij-et nde, ir-e wok indigit lag-o.

MARAKUS 16:17

Nde, inndi angin tubu yuwa nab-e yenggerak purak mende yu nggal: An nunu bem kugi wirik pogolat: enaru bug-et nde, nin wene nan wene bem yogolat;

MARAKUS 4:11

Kin wok obogolikma-ge, at-nen it yak ondosolar-e: ”Mbal Pem Nagawan-nen tenagaidnak wi kura wene iri-ge kit yak kindigi na-t nde, it mbepme worali nab-e nden karuk wene bem-et yak undusu-o.

YIDNAK YIDNAK WENE 10:46

It iri-nen-e nin wene nan wene bem-et yogolar-e, Mbal Pem Nagawan erembel wanogola kuluruk-nen kwiye yiga-o. Yogolikma-ge, Peterus-nen yosolar-e:

YIDNAK YIDNAK WENE 19:6

Yi ma unpurug-e, Paulus na inggi it enpem posoloma-ge, Konak Indi-ge it enpem mbuwasolar-e, nin wene nan wene bem yogolat, aid wene yiga-o.

YIDNAK YIDNAK WENE 22:9

Nde, an totno mbiri-ge nab-e yaya iri-ge kaiga-t nde, wene yak niridnak nap na ene perak kuligit lag-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

1 KORINTUS 12:10

Konak Indi-nen wok ondosolar-e, ap misig-e kwiye worak mende kwarurak amawi wok tosolat, nin nab-e Mbal Pem Nagawan-nen yidnak wene lomboksa yurak amawi wok tosolat, nin nap mbi-ge Konak Indi-nen idnak we wok ondoso mende min Konak Indi-nen wok indigit lak mende min mbenatluk yenggerak purak amawi wok tosolat yusu-o. Ap misik wok tosolar-e, nin wene nan wene bem yurak amawi wok tosolat, ap mbi-ge nin wene nan wene bem yidnak iri na nden yaga ndomoksa-t yurak amawi wok tosolat yusu-o.

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

1 KORINTUS 13:1

An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.

1 KORINTUS 14:16

Kat-nen nde nin wene nan wene bem nak Mbal Pem Nagawan erembel wanosola-ge, kat-nen wa yugun iri-ge we nab-e kabak me, kat-nen yugun wene iri-ge nggesa kuluruk-nen ”Amen-o” yuwa-o?

1 KORINTUS 14:26

Nanggamirak wa-e. Ngge yosolat-nen yigi kali? Kir-e ndok wutluk, kenariktag-et kwarogolar-e, misig-e ndawi yogolat, nin-e mul ondogolat, misig-e Mbal Pem Nagawan-nen kura bidnak wene nam tak pogolat, nin-e nin wene nan wene bem yogolat mer-o. Alat nde, iri kwarogolar-e, ap inndi mendak purak pem kwarogolat wolmer-o.

1 KORINTUS 15:51

An-nen kura wene yu nam tak paga yak kindimin yu koler-o. Nit pidsa wat mul-e lag-o. Alat nde, nit pidsa nin nggal tak nunpuwa-o.

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

1 KORINTUS 2:7

Alat nde, Mbal Pem Nagawan indi tenggerak elem kura bidnak kura elem iri-ge Mbal Pem Nagawan-nen o yu ndak wirigit lak ma-nen nit kek tak nenpeyekluk, lud tak pidnak wene iri na yak kindili-o.

EPESUS 6:19

Nanongga an nemende tu kuwarak posola, kura bidnak aid wene na-ge an-nen kwiye lag-et nam tak peyek-nen an namanggim na tepan yogolat wolmer-o.

KOLOSE 2:2

Iri yusu iri-ge, it inndi yanggo luk, it na it-nen nabuwa kabuwa woragolar-e, it inndi-n kwara yebet kagola-ge, Mbal Pem Nagawan-nen idnak kura wene enaru makluk iri yusu-o. Nde, kura wene iri-ge Kerisut at-net yusu-o.

1 TIMOTIUS 3:16

Nit-nen Mbal Pem Nagawan erembel wanugwi kura bidnak wene iri-ge ndemeret nggok lombok-nen yusu-o: ”At ondomok-net ki nap enpage nggal luk, nam yij-o. At lud tak nak kwaroso iri-ge Konak Indi-nen nam tak pij-o. Aid nap inmbiri bem nam yij-o. At owene-ge Mbal Pem Nagawan enaru buk nap ennggendumu yiga-o. Nggweyak ma yu me-nen inndi-ge at ebem angin tubu yiga-o. Abinal pem lek karuk lagaij-o.”

1 TIMOTIUS 3:9

It iri-ge it-nen yebet kagwi inndi mbek tak pem-net Mbal Pem Nagawan-nen nam tak pidnak inndi angin tubu yugwi wene iri-ge kwara tena wolmomtak nap mag-o.

NAM PARA WENE 10:7

Alat nde, aid nap imbirik (yang ketuju) iri-nen oboba ene pu yuwa tarem-nen-e Mbal Pem Nagawan indi-n pidnak kura woraso na-ge at ndegel ubugwi nap, at ene lomboksa yugwi nap na urul yak indid na-ge iri tarem-et ndak tak puwa-o” luk yij-o.