1 KORINTUS 13:4 - Nanduk Ngget Tul Pidnak Wene

⁴ Ap enabuwa kagwi-ge indi mamak puruk woraso min ap inmin konak nak yoso min-nen yusu-o. Ap enabuwa kagwi-ge erengen ale yoso buk, indi kek tak puruk, ambik erembel wanoso buk-nen yusu-o.

1 KORINTUS 13:4 ပူးပေါင်းရင်းမြစ်များ

NDAK WIRIDNAK WENE 30:1

Alat nde Arakel na-ge la ndakit lak irit woralar-e, ambap iri na bem erengen ale posolat-nen Yakup yak tosolar-e: ”La misik ndak niri-o. Lak nde ala-ge, an-e mondok wat yeg-o” luk yak tij-o.

NDAK WIRIDNAK WENE 37:11

Yusup owerag-e enlengen ale at ebem piga-t nde, Yakup-nen perak ”Nabi iri na-ge ngge kwasa kagaij-o?” luk indi yebet kasolat woragij-o.

NEMIA 9:17

It-nen-e kat-nen yidnak yidnak kwarigit lak yiga-o, Iri-nen kat-nen konak kwat onposo ereba na meme rak piga-o. Nde, kat-nen kwiye worak mende it enlengen pem kwarigen ereba na-ge ir-e meme rak piga-o. Iri yogolar-e, tuguruk ndegel unpugwi nap tak unpuwakluk Mesira lit unpuruk mbururak it-nen ene kulurak nap misik inndi kek tak pem liniga-o. Alat nde, kar-e ap-nen lugud tak kwaridnak kamberam tak poso Mbal Pem Nagawan-nen yusu-o. Kar-e mamak puruk woraso, kindi konak enabuwa kwarat kaso-o. Kar-e ap unpud kwiye worak kaso iri na bem-nen it iri na-ge keya inpigit lak yigen-o.

NGGOMO WENE 13:10

Inndi-nen kek yugwi iri-nen ndowaga-ge yuk puk mbugwi-nen yusu-o. Inndi worak nap-nen-e nggomo wene-ge kwara kulugwi-o.

NGGOMO WENE 31:20

Ar-e ininggem lak nap na wok ondosolat, inndi kabak yidnak nap na indi konag-et yongga ondoso-o.

NGGOMO WENE 31:26

Wene yosolat na indi-net yebet karuk, umbuwa wene nak yoso-o.

MATIUS 27:18

Pilatus-nen iri yid iri-ge it enlengen ale Yesus ebem pogolat-nen at inggem tak piga iri-ge ar-e aru-o.

YIDNAK YIDNAK WENE 7:9

Nde, nit nenlawingga ereba-nen-e Yusup ebem enlengen ale pogolar-e, at onggo yatlug-e, Mesira wi wirik piga-t nde, Mbal Pem Nagawan-e at imin woralar-e,

OROMA 1:29

Keya onposola-ge, it enarem-e yi meya ndi meya yu-nen yebet tak worasolar-e, meya kwarugwi mende min ukwe ukwe yugwi mende min emben to rak mende min enlengen ale nak yurak min ap undugwi min yig pugwi min ap enmberam lagwi min mabin puruk woragwi min ap onpok pugwi min

OROMA 13:13

Nit-nen-e o lengge-nen kwarugwi konak irit kwarogolat wolmog-o. Meya kwarurak pem nggok sakwi min anggut engen amburu ndonggosa nunggwi min kwami terak ye unpugwi min meya kwarurak nak inndi yugwi min yig pugwi min enlengen ale yugwi iri oboksa-ge kwarurak pug-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

1 KORINTUS 4:18

Nde, an neresa ar-e nendam lobok yuwa bug-o peragoluk, ap ereb-e kenambik kek yili-o.

1 KORINTUS 4:6

Nanggamirak wa-e. Kit kenpem-nen ndowaga wene yu-ge an min Apolos min-nen idnak nggal tak pigi-o. Nit nenpage karuk, engga mbarak pem-nen yidnak yidnak irit kenaru yobokluk yak kindigi-o. Kir-e kinndi kek luk misik nap unu kek tak pogolat, nin nap teberak pogolat momtag-e meya-o.

1 KORINTUS 5:2

Iri nggal worasola-t nde, kir-e kinndi kek tak pili-o. Kit kinndi puru luk, iri nggal kwaridnak nab-e kit kennggendumu-nen lena mbepme rak peleb-o.

1 KORINTUS 8:1

Nde, yawo-ge kugiwak amanggim pidnak nunggwi mende wene yimin-o. ”Nit pidsa ninndi worag-o” yugwi iri-ge nir-e nenaru-o. Iri nggal yogolar-e, ap enambik-nen kek yili-o. Alat nde, ap enabuwa kagwi elem iri-nen-e inndi tugup lak tak onposo-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

2 KORINTUS 6:6

Nit-nen kwarugwi-ge yu nggal-o: Ninndi mbek tak pem na, nenaru yidnak pem na, ninndi mamak puruk woragwi bem na, ninndi lubug-et kwarugwi bem na, Konak Indi nit nenarem worasu bem na, ndemeret ap enabuwa kagwi bem na,

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

EPESUS 4:2

Kir-e pempa kinndi teberak woragolat, kinndi yanggonag-et woragolat, kinndi luruk puruk woragolat mer-o. Nabuwa kabuwa woragwi na nam tak pogolar-e, yongga yongga wolmer-o.

EPESUS 4:32

Are, kit na kit-net nanggau kanggau yogolat, kinndi yanggorak wolmer-o. Mbal Pem Nagawan-nen Kerisut ebem kit meya yidnak amberam tak puruk urugom tak kinpid nggal, iri nggal-et kit na kit-net meya rak kinpidnak ala-ge, ”Ob-o. Ereba mag-o” luk yanggosa keya burag-o.

PILIPI 1:15

It erep-nen Kerisut owene yili iri-ge enlengen ale min an-nen yidnak wene eyak wuruwokluk-nen yili-t nde, it erep-nen-e inndi mbek tak pem-et Kerisut owene yili-o.

KOLOSE 1:11

Enpem mboso mende oboksa kenpem mbosola-ge, kinndi luruk puruk woragolat, kenalen min-et woraboklug-e, at amawi kwarat iri-nen kenmawi rak posola-ge, kit kenmawi yugub-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

KOLOSE 3:12

Kir-e Mbal Pem Nagawan ilirak-net yiii-o. Ar-e kit kenabuwa karuk, at arengge rak kenpeyekluk lenak kinpij-o. Iri bem-e, kit-nen na ap enabuwa kagolat, kinndi konag-et woragolat, kinndi teberak woragolat, yanggonak nak woragolat, kinndi mamak puruk woragolat wolmer-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

1 TIMOTIUS 6:4

ar-e aru buk, mondok kabak-net nde, ondomok kek yusu-o. At-nen indingen yidnag-e wene lugud tugwi min yi wene ndi wene bem ngguno nak purak indi nak yosolar-e, enlengen ale worak tak posolat, kuri worak tak onposolat, nobokpe kobokpe yogolat, inndi-nen kwaramu-t peragwi min

2 TIMOTIUS 2:25

wene eyak wurugwi nab-e indi yangonak pem-net tu mirik onposolat mag-o. Iri kwarosola-ge, Mbal Pem Nagawan-nen it inndi kondok yurak tarem wok ondosola, kondok yogolat, ndemeret wene na enaru yogolat nde ma-o.

2 TIMOTIUS 3:10

Alat nde, kar-e an-nen mul ondoso min an-nen woraso nebage min an-nen yebet karuk kwaroso min an nindi angin tubu yidnak min an-nen mamak puruk woraso min an-nen ap enabuwa kaso min an-nen tugup lak woraso min

2 TIMOTIUS 4:2

Aid wene yosolat wolmin-o. Aid wene yosolar-e, kologola na, kuligit lak ala na, it enpem-o luk kar-e lembesa yosolat nak wolmin-o. Ap kwara enaru rak posolat, it meya yidnak nam tak posolat, nggomo ondosolat, kindi mondok luruk puruk mul ondosolat wolmin-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

YAKOBUS 4:5

Mbal Pem Nagawan engga bem-nen wene misik yosolar-e: ”Mbal Pem Nagawan-nen nit nenarem pid indi iri-ge mondok ukwe ukwe nak yoso indi irit pamu-o” luk yid iri-ge we ereya-t yij-e lag-o.

1 PETERUS 2:1

Iri bem-e, onmbol pem lagwi min inndi-net enmberel pugwi min enlengen ale yugwi min onpok pugwi min yi meya ndi meya kwarugwi iri-ge pidsa mbo ber-o.

1 PETERUS 3:8

Yu yosolat-nen yigi-o: Kit pidsa-ge kinndi misiget, yebet kagwi na misiget wolmer-o. Kit na kit-net nabuwa kabuwa yogolat, kunmud pegerak mbogolat, kennggam min kinndi teberak pem-et woragup na-e.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

2 PETERUS 1:7

Nde, Mbal Pem Nagawan-nen kwaroso nggal kwarugwi na lombok tak pogolar-e, konowe konowosi enabuwa kagwi na lambuksa waner-o. Nde, konowe konowosi enabuwa kagwi na min lombok tak pogolar-e, ap pidsa enabuwa kagwi elem lambuksa waner-o.

1 YOANES 4:11

Nanggamirak kenabuwa worak wa-e. Mbal Pem Nagawan-nen nit nenabuwa iri nggal kaidnak pem, nit na nit-net nabuwa kabuwa wolmomtag-o.