1 KORINTUS 13:12 - Nanduk Ngget Tul Pidnak Wene

¹² Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

1 KORINTUS 13:12 ပူးပေါင်းရင်းမြစ်များ

NDAK WIRIDNAK WENE 32:30

Nde, Yakup-nen yosolar-e: ”An-e Mbal Pem Nagawan kagi-t nde, nurug-et worasu-o” yosoluk, o yig nggwisa sa iri na unu-ge Piniel irit yarij-o.

AYUP 19:26

An naboro-ge ud-nen abu lak tak puwa-t nde, an nde nuruk-nen-e nerengen-e Mbal Pem Nagawan kamin-er-o.

MBIRIGA WENE 33:11

Nde, Nagawan Indo min Musa min-nen wene mbarogolar-e, ap-nen ennggam yik karok-nen wene ndurugwi nggal irit mbarugwi-o. Wene mbatlug-e, Musa na-ge tuguruk o lije worak sa mboroso-o. Alat nde, Musa yongga woroso nap ap sujwe Nun ambara Yosua na ge Nagawan Indo uwi lije ma iri na me-t indiyabu woraso-o.

WONARIDNAK WENE 12:8

Nde, an-nen imin wene mbarosolar-e, nentare mboma buruk, wene mbarogolat, nden karuk wene bem mbatli-ge lag-o. Are, nam-et nak wene mbarogolat, nebage min-et neyasu yu-t nde, kir-e noluk-nen kwiye lag-et an ndegel noboso nap Musa yu-ge obok pigeb-o?” luk yak indij-o. 12:9-16 Ayat ya arem-e Miriam na-nen Musa obok pidnak pem angin worak ebem pidnak wene mbarak worasu.

MATIUS 18:10

Nde, li marik yu misik na mondok kinsili kudtak pug-o. An-nen yak kendeyeg-o: Aid arem-nen it-nen idnak aid nap iri-ge pempa pempa an Neid aid arem woraso na erare yik karok worali-o. [

MATIUS 5:8

Nde, inndi marak kopkap lak worali nab-e it-nen Mbal Pem Nagawan kujwa me, enalen kali-o.

OROMA 8:18

Nde, an nindi-n perasolar-e, nit yawo andi bandi kali iri-ge marig-o. Nde, abok-nen mirik nunpuwa abinal iri min ndak ndag-e lag-o. Terak minik-net yusu-o.

1 KORINTUS 13:11

Nde, an li marik worasolar-e, nene yoso min nindi-n peraso min yebet kaso min-e li marik-nen kwarugwi irit kwarosolat woragi-o. Nde, yawo an nindi worak yosolar-e, li marik-nen kwarugwi iri-ge keya bigi-o.

1 KORINTUS 8:3

Alat nde, ta-nen Mbal Pem Nagawan abuwa kasu nab-e, Mbal Pem Nagawan-nen at na aru yusu-o.

2 KORINTUS 3:18

Iri ala-ge, nit oboksa sum nentare bem na wabidnak me, papalo pem kaidnak nggal Nagawan Indo abinal iri-ge nit nentare bem worasu-o. Iri ala-ge, Nagawan Indo Indi na-nen nin tak nonposolar-e, at abage nggal tak nonposola-ge, abinal iri na nggok nggok mburusu-o.

2 KORINTUS 5:7

Nde, nit yawo mbitli yu-ge, nenlengen-nen kagwi mende bem mbitli-ge lag-o. Ninndi angin tubu yidnak pem-net mbitli-o.

PILIPI 3:12

”An-e iri mende ludsa-t wanigi-o” luk, ”An-e iminep mbarak nap-nen yusu-o” luk yusu-ge lag-o. Are, Kerisut Yesus-nen an tena nibid nggal, iri nggal-et an-nen na tena beyekluk, muk kerenak worasu-o.

YAKOBUS 1:23

Ap misik-nen nde aid wene kulurug-et nde, kulidnak iri ndak ndak kwarusu buk ala-ge, at ambik erare papalo arem-nen kaidnak nggal-nen yusu-o.

1 YOANES 3:2

Nanggamirak kenabuwa worak wa-e. Yawo-ge nir-e Mbal Pem Nagawan ilirak-nen yili-t nde, abok-nen kwat nunpurag-e nam tak pigit lak me, ngge nggal kwat mul-o? Alat nde, wene yu nak nenaru yili-o: Kerisut lobok yuwa tarem-e ar-e ndemeret ebe nenlengen kul me, at woraso nggal-et kwat mul-o.

NAM PARA WENE 22:4

Woragolar-e, at erare kagolat, it inmbiriwak pem-e Mbal Pem Nagawan unu mbarak wolma-o.