1 KORINTUS 12:10 - Nanduk Ngget Tul Pidnak Wene

¹⁰ Konak Indi-nen wok ondosolar-e, ap misig-e kwiye worak mende kwarurak amawi wok tosolat, nin nab-e Mbal Pem Nagawan-nen yidnak wene lomboksa yurak amawi wok tosolat, nin nap mbi-ge Konak Indi-nen idnak we wok ondoso mende min Konak Indi-nen wok indigit lak mende min mbenatluk yenggerak purak amawi wok tosolat yusu-o. Ap misik wok tosolar-e, nin wene nan wene bem yurak amawi wok tosolat, ap mbi-ge nin wene nan wene bem yidnak iri na nden yaga ndomoksa-t yurak amawi wok tosolat yusu-o.

1 KORINTUS 12:10 ပူးပေါင်းရင်းမြစ်များ

YOEL 2:28

”Iri kwatluk ombol nggwe-ge ap oboksa enpem nindi-ge nggilara mberak pil mbuwamin-o. Iri yosola, kin kinliap min kinligwami min-e an-nen enpem pidnak wene ap yak ondogolat, kit kennggendumu ap indi worak-nen-e nabi kagolat, sujwe-nen-e nabi nggal pem yik kagolat ma-o.

MARAKUS 16:17

Nde, inndi angin tubu yuwa nab-e yenggerak purak mende yu nggal: An nunu bem kugi wirik pogolat: enaru bug-et nde, nin wene nan wene bem yogolat;

MARAKUS 16:20

Yosoloma-ge, at owosirak na mborogolar-e, yi wi ndi wi aid wene yil waring kagola-ge, Nagawan Indo-nen it yongga ondosolar-e, it-nen yidnak wene iri-ge ndemerer-o luk yebet kujwakluk, kagwi buk mende iri it enpem-nen kwarij-o.)

LUKAS 24:49

Nde, an Neid-nen urul pidnak na-ge an-nen kendam pil lobok yimin-o. Alat nde, Mbal Pem Nagawan-nen idnak amawi-ge kin kenpem mbumakluk, o siri yu me-t towarak wolmer-o” luk yak indij-o.

YOANES 14:12

An-e ndemeret yak kundusu-o. An nebem indi angin tubu yuwa nap-nen-e an-nen kwaroso mende pidsa at-nen na kwaruwa-o. Nde, an-e Neid eram mbirimin me, an-nen kwaroso-ge marik nggal-o. At-nen-e nggulok mende-t kwaruwa-o.

YOANES 16:13

Alat nde, Konak Indi na lobok yuwarig-e, lud tag-et Mbal Pem Nagawan mirik konposolar-e, lud tak nak kwarugwi mende pidsa mirik kunpuwa-o. Nde, at indi-n pidnak wene-ge yak kunduwa bug-o. Are, at-nen kulidnak wene nak yak kondosolat, abok-nen kwat momtak wene nde yak kondosolat ma-o.

YIDNAK YIDNAK WENE 1:8

Nde, Konak Indi kit kenpem mbuwasolar-e, amawi rak kunpuwa-o. Konposola-ge, Yerusalem-nen na, Yurea wi oboksa-nen na, Samaria-nen na, ap lak kuri-nen na irit an nowene kunggurugwi nap tugub-o” luk yak indij-o.

YIDNAK YIDNAK WENE 11:27

Ereya tarem-e Mbal Pem Nagawan ene lomboksa yugwi nap ereb-e Yerusalem-nen Antiokia mbiga-o.

YIDNAK YIDNAK WENE 11:28

It ereya na ennggendumu ap misik unu-ge Agapus na-nen men luk Konak Indi-ge ebem worala-nen yosolar-e: ”Nogoro nggulok enpem mbosolar-e, yi wi ndi wi oboksa wok yuwa-o” luk yij-o. Iri na ndak yosolar-e, Nagawan Kelaudius iri worasola tarem-nen kwat yij-o.

YIDNAK YIDNAK WENE 19:6

Yi ma unpurug-e, Paulus na inggi it enpem posoloma-ge, Konak Indi-ge it enpem mbuwasolar-e, nin wene nan wene bem yogolat, aid wene yiga-o.

YIDNAK YIDNAK WENE 5:3

Posola-ge, Peterus-nen yosolar-e: ”Ananias wa-e. Noluk-nen kar-e Sere karem yebet yosola, Konak Indi min yubul posolat nggweyak onggo pidnak tol ereb-e kat menggesa yimndigen-o?

OROMA 12:6

Mbal Pem Nagawan-nen we wok ondoso mende nenarik tak nin tak nan tak wok nindid iri-ge at-nen nit nunpud kaso bem-net wok nindid mende iri na-ge nir-e iri na bem-nen yabu wanogolat wolmomtag-o. We wok ondoso mende aid wene yurak wok tidnak nap-nen-e at indi angin tubu yidnak ndak ndag-et yosolat wolmag-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

1 KORINTUS 11:4

Iri bem-e ap-nen anggulmbid pago-nen tepan yosolat, aid wene yosolat kwarosolar-e, at ambikpebe anggul Kerisut iri na mbilaro ngin tak pusu-o.

1 KORINTUS 13:8

Ap enabuwa kagwi-ge pem irit wolma-o. Aid wene yili iri-ge abog-e lak tak puwa-o. Ap enne bem yugwi na abog-e yugwi buk ma-o. Enaru yugwi elem abog-e lag-et ma-o.

1 KORINTUS 14:13

Iri bem-e, ta-nen nde nin wene nan wene bem yosolar-e, wene na nden yaga yoso kwat yekluk Mbal Pem Nagawan emengen mbaruwag-o.

1 KORINTUS 14:39

Iri bem-e, nanggamirak wa-e. Kir-e Mbal Pem Nagawan ene lomboksa yurak pem kenmawi konder-o. Nde, nin wene nan wene bem yogola-ge, ”Meyog-o” yurak pug-o.

NGGALATIA 3:5

Mbal Pem Nagawan-nen-e Konak Indi we wok kondosolat, kit kennggendumu-nen kwiye worak mende kwarusu iri-ge, kir-e imiri mbarak pidnak wene-nen yidnak yidnak nak kwarogola-nen iri kwarusu, lak? Are, kir-e aid wene kuluruk, iri bem kinndi angin tubu yigep pem-nen kwarusu-a?

1 TESALONIKA 5:20

Konak Indi-nen yi wene ndi wene yak kindidnak iri-ge te rak purak pug-o.

IBERANI 2:4

Iri kwarogola ereya na-net it-nen kinggiridnak wene lomboksa Mbal Pem Nagawan-nen na kenggera yak nondosolar-e, yenggerak purak mende kwatlik, kwiye worak mende kwatlik, kagwi buk mende kwarat kwatlik kwarosolar-e, at indi-n pidnak pem-net Konak Indi-nen we wok ondoso mende na tembesa wok ondoso-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.