1 KORINTUS 10:19 - Nanduk Ngget Tul Pidnak Wene

¹⁹ Wene yigi yu-ge ngge yosolat-nen yigi-o? Kugiwak amanggim pidnak nunggwi mende min kugiwak min-e ebe worak mende-nen yusu-o luk yosolat-nen yigi-a?

1 KORINTUS 10:19 ပူးပေါင်းရင်းမြစ်များ

YESAYA 40:17

Ap enlem oboksa-ge at erengen pem-e enpe-ge mondok lak, ebe lak mende nde yik kasu-o.

YESAYA 41:29

Ndemeret kugwiwak ereba-ge ebe lak mende-t kagi-o. Ereba-ge ininggi-nen kwaridnak amawi lak, at-nen kwarurag-e mondok amawi lak meya kagi-o” luk yij-o.

YIDNAK YIDNAK WENE 19:26

Nde, Epesus yu me nag-e lag-o. Are, Asia nggweyak yi wi ndi wi pidsa-nen na ap Paulus iri-nen-e ap enarem woragosolat, inndi nden eneyasolat yusu iri-ge kit-nen kagolat kologolat kwatli irir-o. At iri-nen yosolar-e: ’Ap ininggi-nen konidnak mende iri-ge erembel wanugwi Mbal Pem Nagawan-e lag-o’ luk yusu-o.

1 KORINTUS 1:28

Nggweyak ma yu-ner ebe worak yik kagwi mende na lak takpuwaklug-e, Mbal Pem Nagawan-nen unnu teberak mende min ap-nen no mende nggal yik kagwi min ebe lak mende min irit len inpij-o.

1 KORINTUS 10:14

Nenggamirak kenabuwa worak wa-e. Iri bem-e, kugiwak erembel wanurak pug-o.

1 KORINTUS 13:2

An-nen-e aid wene kwiye worak yoso kwat yosolat, kura wene pidsa naru yosolat, enaru yugwi mende pidsa naru yosolat, an nindi angin tubu yidnak iminep mbarak pem-nen ndobo iri lembera nin me wirik posolat yimin-et nde, ap enabuwa kagwi elem nde ap narem-e lak-nen-e an-e ebe lak mende-nen yusu-o.

1 KORINTUS 3:7

Yagoso nap min yi koloso nap min iri-ge nggulog-e lag-o. Ija lombog-o wirik poso Mbal Pem Nagawan iri nag-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

2 KORINTUS 12:11

An-e wid kwat yigi-t nde, kit-nen kwat nibidnak pem-net iri kwat yigi-o. Kit-nen kek tak nuburag-e an-et nde, an-e ebe lak mende nggal-et nde, yi kwarugwi ndi kwarugwi bem-e an-e wirik inpidnak nap ija lombok ereba inmin ndak ndak-net yusu-o.

TUGURUK YIDNAK WENE 32:21

Nde, it-nen-e an-e nerengen ale yoso rak nobogolar-e, ndemeret mbal pem nagawan-e lag-et nde iri na bem nerengen ale yoso rak nobogolat, unkugiwak ininggi-nep ndak wiridnak iri na bem nisilepma poso rak nibili-o. Iri bem-e, an-nen nilirak enlengen ale yugwi rak onposolar-e, ap enlem-e lag-et nde iri na bem enlengen ale yugwi rak onposolat, ap enlem wid iri na bem insilepma pugwi rak inpimin-o.