1 KORINTUS 14:1 - Nanduk Ngget Tul Pidnak Wene

¹ Iri bem-e, ap enabuwa kagwi iri-ge muk ker-o. Konak Indi-nen tembet ondoso mende irit wanurak pem kit na kit-net kenmawi kondogolar-et nde, nggok lombog-e Mbal Pem Nagawan-nen yidnak wene lomboksa yurak iri wanurak kenmawi konder-o.

1 KORINTUS 14:1 ပူးပေါင်းရင်းမြစ်များ

NGGOMO WENE 15:9

Wene tarugwi nap-nen kwarugwi iri-ge Nagawan Indo-nen-e isili kaso-o. Alat nde, Nagawan Indo indi-n pidnak kwatli nab-e enabuwa-t kaso-o.

OROMA 12:6

Mbal Pem Nagawan-nen we wok ondoso mende nenarik tak nin tak nan tak wok nindid iri-ge at-nen nit nunpud kaso bem-net wok nindid mende iri na-ge nir-e iri na bem-nen yabu wanogolat wolmomtag-o. We wok ondoso mende aid wene yurak wok tidnak nap-nen-e at indi angin tubu yidnak ndak ndag-et yosolat wolmag-o.

OROMA 14:19

Iri bem-e nit-nen pempa kwarurag-e, lambuk tak onposo mende min ninndi uwi yak kerak mburak mende min kwaruwog-o.

OROMA 9:30

Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

1 KORINTUS 12:1

Nanggamirak wa-e. Konak Indi-nen we tembet ondoso wene iri-ge kir-e ndemeret kenaru yurag-e an nindingen-o.

1 KORINTUS 12:31

Iri ala-ge, we tembet ondoso mende mondok ija lombok iri wanuwokluk kenmawi kwender-o. Nde, an-e mondok konak tu-ge mul kindimin-o.

1 KORINTUS 13:13

Nde, yawo-nen-e kenan yu worasu-o: Inndi angin tubu yugwi min inndi mbung mbung tak woragwi min ap enabuwa kagwi min worasu-t nde, ija lombog-e ap enabuwa kagwi irir-o.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.

1 KORINTUS 14:22

Iri ala-ge, nin wene nan wene bem yugwi iri-ge it inndi angin tubu yidnak nap enmanggim yenggerak purak mende-ge lag-o. Are, inndi angin tubu yigit lak nap enmanggim-o. Nde, Mbal Pem Nagawan ene lomboksa yugwi iri-ge it inndi angin tubu yigit lak nap enmanggim yenggerak purak mende-ge lag-o. Are, inndi angin tubu yidnak nap enmanggim-o.

1 KORINTUS 14:37

Ta-nen nde: ”An-e Mbal Pem Nagawan ene lomboksa yoso nap, Konak Indi-nen we tembet ondoso mende wanigi-o” luk perasu nab-e, an-nen mbal kundusu wene yu-ge ndemeret Nagawan Indo-nen yidnak wene-net yusu-o luk yebet kujwag-o.

1 KORINTUS 14:39

Iri bem-e, nanggamirak wa-e. Kir-e Mbal Pem Nagawan ene lomboksa yurak pem kenmawi konder-o. Nde, nin wene nan wene bem yogola-ge, ”Meyog-o” yurak pug-o.

1 KORINTUS 16:14

Yi kwatlik ndi kwatlik kwarogolar-e, ap enabuwa min-et kwarer-o.

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

1 TESALONIKA 5:20

Konak Indi-nen yi wene ndi wene yak kindidnak iri-ge te rak purak pug-o.

1 TIMOTIUS 4:14

Konak Indi-nen we wok kiridnak mende iri-ge kar-e liring liring tak purak pug-o. Nde, we wok kiridnak mende iri-ge lambuk tak inpidnak nap-nen idnak ogore yidnak nap ininggi kanggul pem piga tarem-nen ”At iri nggal kwaruwa-o” luk kurul pidnak tarem-nen wok kirid nar-o.

1 TIMOTIUS 5:10

konak nak kwaroso bem ap pidsa enaru ala, ilirak kwara ndegel onposo ala, ap sal enal paroso ala, anggamirak inndi angin tubu yidnak nap unuwok maroso ala, anggun panggun woragwi nap yongga ondoso ala, wene poro bem yogolar-e, pempa konak nak kwaroso ala, unnu mbarurag-o.

1 TIMOTIUS 6:11

Alat nde, Mbal Pem Nagawan ndegel oboso nap wa-e. Kat perak nde iri mende pidsa keya bi-o. Are, lud tak nak kwarugwi min Mbal Pem Nagawan indi aye kagwi min inndi angin tubu yugwi min ap enabuwa kagwi min mamak puruk woragwi min yanggonak nak woragwi min iri nak langgal luk mbiri-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

3 YOANES 1:11

Nanggam nindi kundik wa-e. Meya kwarugwi na kat-nen nde mul mul meya kwarurak pug-o. Are, konak nak kwarugwi irit nde mul mul kwarurag-o. Konak nak kwarugwi nab-e Mbal Pem Nagawan ilirak-nen yili-o. Nde, meya nak kwarugwi nab-e Mbal Pem Nagawan kagwi buk nap-net yili-o.

1 SEMUEL 10:5

Iri lug-e, kar-e Mbal Pem Nagawan ondobo Pilisin nap o sare wutluk worali sa Nggibea iri me-t wok yugun-o. Nde, o silmu nggugwi sa pak tumende bem Mbal Pem Nagawan ene lomboksa Yugwi nap kere misik Mbal Pem Nagawan amanggim wam wosa pugwi ndobo iri na bem-nen mbuwagolat, it-nen ndawi yogolat enne rak pugwi mende poba enne rak pil pil, enne nggoksa yogolat, ndawi bem kot kil mbuwakmu, inmin lid pid yugun-o.