1 KORINTUS 14:16 - Nanduk Ngget Tul Pidnak Wene

¹⁶ Kat-nen nde nin wene nan wene bem nak Mbal Pem Nagawan erembel wanosola-ge, kat-nen wa yugun iri-ge we nab-e kabak me, kat-nen yugun wene iri-ge nggesa kuluruk-nen ”Amen-o” yuwa-o?

1 KORINTUS 14:16 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 1:36

Yosoloma, Mbenaya-nen onggo yosolar-e: ”Nagawan kek tak wa-e. Irit kwarul-o” yosoluk-nen yosolar-e: ”Nagawan Indo kat Kembal Pem Nagawan-nen-e kat-nen yigen wene iri-ge mondok watsa amawi rak puwag-o.

NEMIA 8:6

Nde, Esera-nen yosolar-e: ”Nagawan Indo kek tak Mbal Pem Nagawan nak erembel wanurag-o!” luk yij-o. Iri yosoloma, it oboksa-nen ininggi keksa ligik pogolat-nen yogolar-e: ”Amin! Amin!” yurug-e, Mbal Pem Nagawan erembel wanogolat entare nggwe tud yiga-o.

NDAWI ENGGA 72:19

At unu kek tak pem-et woralik nalik ma iri nak erembel wanurag-o. Yi wi ndi wi oboksa-nen at abinal-nen kobong mag-o! Iri nggal-et kwat mag-o! Amin-o!

NDAWI ENGGA 89:52

Pem iri woragolat, Nagawan Indo nak erembel wanogolat wolmag-o. Iri nggal-et kwat mag-o! Amin!

MATIUS 15:36

mburu tuju ereya na min keyane min wanosoluk, Mbal Pem Nagawan wa yak turuk, mbara ligik purug-e, at owosirak iri na wok ondosola, it-nen-e ap kwarat iri na tembesa mak indiga-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

YOANES 21:25

Nde, Yesus-nen kwaril waring kagaid wene ereb-e mondok kwarat worasu-o. Nde, iri kwarid wene pidsa ndindera engga bem mbatlep nggal-nen-e nggweyak ma yu me pidsa yebet yosolat, ngge me purak nggal yelep perasu-o.

YOANES 7:15

Mul ondosoloma-ge, Yawuri nap na wi langgu mbarogolat-nen yogolar-e: ”Ap yu-ge sekola yoso buk yu-t nde, nggesa-nen kwarat aru yij-o?” luk yiga-o.

YIDNAK YIDNAK WENE 4:13

Yosoloma-ge, it-nen yik eneyagolar-e, Peterus min Yoanes min na enmbereg-e we nap, sekola yugwi buk nab-et nde, wene kwiye lag-et yogola karuk, ir-e wi langgu mbarogolar-e, it enmbereg-e Yesus imin nugwi nap irit yenggerak eneyaiga-o.

1 KORINTUS 11:24

Mbal Pem Nagawan wa yak turuk, ndeksa posolat-nen yosolar-e: ”Mburu yu-ge an nebe kit kenmanggim pidnak-nen yusu-o. Kir-e an yebet yebet tak worabok-nen an-nen kwarusu yu nggal kwarogolat wolmer-o” luk yij-o.

1 KORINTUS 14:14

Nde, an-nen nin wene nan wene bem tepan yosola-ge, an nindi-nen ndemeret tepan yusu-t nde, an-nen yebet kaso nindi-ge we worasu-o.

1 KORINTUS 14:2

Ap mbi-nen nin wene nan wene bem yusu iri-ge ap yak undusu-ge lag-o. At-nen yidnak wene iri-ge ap-nen yebet kali buk me, Mbal Pem Nagawan-et yak tusu-o. Konak Indi bem-nen kura wene-t yusu-o.

1 KORINTUS 16:24

Kerisut Yesus ebem an-e kit pidsa kenabuwa kaso nindi-ge kinmin wolmag-o.

2 KORINTUS 1:20

Mbal Pem Nagawan urul pidnak wene oboksa min-e Yesus-e: ”Ob-o” yidnak-nen yusu-o. Iri bem-e, nit-nen-e Mbal Pem Nagawan unu kek tak pogolar-e, Yesus Kerisut ebem-et ”Amen-o” luk yili-o.

NAM PARA WENE 22:20

Wene yeba oboksa kinggiridnak nap-nen yosolar-e: ”Ndemerer! An-e ndag-et nak lobok yimin-o!” luk yij-o. Ndemerer-o! Nagawan Indo Yesus wa-e. Lobok yi-o!

NAM PARA WENE 5:14

Iri yogola-ge, untugup worak mende empat ereya na-nen yogolar-e: ”Amin-o!” luk yogola-ge, enne kulugwi nap ereya na-ge tud luk, it entembel waniga-o.

NAM PARA WENE 7:12

yogolar-e: ”Amin-o! Nit Nenmbal Pem Nagawan iri-ge erembel wanogolat, at nak kek tak pogolat, indi nggat nggat worak-nen yusu-o. Nit Nenmbal Pem Nagawan iri-ge at nak wiwa-o yak togolat, at ambigit nak tebe yogolat yurak Mbal Pem Nagawan iri-ge o tena buruk wolmomtak amawi min amawi worak pem-et woralik nalik woraso Mbal Pem Nagawan-nen yusu-o. Amin-o!” luk yiga-o.