1 KORINTUS 11:3 - Nanduk Ngget Tul Pidnak Wene

³ Alat nde, wene yu-ge kit-nen kenaru yurak iri-ge nindingen-o: Ap pidsa enanggul-e Kerisut-nen yusu-o. Nde, kwe anggul-e un-nen yusu-o. Nde, Kerisut anggul-e Mbal Pem Nagawan-nen yusu-o.

1 KORINTUS 11:3 ပူးပေါင်းရင်းမြစ်များ

NDAK WIRIDNAK WENE 3:16

Yak turuk, Nagawan Indo-nen Awa yak tosolar-e: ”An-nen kat kebem angin worag-e nambena kebem pimin-o. Kat kabila woralar-e, anggun panggun woralat, la ndagosolat na andi bandisa yane wosa-net ndagosolat wolmin-o. Nde, yane wosa ndakun-et nde, kindi-ge kun imin nene yurak pem-e mbarak pugun pug-o. Kar-e kun urugom tebe luk wolmomtag-o” luk yak tij-o.

YESAYA 52:13

Nagawan Indo-nen yosolar-e: ”An ndegel noboso nap iri na-nen kwaridnak ebe-t kwat marig-e, at nak erembel wanogolat, kek tak ubuwa-o.

YESAYA 55:4

Ap enlem erep-nen an namawi iri na at ebem kujwaklug-e, an-nen-e Ndaut iri-ge ndemeret nagawan tak posolat, san ombo onowe rak posolat kwarukmu-o.

MATIUS 28:18

Nde, Yesus na it endam panggo yosolat-nen it yak ondosolar-e: ”Aid arem amawi min nggweyak ma amawi min oboksa-ge an ninggem pidnak-nen yusu-o.

YOANES 14:28

An-nen yak kondosolar-e: ’An-e mbirimin-et nde, tuguruk kendam lobok yimin-o’ yak kondosola, kuligep nar-o. Nde, kir-e an nabuwa kagolat nggal-e, an Neij-e nggulok terak minig-et me, at Eid eram mburusu-o luk kenalen kaleb-o.

1 KORINTUS 3:23

Nde, kir-e Kerisut arengge-nen yili-o. Kerisut-e Mbal Pem Nagawan arengge-nen yusu-o.

EPESUS 4:15

Alat nde, ap enabuwa kagwi elem pem nir-e ndemeret wene puksa tena woragolar-e, yi mende ndi mende bem nir-e Kerisut na ebem iminep mbal mog-o. Nde, anggul-e at-nen yusu-o.

KOLOSE 1:18

Nde, at ebe-ge lambuk tak inpidnak nap-nen yusu-o. Nde, enanggul-e at-net yusu-o. At ebe iri na elem-e at-net yusu-o. Nde, yi mende ndi mende bem at arig-et nak mondok kek tak wolmaklug-e, wat yidnak nap ennggendumu-nen tel korosolat uruk tak pid nab-e at-net yusu-o.

KOLOSE 2:10

Nde, kir-e at imin kundik woragola, iminep mbarak kinpidnak worali-o. Nde, iri-ge nggweyak ma woragwi pemerinta nde enmawi worak mendak inpidnak nde enanggul-nen yusu-o.

KOLOSE 2:19

It iri na-ge enanggul Kerisut na puksa tenakit lak worali-o. Kerisut na ebem-net ebe oboksa-ge ndak ndaksa ndogorosolar-e, it min emengen min-nen konda misiget tak posolar-e, Mbal Pem Nagawan indi-n pidnak pem-et nggok yusu-o.

KOLOSE 3:18

Kununtak worak kwami wa-e. Kit kununtak unlugom tebeluk wolmer-o. Iri kwarugwi iri-ge Nagawan Indo ebem woragolat-nen kwarugwi-ge irir-o.

1 PETERUS 3:1

Kununtak worak kwami wa-e. Iri nggal-et kir-e kununtak enne nak kologolat wolmer-o. Iri kwarogola-ge, it erep-nen-e Mbal Pem Nagawan-nen yidnak yidnak wene bem inndi angin tubu yigit lak mbi woragola-ge, kit-nen konak kwarogola karuk, inndi angin tubu yuwa-o. It-nen yik kiniyujwa nggal, kenpage marak, mot mot nak kwarugwi me, kit-nen wene mbi yak undugup pug-o.