1 KORINTUS 13:7 - Nanduk Ngget Tul Pidnak Wene

⁷ Ap enabuwa kagwi-ge yi kwat ibidnak ndi kwat ibidnak pem indisem nak woraso-o. Yi mende ndi mende oboksa bem indi angin tubu yosolat, yi mende ndi mende oboksa ebem indi mbung mbung tak worasolat, yi mende ndi mende oboksa bem indi luruk puruk worasolat yoso-o.

1 KORINTUS 13:7 ပူးပေါင်းရင်းမြစ်များ

NDAK WIRIDNAK WENE 29:20

Iri yamu Arakel na wanurak pem yabu kan wanosolar-e, olengen tuju irit woragij-o. Nde, at-nen Arakel wanurak indi wat tak pidnak pem-e at-nen yabu wanosolat olengen tuju-t nde, we marig-et tarem wanidnak nggal irit yik kagaij-o.

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MARAKUS 9:23

Yosoloma-ge, Yesus-nen at yak tosolar-e: ” ’Yongga nundurak nde ndak ala-ge’ yigen-a? Pidsa kwat unpurak iri-ge ndak-nen yusu-o. Alat nde, nggog-e inndi angin tubu yurak iri nag-o” luk yak tij-o.

OROMA 15:1

Nit kwara ninndi angin tubu yidnak worali nap-nen-e kwara yebet kagit lak nap-nen kwiye kali mende min nir-e kwara kwaluk kwaluk wolmomtag-o. Nit nondomok nenalen kudtak pem nak kwarurag-e meya-o.

OROMA 8:24

Nit ninndi mbung mbung tak woraidnak pem ninmiri yij-et nde, kaidnag-et nde, inndi mbung mbung tak woragwi iri-ge inndi mbung mbung tak woragwi-ge lag-o. Ta-nen kaidnak mende bem indi mbung mbung tak woraso-o?

1 KORINTUS 13:4

Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

1 KORINTUS 9:12

It erep-nen perak nde kit kinmin-e ”Wog-et nunduwa-o” perali-t nde, nit wok nundurak iri-ge ndak-nen yusu yu-ge kali bug-a? Alat nde, nit-nen-e ”Wok nender-o” yigir-e lag-o. Are, Kerisut-nen idnak aid wene-ge tu nggelak pul naru, angin kagolar-et nde, puk nak woraige-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

2 TESALONIKA 1:4

Kit iri nggal kwarogola me, Mbal Pem Nagawan-nen idnak lambuk tak inpidnak nap oboksa ennggendumu-nen nir-e kentembel wanili-o. Angin worak mende nin tak nan tak kenpem mbosola na, andi bandi mende kagolat na, kir-e kinndi angin tubu luk, mamak puruk worali me, nir-e kentembel wanili-o.

2 TIMOTIUS 2:24

Nagawan Indo ndegel poso nap-nen-e ngguno purag-e meya-o. Ap pidsa inmin-e yeget ndeget yosolat, ap mul ondoso aru nap yosolat, mamak poso nap yosolat,

2 TIMOTIUS 3:11

lel mberel nibidnak min andi bandi kagi min neyaigen nar-o. Antiokia-nen na, Ikonium-nen na, Listera-nen na lel mberel nobogola, andi bandi kagi iri na kar-e karu nar-o. Ereba nggal kwat nibiga-t de, Nagawan Indo-nen nimiri yij-o.

2 TIMOTIUS 4:5

Alat nde, kat perak nde yi mende ndi mende kwarosolar-e, kindi min-et kwara woralat, lel mberel kobogola, mamak puruk woralat, aid wene yoso nap-nen yabu wanoso nggal yabu wanosolat, Mbal Pem Nagawan-nen kebem pidnak yabu iri-ge kwara wanosolat wolmin-o.

IBERANI 13:13

Iri bem-e nit-nen na at eram o iri leget amberam nggwe mburuwog-o. Mbutlug-e, at imin nggweyel ninpidnak nap kwat mog-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.