1 KORINTUS 10:32 - Nanduk Ngget Tul Pidnak Wene

³² Yawuri nap na irit, enlem nin nap na irit, Mbal Pem Nagawan-nen idnak lambuk tak inpidnak nap na irit, inndi mberen tak pili-ge meyog-o.

1 KORINTUS 10:32 ပူးပေါင်းရင်းမြစ်များ

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

YIDNAK YIDNAK WENE 24:16

Iri bem-e, an-e pempa Mbal Pem Nagawan min ap min inmbiri bem an nindi mbek tak worayekluk namawi kundusu-o.

OROMA 14:13

Iri bem-e, nit na nit-net nenpem wene mbal kerak mbili iri-ge keya buwog-o. Are, yu nggal mog-o luk wene amburu mbarer-o: Nonowe nonowot enare purak kerep tulabiyem pogolat, inndi kabak tak onpogolat momtak pug-o.

1 KORINTUS 1:2

Mbal Pem Nagawan-nen idnak lambuk tak inpidnak nap kit Korintus worali nap, Kerisut Yesus ebem-nen marak kunpuruk wene mbo kenpaga mbek tak kinpidnak nap kenmanggim na irit, ap pidsa o nin me nin me worali nap-nen Nenagawan Indo Yesus Kerisut unu bem wene mbo bili nap enmanggim na irit, Nagawan Indo iri-ge nit Nenagawan Indo na irit, it Enagawan Indo na irit kenmanggim mbatli-o.

1 KORINTUS 10:33

An-nen kwaroso nggal irit kwarogolat wolmer-o. An-nen yi mende ndi mende pidsa bem ap oboksa enalen tak posolar-e, it pidsa inmiri yaga wok unduwakluk, an nondomok namanggim-e lag-o. Are, it enmanggim-et kwaroso-o.

1 KORINTUS 11:22

Kunmburu min kinid min norak kenambik kenma-ge lag-a? Are, Mbal Pem Nagawan-nen idnak lambuk tak inpidnak nab-e kinsili rak pogolat, enarengge lak nab-e innggiri rak purak yili-a? An-e no wene yak kindimin-o? Kit kentembel wanimin-a? Iri kwatli iri bem-nen-e an-e kentembel wanimin pug-o!

1 KORINTUS 12:28

Nde, Mbal Pem Nagawan-nen ap lambuk tak inpidnak ennggendumu ap pidsa onposolar-e: Nandug-er-e wirik inpidnak nap onposolat, imbirig-e, Mbal Pem Nagawan ene lomboksa yugwi nap onposolat, imbirig-e, ap mul undugwi nap onposolat, iri rak puruk imbirig-e, kwiye worak mende kwarugwi nap min ap ki rak unpurak amawi wok indidnak nap min yongga undugwi nap min enne kulugwi nap min nin wene nan wene bem yugwi nap min irit inpij-o.

1 KORINTUS 15:9

Wirik inpidnak nap ereb-e kek tag-et nde, an-e teberag-o. Mbal Pem Nagawan-nen idnak lambuk tak inpidnak nap lel mberel inpigirik me, an nimin-e wirik inpidnak nab-o yurag-e meya-o.

1 KORINTUS 7:17

Ap pidsa-ge Nagawan Indo-nen it wolmomtak wok indidnak iri na bem-et woragolat, Mbal Pem Nagawan-nen wene mbo inpidnak iri na bem-et woragolat mag-o. ”Irit kwasa wolmer-o” luk an-nen-e lambuk tak inpidnak nap oboksa yak undusu-o.

1 KORINTUS 8:13

Iri bem-e, nunggwi mende iri-nen an nanggam iri are purak ala karuk, an nanggam iri-ge are pimin naru, ino-ge abok na abok na namin pug-o.

2 KORINTUS 1:1

Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

2 KORINTUS 6:3

Nit neneyabu wanili na meya rak pul naru, nir-e yi mende ndi mende bem oboksa ap enare pili bug-o.

NGGALATIA 1:13

An-e Yawuri nap-nen tena woragwi wene na tena worasolat-nen kwat tenak worasolar-e, Mbal Pem Nagawan-nen idnak lambuk tak inpidnak nap enabuwa lag-et lel mberel onposolat, mondok lak tak enpeyekluk kwarigi wene na kuligep nar-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

PILIPI 3:6

Imiri mbarak pidnak wene na elat mbarosolar-e, lambuk tak inpidnak nap lel mberel onposolat woragi-o. An-e imiri mbarak pidnak wene-nen yidnak yidnak nak kwarosolar-e, lugud tak poso bug-o.

1 TESALONIKA 2:14

Nanggamirak wa-e. Mbal Pem Nagawan-nen idnak lambuk tak inpidnak nap, Kerisut Yesus arengge Yurea woragwi nap iri na kwat inpiga nggal, kit na iri nggal-et kwat kinpiga-o. It enlem Yawuri nap-nen it andi bandi rak inpiga nggal, kit na kenma nap-net iri nggal-et andi bandi rak kinpiga-o.

1 TIMOTIUS 3:15

Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

1 TIMOTIUS 3:5

Nde, at-nen-e at ama woragwi nap na kwara yik eneyarok woraso buk ala-ge, nggesa-nen Mbal Pem Nagawan-nen idnak lambuk tak inpidnak nab-e yik eneyarok wolma-o?

URUT 3:14

Yosoloma-ge, Urut na-ge Mboas ijok unggutmu iri na me-t nene yij-o. Nde, kub-e Mboas-nen perasolar-e: ”Urut na Mboas eram lobok yarig-o” luk ap-nen enaru yurak iri-ge isili me, Urut na-ge ap-nen kujwa naru kubu kabu irit men yij-o.