1 KORINTUS 13:1 - Nanduk Ngget Tul Pidnak Wene

¹ An-nen-e ki nap enne bem ala na irit, aid nap enne bem ala na irit, te irit yimin-et nde, ap enabuwa kagwi elem nde an narem lak-nen-e an-e posid owak lel kagola, ene nggwe yidnak nggal-nen yusu-o.

1 KORINTUS 13:1 ပူးပေါင်းရင်းမြစ်များ

NDAWI ENGGA 150:5

Simbol poba marik lambuk tak pogolat, ene lo rak pogolat-net at nak erembel waner-o. Simbol poba nggok lambuk tak pogolat, ene nggok mende lo rak pogolat-net at nak erembel waner-o.

MATIUS 25:45

Yak togolikma-ge, at-nen wene erep nggarosolar-e: ’An-nen yak kendeyeg-o: It ennggendumu marik komosa meya yu na kwat ibigit lak yigep iri-ge, an-et kwat nibigit lak yigeb-o’ luk yak unduwa-o.

MARAKUS 16:17

Nde, inndi angin tubu yuwa nab-e yenggerak purak mende yu nggal: An nunu bem kugi wirik pogolat: enaru bug-et nde, nin wene nan wene bem yogolat;

OROMA 14:15

Nde, kat-nen nunggwi mende bem Kerisut ebem kanggam mbi indi abi meya rak posola-ge, at abuwa kasolat-nen yusu-ge lag-o. Kerisut-e ap iri amanggim wat yidnak me, kat-nen nunggwi mende bem at are purak pug-o.

1 KORINTUS 12:10

Konak Indi-nen wok ondosolar-e, ap misig-e kwiye worak mende kwarurak amawi wok tosolat, nin nab-e Mbal Pem Nagawan-nen yidnak wene lomboksa yurak amawi wok tosolat, nin nap mbi-ge Konak Indi-nen idnak we wok ondoso mende min Konak Indi-nen wok indigit lak mende min mbenatluk yenggerak purak amawi wok tosolat yusu-o. Ap misik wok tosolar-e, nin wene nan wene bem yurak amawi wok tosolat, ap mbi-ge nin wene nan wene bem yidnak iri na nden yaga ndomoksa-t yurak amawi wok tosolat yusu-o.

1 KORINTUS 12:16

Nde, eyanggo-nen yosolar-e: ”An-e erengen-e lak me, an-e ebe imin kundig-e lag-o” yosola-ge, eyanggo na-ge ndemeret ebe imin kundig-e lak-nen yusu-a?

1 KORINTUS 12:8

Konak Indi-nen-e ap misik wok tosolar-e, indi nggat nggat pem wene yoso iri wok tosolat, nde, Konak Indi misiget iri na-net nin nap wok tosolar-e, indi tenggerak pem wene yoso wok tosolat yusu-o.

1 KORINTUS 13:8

Ap enabuwa kagwi-ge pem irit wolma-o. Aid wene yili iri-ge abog-e lak tak puwa-o. Ap enne bem yugwi na abog-e yugwi buk ma-o. Enaru yugwi elem abog-e lag-et ma-o.

1 KORINTUS 14:2

Ap mbi-nen nin wene nan wene bem yusu iri-ge ap yak undusu-ge lag-o. At-nen yidnak wene iri-ge ap-nen yebet kali buk me, Mbal Pem Nagawan-et yak tusu-o. Konak Indi bem-nen kura wene-t yusu-o.

1 KORINTUS 14:4

Ta-nen nde nin wene nan wene bem yosolar-e, at ambik mendak ubusu-o. Alat nde, ta-nen nde Mbal Pem Nagawan-nen yidnak wene lomboksa yosolar-e, lambuk tak inpidnak nap oboksa mendak unpusu-o.

1 KORINTUS 14:5

Kit pidsa-nen nin wene nan wene bem yurak iri-ge an-e nindingen-et nde, kit pidsa-nen Mbal Pem Nagawan-nen yidnak wene lomboksa yurak iri perak terak minik konak lombog-o. Nin wene nan wene bem yusu-t nde, lambuk tak inpidnak nap men makluk wene na nden yaga yigit lak ala-ge, iri yusu-ge te nggal-et nde, Mbal Pem Nagawan-nen yidnak wene lomboksa yoso nab-e ija lombog-o.

1 KORINTUS 8:1

Nde, yawo-ge kugiwak amanggim pidnak nunggwi mende wene yimin-o. ”Nit pidsa ninndi worag-o” yugwi iri-ge nir-e nenaru-o. Iri nggal yogolar-e, ap enambik-nen kek yili-o. Alat nde, ap enabuwa kagwi elem iri-nen-e inndi tugup lak tak onposo-o.

2 KORINTUS 12:4

At iri na-ge o Pirandaus ibil lasola, iri me-nen kulidnggal-e, ki nap enmende nggwe-nen yugwi buk wene, wene yurak puk irit kulij-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

1 PETERUS 4:8

Nanduk tak purak wene owak ndum-e yur-o. Ndemeret kinndi-net nabuwa kabuwa yer-o. Nabuwa kabuwa yugwi iri-nen-e meya yidnak kwarat limirik pusu-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

NAM PARA WENE 14:2

Nde, an kuliginggal-e, aid arem-nen ene misig-e yi ugul nggok wud kasolat ene min o nggu nggok ene lu nggal irit kuligi-o. Nde, ene iri-ge kecapi poba yugwi nap-nen onpoba ene yogola, ene yoso nggal-et kuligi-o.