1 KORINTUS 11:29 - Nanduk Ngget Tul Pidnak Wene

²⁹ Nde, yu-ge ndemeret Nagawan Indo ebe-net yusu-o luk yebet kagit lak-nen mburu min yimbe arem kenanggo min nujwa nab-e, at ondomok are pusu-o.

1 KORINTUS 11:29 ပူးပေါင်းရင်းမြစ်များ

LUKAS 7:34

Nde, Ap Ambara an lobok yosolar-e, mburu min yi min nasola-ge, kit-nen yogolar-e: ’Suguru kondosolat, anggut engen amburu ndonggosa nasolat, pemerinta enmanggim tol ndok wurugwi nap min meya yugwi nap min ananggam kwat yosolat yusu yu ker-o!’ luk yak nirigeb-o.

OROMA 13:2

Iri bem-e pemerinta inmin sirid mbatli nab-e Mbal Pem Nagawan-nen ”Irit kwarurag-o” yidnak imin sirid mbatli-o. Nde, iri kwatli nap enpem-e wene mbaruwa-o.

1 KORINTUS 11:24

Mbal Pem Nagawan wa yak turuk, ndeksa posolat-nen yosolar-e: ”Mburu yu-ge an nebe kit kenmanggim pidnak-nen yusu-o. Kir-e an yebet yebet tak worabok-nen an-nen kwarusu yu nggal kwarogolat wolmer-o” luk yij-o.

1 KORINTUS 11:27

Iri bem-e, ta-nen nde mburu min Nagawan Indo-nen idnak yimbe kenanggo min yun munsa-t nasolar-e, Nagawan Indo ebe min eyab min meya rak pusu-o.

1 KORINTUS 11:28

Iri ala-ge, ap pidsa enambiktak-nen inndi mbenatluk-net mburu min yimbe arem kenanggo min-e nujwag-o.

1 KORINTUS 11:30

Iri kwatli bem-nen kit kennggendumu-ge ap kwarar-e enmawi lak yogolat, ud kondogolat yogolar-e, ap erep kwarat wat yogolat yili-o.

IBERANI 5:14

Nde, nunggwi mende amawi worak iri-ge meya min konak min lumbunugwi enaru nap, inndi worak nap iri nak-nen nunggwi-o.

YAKOBUS 3:1

Nanggamirak wa-e. Kit kennggendumu ap kwarat-nen ap mul undugwi nap yurak nak yili-ge meyog-o. Ap erep enpem-e wene te-t mbaruwa-t nde, nit mul undugwi nap nenpem-e, wene angin worag-et mbaruwa-ge kenaru nar-o.

YAKOBUS 5:12

Nanggamirak wa-e. Wene nggok lombog-e yu-o: Owak mbarogolar-e, mbal min nggweyak min yi mende ndi mende mbi min unu luk owak mbarurak pug-o. Mbal Pem Nagawan-nen kenpem wene mbaruwa naru, ”Ye” yurak ala-ge, ”Ye” nak yurag-o. Nde, ”Lag-o” yurak ala-ge, ”Lag-o” nak yurag-o.