1 KORINTUS 11:7 - Nanduk Ngget Tul Pidnak Wene

⁷ Ab-e Mbal Pem Nagawan ut mimirik nde, Mbal Pem Nagawan unu kek tak pugwi mende-nen yusu me, enanggulmbij-e purak pug-o. Alat nde, kwami-ge ap unu kek tak pugwi mende-nen yusu-o.

1 KORINTUS 11:7 ပူးပေါင်းရင်းမြစ်များ

NDAK WIRIDNAK WENE 3:16

Yak turuk, Nagawan Indo-nen Awa yak tosolar-e: ”An-nen kat kebem angin worag-e nambena kebem pimin-o. Kat kabila woralar-e, anggun panggun woralat, la ndagosolat na andi bandisa yane wosa-net ndagosolat wolmin-o. Nde, yane wosa ndakun-et nde, kindi-ge kun imin nene yurak pem-e mbarak pugun pug-o. Kar-e kun urugom tebe luk wolmomtag-o” luk yak tij-o.

NDAK WIRIDNAK WENE 5:1

Aram-nen wigarak wonarag-e yu-o. (Mbal Pem Nagawan-nen nandug-et ap ndak worak inpid iri na-ge at Mbal Pem Nagawan ondomok abage ndak worag-e ndak wat enpamu-o.

NDAK WIRIDNAK WENE 9:6

Nde, ab-e an nebage worak, an nggal-et ndak ndag-et ndak wiridnak me, ta-nen nde ap worosola-ge, ap erep-nen-e at na wuruwar-o.

NDAWI ENGGA 8:6

Kat-nen kek tak unpuruk, kat-nen o yu oboksa it ininggem pigen-o. Kat-nen ndak worak pidnak mende oboksa it ininggiyapma rak posolar-e,

1 KORINTUS 11:3

Alat nde, wene yu-ge kit-nen kenaru yurak iri-ge nindingen-o: Ap pidsa enanggul-e Kerisut-nen yusu-o. Nde, kwe anggul-e un-nen yusu-o. Nde, Kerisut anggul-e Mbal Pem Nagawan-nen yusu-o.

1 KORINTUS 11:6

Nde, kwami-nen at anggul-e sum-nen tambirigit lak ala-ge, anggulsu mbaruwag-o. Nde, at anggulsu mbarak posolat, anggulsu labana wirik posolat momtag-e inggiri ala-ge, at anggul-e sum-nen lemerak puwag-o.

2 KORINTUS 8:23

Titus iri perak nde, nannggam an totno yabu wanugwi nap, an totno yongga kundugwi nap-nen yusu-o. Nde, nennggamirak mberen at imin waring kali nap iri perak nde, lambuk tak inpidnak nap-nen wirik inpidnak nap, Kerisut unu kek tak pugwi nap-nen yili-o.

YAKOBUS 3:9

Nit nenma yu bem-nen Nineid Nagawan Indo erembel wanogolar-et nde, nenma yu bem-net Mbal Pem Nagawan at ut mimirik ndak wat inpidnak nap na inmbiri lamut tak inpili-o.