1 KORINTUS 11:19 - Nanduk Ngget Tul Pidnak Wene

¹⁹ Nde, mot mot nak kwarugwi nap iri yenggerak iniyujwaklug-e, kit kennggenggerag-e kuri-t wat yusu-o.

1 KORINTUS 11:19 ပူးပေါင်းရင်းမြစ်များ

MATIUS 18:7

Nggweyak ma yu me-nen ap meya makluk enarem woraga pil nggoso mende nin tak nan tak worasu me, enabuwa-o. Iri mende-ge mondok wolma-t nde, enarem woraga pil ngguwa nab-e abuwa-o.

LUKAS 17:1

Yesus-nen at owosirak yak ondosolar-e: ”Meya yuwakluk ap enarem woraga pil nggurak mende lak ma-ge lag-o. Irit pempa kwarogolat wolma-o. Alat nde, nin nap meya rak inpili nap enpem mbuma mende bem enabuwa-o!

LUKAS 2:35

At insili rak pogolar-e, it inndi arem-nen peragwi mende iri nam tak puwa-o. Nde, Maria kat kindi andi-ge yalawi anggat-nen kindi kundugu pidnak nggal kindi andi yugun-o” luk yak tij-o.

YIDNAK YIDNAK WENE 15:5

Alat nde, ap ereb-e Parisi nab-et nde, inndi angin tubu yidnak nap ereba na-nen ngoneksa yogolar-e: ”Enlem nin nap iri-ge mondok iniye ambasap mbatluk, Musa-nen imiri mbarak pidnak wene-nen yidnak yidnak nak mondok wat tenak wolmag-o” luk yiga-o.

YIDNAK YIDNAK WENE 20:30

Kit kenambik kennggendumu-net ap erep men yogolar-e, Yesus ene wanugwi nab-e it langgal unpurak makluk, enesiget wene nde yuwa-o.

YIDNAK YIDNAK WENE 24:14

Alat nde, nam-et yak kereyeg-o. An-e nit nenlawingga Enmbal Pem Nagawan erembel wanosolar-e, at urula mburusu-t nde, it-nen-e ’Nin tula mburusu-o’ luk yili-o. Nde, imiri mbarak pidnak wene arem-nen mbaridnak wene min Mbal Pem Nagawan ene lomboksa yugwi nap-nen mbaridnak engga min oboksa ebem nindi angin tubu yusu-o.

YIDNAK YIDNAK WENE 24:5

Nit-nen kagolar-e, ap Paulus yu-ge ap enne rak poso-o. Yi wi ndi wi worali Yawuri nap ennggendumu nari wari rak poso-nen yusu-o. At iri-ge Nasarani nap ennggendumu ene kulugwi nap-nen yusu-o.

YIDNAK YIDNAK WENE 26:5

It iri-ge obi-net neyagwi me, it-nen kunggururak ala-ge, nit-nen Mbal Pem Nagawan erembel wanogolat tena woragwi bem an-e yidnak yidnag-et kwarugwi Parisi nab-et woraso iri-ge it-nen kenggetleb-o.

YIDNAK YIDNAK WENE 28:22

Alat nde, nin me nin me-nen wene yu wanugwi nap inmin-e wene eyak wat yugwi iri na nenaru me, kat kindi-nen pidnak wene irit kulul-o” luk yak tiga-o.

YIDNAK YIDNAK WENE 5:17

Iri kwarogola-ge, tepan ombo nagawan min at ene kulugwi nap Saruki nap ereba inmin men yogolar-e, it enlengen ale kwarat luk,

1 KORINTUS 11:20

Kit-nen ndok witli-ge, Nagawan Indo-nen idnak konak mende nokluk ndok witli-ge lag-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

NGGALATIA 5:20

kugiwak erembel wanugwi nde, linggirak kwarugwi nde, wim mbarak woragwi nde, yuk puk mbugwi nde, enlengen ale yugwi nde, insilepma yugwi nde, ondomok enmanggim nggok tak pugwi nde, kuri worak woragwi nde, ap len kerak mbugwi nde,

TUGURUK YIDNAK WENE 13:3

ap iri na kinndi wok turak pug-o. Iri kwaruwa iri-ge, Nagawan Indo Kenmbal Pem Nagawan-nen-e: ’Ndemeret it inndi min-et an nabuwa kali, lak?’ luk kinndi kayekluk ap iri ebem puwama-nen kwaruwa-o.

TITUS 3:10

Ap mbi-nen ndowaga lambuk tak inpidnak nap ennggendumu kuri wat onposo nap iri mberen pem-et nggomo wurugun-et nde, kuligit lak ala-ge, at imin-e are kundurak pug-o.

1 YOANES 2:19

Kerisut imin sirid nap iri-ge nit ninmin woragwi na-t nde, ndemeret ninmin kundigit lak me, keya nunpuruk mbiridnak nap-net yili-o. It nde nit ninmin kundik nap nggal-nen-e ndemeret nit ninmin woraleb-o. It iri-ge ap misiger-o luk tet nit nab-e lag-o luk yenggerak puwakluk, nit keya nunpuruk mbiriga-o.