1 KORINTUS 13:5 - Nanduk Ngget Tul Pidnak Wene

⁵ Ap enabuwa kagwi-ge kwarugwi buk mende na kwaroso buk, ondomok amanggim arengge na kore yoso buk, ndaget isilepma yoso bug-o. Ap enabuwa kagwi-nen-e at lel ibidnak na nggotloso bug-o.

1 KORINTUS 13:5 ပူးပေါင်းရင်းမြစ်များ

WONARIDNAK WENE 12:3

Nggweyak ma yu me woragwi nab-e indi-ge kek tag-et nde, Musa arig-et nak indi-ge teberak irit woragij-o.

MATIUS 5:22

Alat nde, an-nen yak kondosolar-e: Ta-nen nde at anggam imin isilepma yuwa nap iri na ebem-e wene mbarurag-o. Nde, ta-nen nde mondok meya wene at anggam yak tuwa nap iri na ebem-e wene mbarugwi nap yok nggok na-nen ebem wene mbarurag-o. Nde, ta-nen nde at anggam yak tosolar-e: ’Wid num kum tak yu-ge wa-e’ luk yak tuwa nap iri na-ge kan mare wulok tenak woraso sa iri na me pil ngguwa-o.

MATIUS 9:4

Nde, Yesus-e it inndi-n peraidnak iri na aru luk-nen it yak ondosolar-e: ”Kir-e noluk-nen meya iri nggal iri yebet kali-o?

MARAKUS 3:5

Enne lak alama-ge, Yesus na isilepma min lembena keya unpuruk, it na inndi amawi alama karuk, at indi puru agaij-o. Yurug-e, ap iri na yak tosolar-e: ”Kinggi mbung tak pi-o” luk yak tosoloma-ge at inggi mbung tak pidnggal-e, at inggi na ki agaij-o.

LUKAS 7:39

Yesus imin ”Totno nog-o” yak tid Parisi nap na-ge kwe iri-nen kwaridnak karuk, at arem-nen perasolar-e: ”Ap yu nde ndemeret Mbal Pem Nagawan ene lomboksa yoso nap nggal-e, at tenabusu kwe na aru yosolat, uwingga mbaroso kwe-nen yusu-o luk yenggerak peleb-o!” luk peragaij-o.

1 KORINTUS 10:24

Ap misik-nen at ondomok amanggim nak ndugururak pug-o. Are, ap erep enmanggim-et ndugururag-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 11:18

Nanduk tak posolar-e, kir-e lambuk tak kinpidnak nap nggal ndok witli-t nde, kuri worak nggal-et worali-o yogola konpok kuligirik me, iri yidnak wene ereb-e ndemerer-o luk an-e perasu-o.

1 KORINTUS 12:25

Iri bem-e enpe iri ebem-nen kuri wat ma naru, ininggi unuwok arik tak iri-nen yongga yongga wolmakluk, irit pij-o.

1 KORINTUS 7:36

Nde, ap mbi-nen at ara ndugum iri na kwe indi worak yosola karuk, at indi-nen ap wok turak perasola-ge, irit mag-o. Ap wanurak iri-ge meya-ge lag-o.

2 KORINTUS 5:19

Nit-nen yili wene-ge yu-o: It-nen meya yidnak na wonarigit lag-et, Mbal Pem Nagawan-nen-e Kerisut ebem ap oboksa at ondomok imin lambuk tak inpij-o. Nde, at-nen-e at imin lambuk tak unpurak wene iri-ge nit nenpem pamu-o.

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

PILIPI 4:8

Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

2 TESALONIKA 3:7

Nit-nen kwarugwi nggal kit-nen kwarogolat wolmomtak iri-ge kir-e kenaru-o. Nir-e kit kinmin woragolar-e, perari min-e woragit lag-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

2 TIMOTIUS 4:16

Nandug-et nagap ndageyekluk wene yigi tarem-e ap misiger-o luk tet an nimin yigit lag-o. Are, it pidsa keya nuburuk, ndi yiga-o. Iri kwariga iri-ge it enpem mbugu-o.

YAKOBUS 1:19

Nanggamirak kenabuwa worak wa-e. Wene yu kwara kinndi yebet ker-o. Ap pidsa mondok ndag-et nak kulurug-et nde, kenne orog-et yogolat, orog-et kinsilepma yogolat wolmomtag-o.