1 KORINTUS 11:32 - Nanduk Ngget Tul Pidnak Wene

³² Alat nde, nggweyak ma nap enpem wene mbarosolar-e, it inmin lambuksa nenpem wene mbaruwa naru, Nagawan Indo-nen-e angin worak mende nenpem pusu iri-ge mul nondosolat-nen yusu-o.

1 KORINTUS 11:32 ပူးပေါင်းရင်းမြစ်များ

2 SEMUEL 7:14

Nde, an-e at eid kwat yimin-o. Nde, ar-e an nambara kwat ma-o. At-nen nde lugud tak kwarosola-ge, ineidtak-nen enmbararak undugwi nggal-et wirimin-o.

NDAWI ENGGA 118:18

Nagawan Indo-nen-e an-e mondok kwarat andi bandi rak nibij-et nde, niminep wesera wat yugwi inggem nibigit lag-o.

YESAYA 1:5

Noluk-nen kir-e eyak wat tenak nak worali-o? Kir-e angin worak mende mondok kwiye worak tuguruk kenpem purak kindingen-a? Kenanggul-e nggwat nggwat ud nak-nen kobong tak, nde, kinndi min kit-nen yebet kagwi min-e mondok wat yidnak worasu-o.

YEREMIA 7:28

Iri ala karuk, kat-nen yak ondosolar-e: ’Kir-e Nagawan Indo Kenmbal Pem Nagawan-nen yidnak yidnak kwarugwi buk kenlem-o’ nak yak indi-o. It iri-ge it-nen kwarugwi bem onggo angin worak enpem pidnak ereba na bem-e inndi-ge kwara wanili bug-o. Ndemeret an-nen yidnak yidnak kwarugwi elem-e it enarem-e lak yosolat, enemnde bem-nen iri wene yurak tet mondok lak yidnak worasu-o” luk yij-o.

OROMA 3:19

Nit nenaru yili wene-ge yu-o: Musa-nen imiri mbarak pidnak wene arem-nen yidnak wene na-ge, imiri mbarak pidnak wene wanugwi nap nenmanggim yidnak-nen yusu-o. Iri yid iri-ge ap pidsa wene onggo yigit lak makluk, nggweyak ma nap pidsa enpem Mbal Pem Nagawan-nen wene mbaruwakluk-nen yij-o.

OROMA 5:16

Mbal Pem Nagawan-nen we wok ondoso elem iri-ge ap misik iri-nen meya yidnak iri nggal ndak ndag-e lag-o. Ar-e wene misiget nak kuruk tidnak pem-et nde, ap pidsa enpem wene mbarosolar-e, angin worak mende-ge nenpem pij-et nde, ap pidsa-nen Mbal Pem Nagawan-nen yidnak wene kuruk tenak woraidnag-et nde, Mbal Pem Nagawan-nen onggo lak we irit lud tak nak ninpij-o.

1 KORINTUS 1:20

Inndi tenggerak nab-e ngge me-o? Engga enaru nab-e ngge me-o? Nggweyak ma yu me-nen eyak wat wat kwarugwi nab-e ngge me-o? Nggweyak ma yu me-nen inndi lid tak elem iri-ge Mbal Pem Nagawan-nen wid tak pid na kali bug-a?

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 11:30

Iri kwatli bem-nen kit kennggendumu-ge ap kwarar-e enmawi lak yogolat, ud kondogolat yogolar-e, ap erep kwarat wat yogolat yili-o.

1 KORINTUS 11:31

Nit-nen nde nondomok ninndi mbenarigenggal-e, nenare pelep pug-o.

1 KORINTUS 11:33

Iri bem-e, nanggamirak wa-e. Kir-e mburu nokluk ndok worogolar-e, kennggamirak yik eneyarok woraruk, ndak ndak-net norag-o.

TUGURUK YIDNAK WENE 8:5

Nagawan Indo Kenmbal Pem Nagawan-nen nggomo kondosolar-e, ineidtak-nen inlirak nggomo ondogolat undugwi nggal-et kindid iri yebet ker-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

1 YOANES 5:19

O nggweyak yu pidsa-ge Meya Kwaroso Nap inggem worasu-t nde, nir-e Mbal Pem Nagawan ilirak-net yili-o luk nenaru worali-o.

NAM PARA WENE 3:19

An-nen enabuwa kaso nab-e nggomo nggal eneyanggo wat makluk linggamburok ondoso-o. Iri bem-e, kir-e kenmawi kunduruk, kit meya yidnak keya buruk, kondok yer-o.